ഫേസ്‌ബുക്കിലൂടെ പ്രചരിക്കുന്ന ഈ പാട്ട് ട്രോൾ വിഡിയോ ഒന്നു കാണേണ്ടതു തന്നെയാണ്...
ദ്രോഹിക്കുക എന്ന മനസ്സോടു കൂടി അല്ലാത്ത കളിയാക്കാൻ കിട്ടുന്ന ഒരവസരവും നമ്മൾ വെറുതെ വിടരുത്, കാരണം ഇത് ട്രോളുകളുടെയും ട്രോളന്മാരുടെയും കാലമാണല്ലോ. പ്രായഭേദ വ്യത്യാസമന്യേ ആളുകൾ ഇപ്പോൾ ട്രോളുകൾക്ക് പിന്നാലെയാണ്. സൂക്ഷിച്ചും കണ്ടു വർത്തമാനം പറഞ്ഞില്ലെങ്കിൽ ട്രോളന്മാർ എടുത്തിട്ട് പണിതരും എന്ന കാര്യം ഉറപ്പ്.
അങ്ങനെ പ്രയാഗ മാർട്ടിൻ ഉൾപ്പെടെ പലർക്കും അടുത്തിടെ വമ്പൻ പണി കിട്ടിയത് ആരും മറന്നു കാണില്ല. അതിനാൽ വർത്തമാനത്തിൽ അൽപം സൂക്ഷിച്ചാൽ നന്ന്. പക്ഷേ വല്ലഭന് പുല്ലും ആയുധം എന്ന പോലെ ട്രോളന്മാർക്ക് എന്തും ട്രോളിനു പറ്റിയ വിഷയങ്ങളാണ്. അത്തരത്തിൽ ഇപ്പോൾ തരംഗമായിക്കൊണ്ടിരിക്കുന്നത് പാട്ട് ട്രോളുകൾ ആണ്.
ഫേസ്‌ബുക്കിലൂടെ പ്രചരിക്കുന്ന ഈ പാട്ട് ട്രോൾ വിഡിയോ ഒന്നു കാണേണ്ടതു തന്നെയാണ്. പാട്ടുകളിലെ ചില വരികൾക്ക് നമ്മൾ കൗണ്ടർ കമന്റ് പറയാറുണ്ടെങ്കിലും ഇത്രത്തോളം കൗണ്ടർ കമന്റുകൾ കോർത്തിണക്കിയ ഒരു വിഡിയോ ഇതാദ്യമാണ്. അതിനാൽ തന്നെ ഇത്തരത്തിൽ ഒരു ട്രോൾ ഇറക്കിയ ആ 'ട്രോളത്തിയെ' തിരയുകയാണ് സോഷ്യൽ മീഡിയ
ഏറെ പ്രശസ്തമായ സിനിമാപ്പാട്ടുകൾക്ക് കറൗണ്ടറായി സിനിമയിലെ തന്നെ ഡയലോഗ് ആണ് ഉപയോഗിച്ചിരിക്കുന്നത്. അടിപൊളി എഡിറ്റിങ്ങിനൊപ്പം നൃത്ത രൂപത്തിലാണ് ഈ ട്രോളുകൾ അവതരിപ്പിച്ചിരിക്കുന്നത് എന്നതാണ് മറ്റൊരു പ്രത്യേകത. കണ്ടുതന്നെ ആസ്വദിക്കണം ഈ പാട്ട് ട്രോൾ.
Read more: Lifestyle Malayalam Magazine, Beauty Tips in Malayalam
