ലോകത്തെ ഏറ്റവും വലിയ പോൺവിഡിയോ ഷെയറിങ് വെബ്സൈറ്റാണ് പോൺഹബ്. പോൺഹബിന്റെ ഏറ്റവും വലിയ വരുമാന മാർഗവും ഇന്ത്യയിലെ ഉപയോക്താക്കളാണ്. എന്നാൽ ടെലികോം മന്ത്രാലയത്തിന്റെ പുതിയ ഉത്തരവ് വന്നതോടെ ഏറ്റവും വലിയ നഷ്ടം നേരിട്ടത് പോൺഹബിന് തന്നെയാണ്. ഒരു ദിവസം തന്നെ കോടിക്കണിന് സന്ദർശകരെയാണ് പോൺഹബിന് നഷ്ടപ്പെട്ടത്. അതേസമയം, ഈ പ്രശ്നം മറികടക്കാൻ പോൺഹബ് ചെയ്തത് മറ്റൊരു വഴിയാണ്.
ഇന്ത്യയിൽ പോൺ വെബ്സൈറ്റുകൾ വിലക്കിയ ദിവസം തന്നെ പോണ്‍ഹബ് അഡൾട്ട് ഫോറങ്ങളിലും സോഷ്യൽമീഡിയ പേജുകളിലും പോൺഹബിന്റെ പുതിയ യുആർഎൽ വെളിപ്പെടുത്തിയിരുന്നു. പോൺഹബിന്റെ ഔദ്യോഗിക വക്താക്കൾ തന്നെ പുതിയ വെബ്സൈറ്റ് ലഭിക്കുന്ന വഴികൾ വെളിപ്പെടുത്തി രംഗത്തെത്തി.
പഴയ ഡൊമെയിനിന്റെ മിറർ യുആർഎൽ നിർമിച്ചതാണ് പോൺഹബ് ഈ പ്രതിസന്ധിയെ മറികടന്നത്. ഇതോടെ നേരത്തെ ലിസ്റ്റ് ചെയ്ത് അശ്ലീല വെബ്സൈറ്റുകളുടെ ലിസ്റ്റിൽ നിന്ന് പോൺഹബിന് തൽകാലത്തേക്ക് മോചനം ലഭിച്ചു. രാജ്യത്ത് പോൺ ഉള്ളടക്കങ്ങൾക്കല്ല വിലക്ക് വന്നിരിക്കുന്നത്. തിരഞ്ഞെടുത്ത കുറച്ചു വെബ്സൈറ്റുകൾക്ക് മാത്രമാണ്. ഇതിനാൽ തന്നെ പുതിയ മിറർ വെബ്സൈറ്റുകളിലേക്ക് ഉപയോക്താക്കളെ റൂട്ട് ചെയ്യാൻ പെട്ടെന്ന് സാധിക്കുമെന്നാണ് ടെക് വിദഗ്ധർ പറയുന്നത്.
