ആപ്പിൾ ഇന്റലിജൻസ് അദ്ഭുതങ്ങൾ കുത്തിനിറച്ച ഐഫോൺ 16 സീരീസ്;എ18ന്റെ ശക്തി, സ്മാർട് സിരി, വില എന്നിവ അറിയാം
മാസങ്ങളോളം നീണ്ട നിരവധി ചർച്ചകൾക്കും ഊഹാപോഹങ്ങൾക്കും ശേഷം ടെക് പ്രേമികൾ ഏറെ പ്രതീക്ഷയോടെ കാത്തിരുന്ന ആപ്പിൾ ഉൽപന്നങ്ങൾ പുറത്തിറങ്ങി. കലിഫോർണിയയിലെ കുപെർട്ടിനോയിലെ സ്റ്റീവ് ജോബ്സ് തിയറ്ററിൽ നടന്ന ‘ഗ്ലോടൈം’ ഇവന്റിൽ ആപ്പിൾ സിഇഒ ടിം കുക്കാണ് പുതിയ ഉൽപന്നങ്ങളും ഫീച്ചറുകളും അവതരിപ്പിച്ചത്. ഐഫോൺ 16, ഐഫോൺ
മാസങ്ങളോളം നീണ്ട നിരവധി ചർച്ചകൾക്കും ഊഹാപോഹങ്ങൾക്കും ശേഷം ടെക് പ്രേമികൾ ഏറെ പ്രതീക്ഷയോടെ കാത്തിരുന്ന ആപ്പിൾ ഉൽപന്നങ്ങൾ പുറത്തിറങ്ങി. കലിഫോർണിയയിലെ കുപെർട്ടിനോയിലെ സ്റ്റീവ് ജോബ്സ് തിയറ്ററിൽ നടന്ന ‘ഗ്ലോടൈം’ ഇവന്റിൽ ആപ്പിൾ സിഇഒ ടിം കുക്കാണ് പുതിയ ഉൽപന്നങ്ങളും ഫീച്ചറുകളും അവതരിപ്പിച്ചത്. ഐഫോൺ 16, ഐഫോൺ
മാസങ്ങളോളം നീണ്ട നിരവധി ചർച്ചകൾക്കും ഊഹാപോഹങ്ങൾക്കും ശേഷം ടെക് പ്രേമികൾ ഏറെ പ്രതീക്ഷയോടെ കാത്തിരുന്ന ആപ്പിൾ ഉൽപന്നങ്ങൾ പുറത്തിറങ്ങി. കലിഫോർണിയയിലെ കുപെർട്ടിനോയിലെ സ്റ്റീവ് ജോബ്സ് തിയറ്ററിൽ നടന്ന ‘ഗ്ലോടൈം’ ഇവന്റിൽ ആപ്പിൾ സിഇഒ ടിം കുക്കാണ് പുതിയ ഉൽപന്നങ്ങളും ഫീച്ചറുകളും അവതരിപ്പിച്ചത്. ഐഫോൺ 16, ഐഫോൺ
മാസങ്ങളോളം നീണ്ട നിരവധി ചർച്ചകൾക്കും ഊഹാപോഹങ്ങൾക്കും ശേഷം ടെക് പ്രേമികൾ ഏറെ പ്രതീക്ഷയോടെ കാത്തിരുന്ന ആപ്പിൾ ഉൽപന്നങ്ങൾ പുറത്തിറങ്ങി. കലിഫോർണിയയിലെ കുപെർട്ടിനോയിലെ സ്റ്റീവ് ജോബ്സ് തിയറ്ററിൽ നടന്ന ‘ഗ്ലോടൈം’ ഇവന്റിൽ ആപ്പിൾ സിഇഒ ടിം കുക്കാണ് പുതിയ ഉൽപന്നങ്ങളും ഫീച്ചറുകളും അവതരിപ്പിച്ചത്. ഐഫോൺ 16, ഐഫോൺ 16 പ്ലസ്, ഐഫോൺ 16 പ്രോ, ഐഫോൺ 16 പ്രോ മാക്‌സ് എന്നിവയാണ് അവതരിപ്പിച്ച പ്രധാന മോഡലുകൾ. ഐഫോൺ 16 സീരീസിന് പുറമേ, എയർപോഡ് 4ന്റെ പുതിയ വേരിയന്റുകളും ആപ്പിൾ പുറത്തിറക്കി. പുതുക്കിയ വാച്ച് സീരീസ് 10 എന്നിവയുടെ അരങ്ങേറ്റത്തിനും 'ഗ്ലോ ടൈം' ഇവന്റ് സാക്ഷ്യം വഹിച്ചു. ആപ്പിളിന്റെ ഈ വർഷത്തെ ഏറ്റവും വലിയ ഹാർഡ്‌വെയർ ലോഞ്ച് ആവേശകരമായ പുതുമകൾ നിറഞ്ഞത് തന്നെയായിരുന്നു.
∙ ആപ്പിൾ ഇന്റലിജൻസ് ഐഫോൺ
ആപ്പിൾ ഇന്റലിജൻസ് അനുഭവങ്ങളും മറ്റും സൂപ്പർചാർജ് ചെയ്യുന്നതാണ് പുതിയ ഐഫോൺ മോഡലുകൾ. ഐഫോണിന്റെ അടുത്ത തലമുറ ഡിസൈൻ ചെയ്തിരിക്കുന്നത് ആപ്പിൾ ഇന്റലിജൻസിന് വേണ്ടിയാണ്. ഇത് ആവേശകരമായ ഒരു പുതിയ യുഗത്തിന്റെ തുടക്കമാണെന്നും സിഇഒ ടിം കുക്ക് പറഞ്ഞു. അലുമിനിയം ഗ്രേഡ് ഫിനിഷും ഗ്ലാസ് സെറാമിക് ഡിസ്പ്ലേയും ഐപി 68 റേറ്റിങ്ങും നൽകുന്നു ഐഫോൺ 16 സീരീസ്. യഥാക്രമം 6.1 ഇഞ്ച്, 6.7 ഇഞ്ച് ഡിസ്‌പ്ലേയുള്ള ഐഫോൺ 16, 16 പ്ലസ് മോഡലുകളിലേക്ക് ആപ്പിൾ ഈ വർഷം ആക്ഷൻ ബട്ടൺ കൊണ്ടുവന്നു.
∙ ആക്ഷൻ ബട്ടൺ
കലണ്ടർ തുറക്കുന്നതിനോ ഫ്ലാഷ് ലൈറ്റിലേക്ക് മാറുന്നതിനോ ഉപയോക്താവിനെ അനുവദിക്കുന്നതിന് ബട്ടൺ ഇഷ്ടാനുസൃതം സെറ്റ് ചെയ്യാം. ഒരു സ്ലൈഡിങ് ആംഗ്യത്തിലൂടെ ക്യാമറ നിയന്ത്രിക്കാൻ ഉപയോക്താക്കളെ അനുവദിക്കുന്ന ക്യാമറ കൺട്രോൾ ഫീച്ചർ പുതുമ തന്നെയാണ്. എല്ലാ ഐഫോൺ 16 മോഡലുകളിലും ആക്ഷൻ ബട്ടൺ ഉൾപ്പെടുത്തിയിട്ടുണ്ട്.
∙ എ18ന്റെ ശക്തി
ജനറേഷൻഎഐ ഫീച്ചറുകൾ പുറത്ത് കൊണ്ടുവരുന്ന പുതിയ ഐഫോൺ 16 സീരീസിന് കരുത്ത് പകരാൻ ആപ്പിൾ സെക്കൻഡ് ജെൻ 3എൻഎം ചിപ്‌സെറ്റാണ് ഉൾപ്പെടുത്തിയിരിക്കുന്നത്. ഐഫോൺ 16ന് ഇതൊരു പവർ-പാക്ക് തന്നെയാണ്. ഇതോടൊപ്പം ഫീച്ചർ-സമ്പന്നവും ഒരേ സമയം കാര്യക്ഷമവുമാണ്.
ഉപകരണത്തിൽ ആപ്പിൾ ഇന്റലിജൻസ് പോലെയുള്ള ശക്തമായ അനുഭവങ്ങൾ പ്രവർത്തിപ്പിക്കുന്നതിന് ഗണ്യമായ ഉയർന്ന പെർഫോമൻസ് കംപ്യൂട്ട് ഉള്ള ചിപ്പ് ആവശ്യമാണ്. വേഗവും കൂടുതൽ ബാൻഡ്‌വിഡ്തും ലഭ്യമാക്കാനായി ഐഫോൺ 15ലെ എ16ൽ നിന്ന് എ18ലേക്ക് എതതിക്കുകയാണ് ആപ്പിൾ ചെയ്തിരിക്കുന്നത്. ഐഫോൺ 16ന് വേണ്ടി പ്രത്യേകം വികിസിപ്പിച്ചെടുത്ത പുതിയ ചിപ്പ് വലിയ ജനറേറ്റീവ് മോഡലുകൾ പ്രവർത്തിപ്പിക്കുന്നതിന് ഒപ്‌റ്റിമൈസ് ചെയ്‌തിരിക്കുന്ന അപ്‌ഡേറ്റ് ചെയ്‌ത നാല് വർഷം പഴക്കമുള്ള എൻജിനാണ്.
∙ സിരി സ്മാർട്ടാകുന്നു
ഐഫോൺ 16ൽ സിരിയ്ക്ക് കാര്യമായ റോൾ ഉണ്ട്. ആപ്പിൾ ഇന്റലിജൻസ് അടുത്ത മാസം ബീറ്റയിൽ വരുന്നു, ഡിസംബറിൽ കൂടുതൽ രാജ്യങ്ങളിലേക്ക് എത്തും, മറ്റ് സങ്കീർണ്ണമായ ഭാഷകൾ അടുത്ത വർഷം സിരിയിടെ ഭാഗമാകും. ആപ്പിളിന്റെ എഐ ഉപയോഗം സൗജന്യമായിരിക്കുമെന്നും അറിയിച്ചു. ഐഫോൺ 16 ഉപയോക്താക്കൾക്ക് ഒരു പ്രത്യേക പ്രോംപ്റ്റുള്ള വിഡിയോയിലേക്ക് ഫോട്ടോകൾ സ്റ്റിച്ചുചെയ്യാൻ എഐ ഉപയോഗിക്കാൻ കഴിയും. ഐഫോൺ 16ന്റെ ക്യാമറ കൺട്രോൾ ഫീച്ചറിന് വിഷ്വൽ ഇന്റലിജൻസ് ലഭിക്കുന്നു. ഇത് റെസ്റ്റോറന്റുകളുടെ പേരുകളും മറ്റും ചിത്രമെടുക്കുമ്പോൾ തിരിച്ചറിയാൻ എഐ ഉപയോഗിക്കാം. മാർഗനിർദേശത്തിനായി ചാറ്റ്ജിപിടിയോട് ചോദിക്കാൻ ക്യാമറ കൺട്രോൾ ഫീച്ചറും ഉപയോഗിക്കാം.
∙ ക്യാമറ ഫീച്ചറുകൾ
ഐഫോൺ 16ന് രണ്ട് ക്യാമറ ലെൻസുകൾ ഉണ്ട്. ഒന്ന് 48 എംപി പ്രധാന ഫ്യൂഷൻ ക്യാമറയും രണ്ടാമത 26 എംഎം ഫോക്കൽ ലെങ്തുള്ള ഓട്ടോ ഫോക്കസുള്ള പുതിയ അൾട്രാ വൈഡ് ക്യാമറയും ആണിത്. ഡോൾബി വിഷനിൽ 4കെ60 വിഡിയോയും ഇതിനൊപ്പം വരുന്നു, കൂടാതെ സ്പെഷൽ ഫോട്ടോകളും വിഡിയോകളും എടുക്കാൻ കഴിയും. വിഡിയോകളിലെ കാറ്റിന്റെ ശബ്ദം കുറയ്ക്കാൻ പോലും ഇതിന് കഴിയുമെന്ന് ആപ്പിൾ അവകാശപ്പെടുന്നു.
∙ ഗെയിമിങ് ബൂസ്റ്റ്
ഈ വർഷം സാധാരണ ഐഫോൺ 16 മോഡലുകളിൽ എല്ലാ പ്രീമിയം എ18 ബയോണിക് ഫീച്ചറുകളും ആപ്പിൾ വാഗ്ദാനം ചെയ്യുന്നു, അതായത് 15 പ്രോകളിൽ മാത്രം പ്രവർത്തിക്കുന്ന എഎഎ ഗെയിമുകൾ ഇപ്പോൾ സാധാരണ വേരിയന്റുകളിലും പ്രവർത്തിക്കും.
∙ ഐഫോൺ 16 വില
ഐഫോൺ 16 ന്റെ വില തുടങ്ങുന്നത് 799 ഡോളറിലാണ്. ഐഫോൺ 16 പ്ലസിന്റെ വില 899 ഡോളറിലും തുടങ്ങുന്നു. പുതിയ ഐഫോണുകളുടെ ഇന്ത്യയിലെ വിലകൾ ഉടൻ സ്ഥിരീകരിക്കും.
∙ ഐഫോൺ 16 പ്രോ
ഐഫോൺ 16 പ്രോയിൽ 6.3 ഇഞ്ചും, 16 പ്രോ മാക്‌സിൽ 6.9 ഇഞ്ച് വലിയ സ്‌ക്രീനുമായാണ് വരുന്നത്. ഇതിൽ പുതിയ ഡിസൈനും നിറവും പ്രൊമോഷൻ ഡിസ്പ്ലേയും ലഭ്യമാക്കുന്നു. ഐഫോൺ 16 പ്രോ മാക്‌സ് എക്കാലത്തെയും മികച്ച ഐഫോൺ ബാറ്ററി ലൈഫ് വാഗ്ദാനം ചെയ്യുന്നുവെന്ന് ആപ്പിൾ അവകാശപ്പെടുന്നു. ഈ ഹാൻഡ്സെറ്റിലും എ18 പ്രോ ചിപ്പുകളാണ് ഉൾപ്പെടുത്തിയിരിക്കുന്നത്. ആപ്പിൾ ഇന്റലിജൻസ് മനസ്സിൽ വച്ചാണ് ഈ മോഡലും വികസിപ്പിച്ചിരിക്കുന്നത്. കൂടാതെ നൂതന ക്യാമറ ഫീച്ചറുകളും വാഗ്ദാനം ചെയ്യുന്നു.
∙ പ്രോ ക്യാമറകൾ
ഐഫോൺ 16 പ്രോയിൽ 48 എംപി ഫ്യൂഷൻ ക്യാമറ, 48 എംപി അൾട്രാ വൈഡ് ക്യാമറ, 12 എംപി 5 എക്സ് ടെലിഫോട്ടോ ക്യാമറ എന്നിവയുണ്ട്. സെക്കൻഡിൽ 4കെ120 ഫ്രെയിമുകളുള്ള സിനിമാറ്റിക് സ്ലോ മോഷൻ ഫീച്ചറും ഉൾപ്പെുത്തിയിരിക്കുന്നു. ഐഫോൺ 16 പ്രോയിൽ നാല് സ്റ്റുഡിയോ ക്വാളിറ്റി മൈക്കുകളും ഉണ്ട്. കൂടുതൽ മികവാർന്ന അനുഭവത്തിനായി വിഡിയോ റെക്കോർഡിങ് സമയത്ത് ഇതിന് സ്പെഷൽ ഓഡിയോ ക്യാപ്‌ചർ ഫീച്ചറും ഉണ്ട്.
∙ രണ്ട്-ട്രാക്ക് റെക്കോർഡിങ്ങുകൾ
വോയ്‌സ് മെമ്മോകളിൽ നിലവിലുള്ള ഒരു റെക്കോർഡിങ്ങിന് മുകളിൽ ഉടൻ തന്നെ ഉപയോക്താവിന് മറ്റൊരു ട്രാക്ക് ലെയർ ചെയ്യാൻ കഴിയുമെന്നും ആപ്പിൾ പറയുന്നു. രണ്ട്-ട്രാക്ക് റെക്കോർഡിങ്ങുകൾ നടത്താൻ ഉപയോക്താക്കളെ അനുവദിക്കുന്നതിന് ഇത് പ്രധാനമായും വിപുലമായ പ്രോസസ്സിങ് ഉപയോഗിക്കുന്നുണ്ട്.
∙ ഐഫോൺ 16 പ്രോ വില
ഏറ്റവും മികച്ച ഹാർഡ്‌വെയറും ഫീച്ചറുകളും ഉൾപ്പെടുത്തിയിട്ടുള്ള ഐഫോൺ 16 പ്രോയുടെ വില 999 ഡോളറാണ്. ഐഫോൺ 16 പ്രോ മാക്സിന്റെ വില 1199 ഡോളറുമാണ്.