ആരോഗ്യകാര്യങ്ങളിൽ വളരെയധികം ശ്രദ്ധിക്കണം. വരുമാനത്തിൽ വർധനവ് ഉണ്ടാകാം എങ്കിലും കാര്യങ്ങൾക്ക് നഷ്ടവും തടസ്സവും സംഭവിക്കാതിരിക്കാൻ വളരെ ശ്രദ്ധ ആവശ്യമാണ്. ജീവിത പങ്കാളിയോട് സ്നേഹപൂർവം പെരുമാറുക
ധനലാഭം, ദേഹസുഖം, കർമലാഭം ഇവ ഉണ്ടാവും. കർമരംഗത്ത് അതിവേഗത്തിലുള്ള നീക്കം നടത്തും. വിലപിടിപ്പുള്ള സമ്മാനം ലഭിക്കും. മുൻകോപം, അക്ഷമ ഇവ ഒഴിവാക്കുക. ദീർഘകാല പ്രണയം സഫലമാകും.
ധനനഷ്ടത്തിന് ഇടവരുമെന്നതിനാൽ ധനപരമായ ക്രയവിക്രയം ശ്രദ്ധാപൂർവം ചെയ്യുക. കർമരംഗത്തെ അസ്വസ്ഥതകൾ ബുദ്ധിപൂർവം കൈകാര്യം ചെയ്യുക വഴി ഗുണം കിട്ടും. സ്ത്രീകൾ കാരണം കലഹത്തിനും ദാമ്പത്യ ക്ലേശത്തിനും സാധ്യത ഉണ്ട്.
കുടുംബ ഭദ്രതയ്ക്കായി പ്രയത്നിക്കുക. ധനനഷ്ടം വരാതിരിക്കാനും വില കൂടിയ വസ്തുക്കൾ നഷ്ടപ്പെടാതിരിക്കാനും ശ്രദ്ധ വേണം. മേലുദ്യോഗസ്ഥരോടും സഹപ്രവർത്തകരോടും നല്ല രീതിയിൽ പെരുമാറുക.
ആത്മീയ കാര്യങ്ങളിൽ കൂടുതൽ ശ്രദ്ധ പതിപ്പിക്കുക വഴി മന:സംഘർഷം ഒഴിവാക്കാം. പുതിയ പദ്ധതികളോ മനോരഹസ്യങ്ങളോ ആരുമായും പങ്കിടരുത്. ആഡംബരം കുറയ്ക്കുക വഴി പാഴ്ചെലവുകൾ നിയന്ത്രണ വിധേയമാക്കാൻ കഴിയും.
വിദ്യാർഥികൾ ഉദാസീനമനോഭാവം, ശ്രദ്ധക്കുറവ്, അലസത തുടങ്ങിയവ വർധിക്കാതെ നോക്കണം. ദാമ്പത്യ ജീവിതത്തിൽ വിട്ടുവീഴ്ചകൾ ചെയ്യുക. ജീവിത പങ്കാളിയോട് സൗമ്യവും അനുകൂവുമായ സമീപനം സ്വീകരിക്കുവാൻ പ്രത്യേകം ശ്രദ്ധിക്കണം.
വ്യാപാരവ്യവസായ വിപണന മേഖലകളിൽ പ്രതീക്ഷിച്ചതിലുപരി പുരോഗതി ഉണ്ടാകും. നിക്ഷേപമെന്ന നിലയിൽ ഭൂമിയോ ഗൃഹമോ വാങ്ങുവാനിടവരും ആഹ്ലാദകരമായ വാർത്തകൾ കേൾക്കും. ധനവർധനവ് ആത്മവിശ്വാസം നൽകും.
ജോലിസ്ഥലത്ത് നിസ്സാര കാര്യങ്ങളുടെ പേരിൽ കലഹ സാധ്യത കൂടുതൽ ആണ്. വിദ്യാർഥികൾ പഠനത്തിൽ കൂടുതൽ ശ്രദ്ധിക്കണം. പ്രലോഭനങ്ങളിൽ അകപ്പടരുത്. ചുമതലകൾ അന്യരെ ഏല്‍പിക്കുന്നതും പണം കടം കൊടുക്കുന്നതും അബദ്ധമായിത്തീരും.
കുടുംബാംഗങ്ങളുമായി വാക്ക്തർക്കങ്ങളിൽ ഏർപ്പെടാതിരിക്കുക. ബുദ്ധിപരമായ ഇടപെടൽ കൊണ്ട് നേട്ടങ്ങൾ ഉണ്ടാക്കാൻ ശ്രമിക്കണം. അനവസരത്തിൽ അഹങ്കരിക്കരുത്. ഈശ്വരാധീനം വർധിപ്പിക്കുക. മാന്യത വിട്ട് സംസാരിക്കുകയും പെരുമാറുകയും ചെയ്യരുത്.
ധനപരമായി ഗുണകാലം. ഉദ്യോഗത്തിൽ ഉയർച്ച, കച്ചവട വിജയം, കലാകാർക്ക് കൂടുതൽ അവസരങ്ങൾ. കുടുംബത്തിൽ മംഗള കർമങ്ങൾ നടക്കും. വിദ്യാർഥികൾ അവസരങ്ങൾ ഉപയോഗപെടുത്തണം. അസൂയാവഹമായ ഉയർച്ച എല്ലാ കാര്യങ്ങളിലും ഉണ്ടാവും.
കർമമേഖലയിൽ മേലധികാരികളിൽ നിന്ന് ബുദ്ധിമുട്ടുകൾ വരാം. വിവാഹകാര്യത്തിലും പ്രണയത്തിലും ചില തടസ്സങ്ങൾ ഉണ്ടായേക്കാം. എതിരാളികളെ കരുതിയിരിക്കണം. ഈശ്വരാധീനത്താൽ ശത്രു ജയം.
ആരോഗ്യശ്രദ്ധ വേണം. കർമരംഗത്ത് അബദ്ധങ്ങൾ പറ്റാതെ ജാഗ്രത പുലർത്തണം. കുടുംബത്തിലും സൗഹൃദത്തിലും നിലനിൽക്കുന്ന തെറ്റിദ്ധാരണകൾ മാറ്റണം. ശത്രു ശല്യം തല പൊക്കും. വിദ്യാർഥികൾ കഠിനാദ്ധ്വാനം ചെയ്താലെ ഫലം കിട്ടു.