അവനെ സ്റ്റാർ കിഡ് ആക്കണ്ട. സാധാരണ കുഞ്ഞുങ്ങളെപ്പോലെ അവൻ ജീവിതം ആസ്വദിക്കട്ടെ എന്ന് കരീന കപൂർ ആവർത്തിച്ച് പറയുമ്പോഴും ആരാധകരും പാപ്പരാസികളും തൈമൂറിന്റെ പുതിയ ചിത്രങ്ങൾക്കായുള്ള കാത്തിരിപ്പ് തുടരും.
കുഞ്ഞു തൈമൂറിനെ പുറത്തുകാണുന്ന തക്കത്തിലൊക്കെ അവർ അവന്റെ ചിത്രം കട്ടു പകർത്തുകയും ചെയ്യും. അങ്ങനെ പാപ്പരാസികൾ പകർത്തിയ ചില ചിത്രങ്ങളാണ് ഇപ്പോൾ സമൂഹമാധ്യമങ്ങളിൽ തരംഗമായിക്കൊണ്ടിരിക്കുന്നത്.
കിഡ്സ് ജിംസെക്ഷനുവേണ്ടി നാനിയോടൊപ്പം എത്തിയ തൈമൂറിന്റെ ക്യൂട്ട് എക്സ്പ്രഷൻസിന്റെ ചിത്രങ്ങളാണ് ആരാധകർക്ക് വിരുന്നായത്. കടുംമഞ്ഞനിറത്തിലുള്ള ടീ ഷർട്ടും നീല ട്രാക്ക്പാന്റുമണിഞ്ഞ് നാനിയുടെ കൈയിലിരുന്ന തൈമൂർ തന്റെ ഫൊട്ടോ പകർത്താനായി കാത്തിരുന്ന പാപ്പരാസികളെ നോക്കി ചില കിടിലൻ എക്സ്പ്രഷനുകളിട്ടു.
തൈമൂറിന്റെ ഭാവപ്രകടനത്തിൽ ഫ്ലാറ്റായ പാപ്പരാസികൾ തെരുതെരെ ചിത്രങ്ങൾ പകർത്തുകയും ആരാധകർക്കായി സമൂഹമാധ്യമങ്ങളിൽ അപ്‌ലോഡ് ചെയ്യുകയും ചെയ്തു.