സണ്ണി ശരിക്കും മമ്മി ആവാനുള്ള ഒരുക്കത്തിലാണോ? ചിത്രങ്ങൾ കണ്ട് അന്തംവിട്ട ആരാധകരുടെ ആദ്യത്തെച്ചോദ്യം അതായിരുന്നു. അസാധാരണമായ രണ്ടു ചിത്രങ്ങൾ പങ്കുവെച്ചുകൊണ്ടാണ് ബോളിവുഡ് താരം സണ്ണിലിയോൺ ആരാധകരെ ആശയക്കുഴപ്പത്തിലാക്കിയത്. പർപ്പിൾ നിറത്തിലെ ദ്രാവകം കൊണ്ട് മുഖം മുഴുവൻ പൊതിഞ്ഞ നിലയിലുള്ള ചിത്രമായിരുന്നു അതിൽ ആദ്യത്തേത്.
നിങ്ങൾ ഇതുവരെ കണ്ടിട്ടില്ലാത്ത അതിശയിപ്പിക്കുന്ന പ്രൊജക്റ്റിനുവേണ്ടിയുള്ള മുന്നൊരുക്കങ്ങൾ എന്ന സൂചനയോടെയാണ് സണ്ണി ആ ചിത്രം പങ്കുവെച്ചത്. കറുത്തകൂടുകൾ കൊണ്ട് മുഖം മറിച്ചുകൊണ്ടുള്ള രണ്ടാമത്തെ ചിത്രത്തിന് എന്നെത്തന്നെക്കണ്ടെത്താനുള്ള ശ്രമം എന്ന അടിക്കുറിപ്പാണ് നൽകിയിരിക്കുന്നത്.
തങ്ങളെ അതിശയിപ്പിക്കാൻ പോന്ന ഒരു ചിത്രത്തിനായുള്ള ഒരുക്കത്തിലാണ് സണ്ണിയെന്നും മമ്മിയുടെ കഥ പറയുന്ന ചിത്രമാകും അത് എന്നൊക്കെയുള്ള സംശയത്തിലാണ് ആരാധകരിപ്പോൾ.