ഇരുചക്രവാഹന സഫാരി ആസ്വദിച്ച് ഷെയ്ഖ് മുഹമ്മദ്

ദുബായ് ∙ഇരുചക്രവാഹന സഫാരി ആസ്വദിച്ച് യുഎഇ വൈസ്പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അൽ മക്തൂം.

ദുബായിലെ മനോഹരമായ വീഥികളിലൂടെ സൈക്കിൾ സഞ്ചാരം നടത്തിയ അദ്ദേഹത്തോടൊപ്പം ചില സഹായികളുമുണ്ടായിരുന്നു.ഷെയ്ഖ് മുഹമ്മദ്  സൈക്കിൾ യാത്രയുടെ ചിത്രങ്ങൾ പിന്നീട് ഇൻസ്റ്റാഗ്രാമിൽ പങ്കുവച്ചു.

ദുബായ് വാട്ടർ കനാലിലും പരിസരത്തു കൂടെയും യാത്ര നീണ്ടു. ഫെയ്സ് മാസ്കും ഹെൽമറ്റടക്കമുള്ള മറ്റു സുരക്ഷാ സംവിധാനങ്ങളോടെയായിരുന്നു സഞ്ചാരം. ഇത് കോവി‍ഡ്–19 പ്രതിരോധത്തിന്  ഐക്യദാർഢ്യം പ്രകടിപ്പിക്കുന്നതിന്റെ ഭാഗമായാണെന്ന് കരുതുന്നു.