ഷെയ്ഖ് മുഹമ്മദിന് 72–ാം ജന്മദിനം; ആശംസകൾ നിറഞ്ഞ് സമൂഹമാധ്യമ പേജുകൾ

ദുബായ്∙ യുഎഇയുടെ പ്രിയ ഭരണാധികാരിക്ക് ഇന്ന് 72-ാമത്തെ സന്തോഷജന്മദിനം. യുഎഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ സമൂഹമാധ്യമ പേജുകളിൽ അദ്ദേഹത്തിനുള്ള പിറന്നാളാശംസകൾ നിറഞ്ഞുകവിയുന്നു. ഷെയ്ഖ് മുഹമ്മദിന്റെ പഴയ ചിത്രങ്ങളും വിഡിയോയും പോസ്റ്റ് ചെയ്താണ് പലരും ആശംസകൾ കൈമാറിയിരിക്കുന്നത്.

ബുദ്ധിമാനും ദീർഘവീക്ഷണവുമുള്ള നേതാവ് എന്നാണ് യുഎഇയിലെ സ്വദേശികളും വിദേശികളും  സമൂഹ മാധ്യമ പേജിൽ അദ്ദേഹത്തെ ഏറെയും വിശേഷിപ്പിച്ചിട്ടുള്ളത്. 1949 ജൂലൈ 15ന് അൽ മക്തൂം കുടുംബത്തിന്റെ ദുബായ് ഷിന്ദഗയിലെ ഭവനത്തിൽ ഷെയ്ഖ് മുഹമ്മദ് ജനിച്ചു. 2006ൽ അദ്ദേഹം ദുബായ് ഭരണാധികാരിയായി സ്ഥാനമേറ്റെടുത്തു. അതിൽ പിന്നെ വികസനത്തിലും ഉന്നതയിലും എമിറേറ്റ് പിന്നോട്ടു പോയിട്ടില്ല. 

English Summary: Uae ruler Sheikh Mohammed celebrates his 72nd birth day