വിദേശയാത്രയ്ക്ക് എമിറേറ്റ്സ് ഐഡി കരുതണം

അബുദാബി∙ ഈദുൽഫിത്ർ അവധിക്കോ മറ്റോ വിദേശത്തേക്കു പോകുന്നവർ തിരിച്ചറിയൽ കാർഡായ എമിറേറ്റ്സ് ഐഡി കൈയിൽ കരുതണമെന്ന് വിദഗ്ധർ. വീസാ വിവരങ്ങൾ എമിറേറ്റ്സ് ഐഡിയുമായി ബന്ധിപ്പിച്ചതിനാൽ യാത്രാ നടപടികൾ സുഗമമാക്കുന്നതിനു വേണ്ടിയാണിത്.

Also read: പെരുന്നാൾ പ്രാർഥനകളിൽ ലക്ഷങ്ങൾ; സമൃദ്ധിയുടെ പുതുലോകം പണിയാനാകണം: അബ്ദുസ്സലാം മോങ്ങം

പുതിയ നിയമം അനുസരിച്ച് യുഎഇ വീസ പാസ്പോർട്ടിൽ പതിക്കുന്നില്ല. അതിനാൽ എമിറേറ്റ്സ് ഐഡി ഉണ്ടെങ്കിൽ തടസ്സമില്ലാതെ നടപടിക്രമങ്ങൾ പൂർത്തിയാക്കാം. ഇന്ത്യ ഉൾപ്പെടെ വിദേശ രാജ്യങ്ങളിലെ വിമാനത്താവളങ്ങളിലെല്ലാം എമിറേറ്റ്സ് ഐഡി ആവശ്യപ്പെട്ടുതുടങ്ങിയതായും ട്രാവൽ രംഗത്തുള്ളവർ വ്യക്തമാക്കുന്നു.