റിയാദ് മെട്രോ: ബ്ലൂ ലൈനിൽ പുതിയ സ്റ്റേഷനുകൾ തുറന്നു

റിയാദ് ∙ റിയാദ് മെട്രോയുടെ ബ്ലൂ ലൈനിൽ തിങ്കളാഴ്ച മുതൽ ആഭ്യന്തര മന്ത്രാലയം, മുറബ്ബ എന്നീ സ്റ്റേഷനുകൾ തുറന്നതായി റോയൽ കമ്മീഷൻ ഫോർ റിയാദ് സിറ്റി (ആർസിആർസി) അറിയിച്ചു. ഒലയ സ്ട്രീറ്റിനെ ബത്തയുമായി ബന്ധിപ്പിക്കുന്ന ബ്ലൂ ലൈൻ ഡിസംബർ ഒന്നിന് പ്രവർത്തനം ആരംഭിച്ചിരുന്നു.

നഗരത്തിലെ ഗതാഗതക്കുരുക്ക് ലഘൂകരിക്കുന്നതിന് സഹായകമായ മെട്രോ സർവീസ് പ്രയോജനപ്പെടുത്തുന്നതിൽ എല്ലാവരിൽ നിന്നും മികച്ച പ്രതികരണമാണ് ലഭിച്ചത്. റിയാദിലെ ഗതാഗത സംവിധാനത്തിലെ ഗുണപരമായ ചുവടുവയ്പ്പ് എന്ന നിലയിലാണ് മെട്രോ ഏറെ പ്രശംസിക്കപ്പെടുന്നത്.

റിയാദിലെ പൊതുഗതാഗത ശൃംഖലയുടെ നട്ടെല്ലാണ് മധ്യപൂർവ്വ ദേശത്തെ ഏറ്റവും വലുതും ലോകത്തിലെ ഏറ്റവും ദൈർഘ്യമേറിയ ഡ്രൈവറില്ലാ ട്രെയിനുമായ റിയാദ് മെട്രോ. ‌പ്രാരംഭ ഘട്ടത്തിൽ പ്രവർത്തനം ആരംഭിച്ച മൂന്ന് ലൈനുകൾ ഒന്നാം ലൈനാണ് (ബ്ലൂ ലൈൻ), നാലാമത്തെ വരി (മഞ്ഞ വര), ആറാമത്തെ വരി (പർപ്പിൾ ലൈൻ) എന്നിങ്ങനെയാണ്.

യെല്ലോ ലൈൻ കിങ് ഖാലിദ് ഇന്‍റർനാഷനൽ എയർപോർട്ട് റോഡിലൂടെ കടന്നുപോകുന്നു. പർപ്പിൾ ലൈൻ അബ്ദുൾ റഹ്മാൻ ബിൻ ഔഫ് റോഡിനെ അൽ ഷൈഖ് ഹസൻ ബിൻ ഹുസൈൻ റോഡുമായി ബന്ധിപ്പിക്കുന്നു.

രണ്ടാം ഘട്ടത്തിൽ കിങ് അബ്ദുള്ള റോഡിനെ ഉൾക്കൊള്ളുന്ന ലൈൻ 2, (റെഡ് ലൈൻ), കിങ് അബ്ദുൽ അസീസ് റോഡിനെ ഉൾക്കൊള്ളുന്ന ലൈൻ 5 (ഗ്രീൻ ലൈൻ) ഡിസംബർ 15ന് പ്രവർത്തനം ആരംഭിക്കും.