മലപ്പുറം കൊണ്ടോട്ടിയിൽ തറവാട് വീടിനോട് ചേർന്നാണ് സെയ്തലവിയുടെ പുതിയ വീട്. നിർമാണസമയത്തു പ്രധാനമായും ഒരു ഡിമാൻഡ് മാത്രമാണ് ഉടമസ്ഥന് ഉണ്ടായിരുന്നത്. കൊളോണിയൽ ശൈലിയിൽ വേറിട്ടു നിൽക്കുന്ന വീടായിരിക്കണം.
2900 ചതുരശ്രയടിയുള്ള വീട്ടിൽ ലിവിങ്, ഡൈനിങ്, കിച്ചൻ, നാലു കിടപ്പുമുറികൾ എന്നിവയാണ് ഒരുക്കിയിരിക്കുന്നത്. മാറ്റ് ഫിനിഷുള്ള വിട്രിഫൈഡ് ടൈലുകളാണ് പ്രധാന ഇടങ്ങളിൽ വിരിച്ചത്. ഇടയ്ക്ക് വേർതിരിവ് നൽകുന്നതിനായി വുഡൻ ഫിനിഷുള്ള ടൈലുകളും നൽകി.
ഫ്ലാറ്റ് റൂഫിന് മുകളിൽ ട്രസിട്ട് ഷിംഗിൾസ് വിരിക്കുകയായിരുന്നു. ഇതുകൊണ്ട് വിവിധ ഗുണങ്ങൾ ലഭിക്കുന്നു. ഇടയ്ക്കുള്ള സ്ഥലം യൂട്ടിലിറ്റി സ്‌പേസായി ഉപയോഗിക്കാം. നേരിട്ട് റൂഫിൽ വെയിൽ അടിക്കാത്തതു കൊണ്ട് വീടിനുള്ളിൽ സുഖകരമായ കാലാവസ്ഥ നിലനിൽക്കുന്നു.
ഓപ്പൺ ശൈലിയിലാണ് അകത്തളങ്ങൾ. ഇത് കൂടുതൽ വിശാലതയും വെന്റിലേഷനും നൽകുന്നു. ലിവിങ്, ഡൈനിങ്, സ്‌റ്റെയർ, കോർട്യാർഡ് എന്നിവ പ്രധാന ഹാളിൽ ക്രമീകരിച്ചിരിക്കുന്നു. സ്വീകരണമുറിക്ക് സമീപം ഒരു സൈഡ് കോർട്യാർഡ് നൽകിയിട്ടുണ്ട്. ഇതിൽ പെബിളുകളും ഇൻഡോർ പ്ലാന്റുകളും നൽകി അലങ്കരിച്ചിരിക്കുന്നു.
കിടപ്പുമുറികളിൽ അറ്റാച്ഡ് ബാത്റൂം, വാഡ്രോബ് സൗകര്യങ്ങൾ നൽകിയിട്ടുണ്ട്. അടുക്കളയിൽ ഒരു ബ്രേക്ഫാസ്റ്റ് കൗണ്ടറും നൽകിയിട്ടുണ്ട്. ജിപ്സം ഫോൾസ് സീലിങ് നൽകി പ്രൊഫൈൽ ലൈറ്റുകൾ കൊടുത്തിരിക്കുന്നു. രാത്രിയിൽ പുറത്തെ വിളക്കുകൾ കൂടി തെളിയുന്നതോടെ വീടിന്റെ ഭംഗി വർധിക്കുന്നു.
Project Facts
Location - Kondotty , Malappuram
Area-2900 SFT
Owner- Saidhalavi
Designers - Arun nv , Mithun Balan
YUUGA Designs
Mob- +91,8943661899, 8589881899
Completion year-2018