ഉടൽ വിസ്മയം – അബ്ദുൽ ബാസിത്ത് കുറ്റിമാക്കൽ എഴുതിയ കവിത
എന്റെയീ ചില്ലു- പാത്രത്തിലവളിന്നലെ സ്വപ്നം പൊഴിച്ചു, നിറച്ചു വെച്ചൂ. എന്റെയീ ചില്ലു- വാതിൽക്കലേക്കെത്തി ഒരരുമ നിലാവായി പെയ്തലിഞ്ഞൂ. എന്റെയീ നീല നഭസ്സിലവളായിരം ചിറകു വിടർത്തു- മുഷസ്സന്ധ്യയായ്. എന്റയീ മോഹ- ജലാശയത്തിൽ നീന്തി- യെത്തിയോരഴകിന്റെ അരയന്നമായ്. എന്റെയീ ചേതന- ത്തോപ്പിലവളായിരം ഇതളുകളുള്ള
എന്റെയീ ചില്ലു- പാത്രത്തിലവളിന്നലെ സ്വപ്നം പൊഴിച്ചു, നിറച്ചു വെച്ചൂ. എന്റെയീ ചില്ലു- വാതിൽക്കലേക്കെത്തി ഒരരുമ നിലാവായി പെയ്തലിഞ്ഞൂ. എന്റെയീ നീല നഭസ്സിലവളായിരം ചിറകു വിടർത്തു- മുഷസ്സന്ധ്യയായ്. എന്റയീ മോഹ- ജലാശയത്തിൽ നീന്തി- യെത്തിയോരഴകിന്റെ അരയന്നമായ്. എന്റെയീ ചേതന- ത്തോപ്പിലവളായിരം ഇതളുകളുള്ള
എന്റെയീ ചില്ലു- പാത്രത്തിലവളിന്നലെ സ്വപ്നം പൊഴിച്ചു, നിറച്ചു വെച്ചൂ. എന്റെയീ ചില്ലു- വാതിൽക്കലേക്കെത്തി ഒരരുമ നിലാവായി പെയ്തലിഞ്ഞൂ. എന്റെയീ നീല നഭസ്സിലവളായിരം ചിറകു വിടർത്തു- മുഷസ്സന്ധ്യയായ്. എന്റയീ മോഹ- ജലാശയത്തിൽ നീന്തി- യെത്തിയോരഴകിന്റെ അരയന്നമായ്. എന്റെയീ ചേതന- ത്തോപ്പിലവളായിരം ഇതളുകളുള്ള
എന്റെയീ ചില്ലു-
പാത്രത്തിലവളിന്നലെ
സ്വപ്നം പൊഴിച്ചു,
നിറച്ചു വെച്ചൂ.
എന്റെയീ ചില്ലു-
വാതിൽക്കലേക്കെത്തി
ഒരരുമ നിലാവായി
പെയ്തലിഞ്ഞൂ.
എന്റെയീ നീല
നഭസ്സിലവളായിരം
ചിറകു വിടർത്തു-
മുഷസ്സന്ധ്യയായ്.
എന്റയീ മോഹ-
ജലാശയത്തിൽ നീന്തി-
യെത്തിയോരഴകിന്റെ
അരയന്നമായ്.
എന്റെയീ ചേതന-
ത്തോപ്പിലവളായിരം
ഇതളുകളുള്ള പനി-
നീർ പുഷ്പമായ്.
എന്റെയീ മംഗല്യ-
സ്വപ്നത്തിൻ പന്തലിൽ
പൊൻകതിരായവൾ
പൂത്തു നിന്നൂ.
എന്റെയീ സംഗീത-
സോമരസ ഗംഗയിൽ
അവിരാമമൊരു മന്ത്ര-
ചൈതന്യമായ്.
എന്റെയീ കൽപനാ-
സൗരയൂഥത്തിലെ
നക്ഷത്രത്തിളക്കമാ-
യുണർന്നുയർന്നൂ.
എന്റെയീ മാരിവിൽ
ഗോപുരപ്പടിയിലെ
താലമേന്തും ശിലാ-
കന്യയായി.
എന്റെയീ ഉന്മാദ-
നൃത്ത വേദിയിലെ
നിർവൃതിച്ചിലങ്കതൻ
താളമായി.
എന്റെയീ മന്മഥ-
സാരംഗിയിൽ അത്യ-
പൂർവ്വമൊരു രാഗ-
കല്ലോലമായി.
എന്റെയീ വീഞ്ഞിന്റെ
പുഴയിലൂടവളൊരു
ലഹരിമീനായ് പിട-
ഞ്ഞൊഴുകിയെത്തീ.
എന്റെയീ കൈലാസ-
ഹിമ താഴ്വരക്കാറ്റി-
ലലിയുന്ന മേഘ
സുസ്മേരമായി.
എന്റെയീ ഏക നാരീ-
വ്രത ശപഥത്തി-
ന്നാധാരമാമുടൽ
വിസ്മയം നീ !
എൻ വികാരങ്ങളും
സമസ്താനുഭൂതിയും
പൊരുളും സമർപ്പി-
ച്ചിടുന്ന ദേഹം.
എൻ ശിരോലിഖിത-
ത്തിൽ സൗഭാഗ്യമായ് ഭവാന-
രുളിയ സമ്പൂർണ
സ്ത്രൈണ ദാഹം.
എന്നിൽ ജ്വലിക്കുമേ-
തഗ്നിയേയും അണ-
ക്കാൻ വരം സിദ്ധിച്ച
മന്ദഹാസം.
എന്നുടെ വേനലും
വർഷവും മകരവും
അവളാണ് മദ്ധ്യാഹ്ന-
സായന്തനങ്ങളും !