തിയറ്ററിനുള്ളിൽ മൊബൈലിൽ സിനിമ ചിത്രീകരിച്ച വിദ്യാർഥിയെ പൊലീസ് പിടികൂടി. കരുനാഗപ്പള്ളി കാർണിവൽ തിയറ്ററിൽ പൃഥ്വിരാജ് ചിത്രമായ പാവാട പ്രദർശിപ്പിക്കുന്നതിനിടെയാണ് സംഭവം.
മുക്കാൽമണിക്കൂറോളം സിനിമ മൊബൈലിൽ ചിത്രീകരിച്ച് കഴിഞ്ഞിരുന്നു. സംശയം തോന്നിയ ആളുകൾ തിയറ്റർ ജീവനക്കാരോട് പറയുകയും തുടർന്ന് നടത്തിയ പരിശോധനയിലുമാണ് സിനിമ പകർത്തിയ വിവരം ജീവനക്കാർ കണ്ടെത്തിയത്. വിദ്യാർഥിയെ തിയറ്റർ ജീവനക്കാർ പിടികൂടി പൊലീസിൽ ഏൽപ്പിക്കുകയായിരുന്നു.