തിരുവനന്തപുരം∙ സ്കൂളുകളിൽ സർവശിക്ഷാ അഭിയാനു(എസ്എസ്എ) കീഴിൽ കരാർ അടിസ്ഥാനത്തിൽ ജോലിചെയ്യുന്ന 2600 കലാ, കായിക, പ്രവൃത്തിപരിചയ അധ്യാപകരുടെ പ്രതിഫലം 29,000 രൂപയിൽനിന്ന് 7000 രൂപയാകും. കേന്ദ്ര മന്ത്രിസഭ അംഗീകരിച്ച മാനദണ്ഡങ്ങൾ അനുസരിച്ച് ഇത്രയും പ്രതിഫലം നൽകാനേ സാധിക്കൂ എന്ന് എസ്എസ്എ അധികൃതർ അറിയിച്ചു.
ഈ പ്രതിഫലത്തിനു ജോലിചെയ്യാൻ കേരളത്തിൽ ആളിനെ ലഭിക്കാത്ത പ്രതിസന്ധിയാണ് ഇനി ഉണ്ടാവുക. ഇന്ത്യയൊട്ടാകെ ഇതേ തുകയാണു കേന്ദ്രം നിശ്ചയിച്ചിരിക്കുന്നത്. അതേസമയം, സ്കൂളുകളിൽ സ്ഥിരം സർവീസിലുള്ള സ്പെഷലിസ്റ്റ് അധ്യാപകരുടെ ശമ്പളവുമായി ഇതിനു ബന്ധമില്ല.
×
