മലപ്പുറം∙ മലയാള സർവകലാശാല റജിസ്ട്രാർ ഡോ. കെ.എം. ഭരതനെ മുറിയിൽ പൂട്ടിയിട്ട് എസ്എഫ്ഐ സമരം. പഠനയാത്രയുടെ ഫണ്ട് കുറച്ചതിനെതിരെയാണ് പ്രതിഷേധം. സർവകലാശാലയ്ക്കുള്ള സർക്കാർ വിഹിതം വെട്ടിക്കുറച്ചതോടെ വിദ്യാർഥികൾക്കു ലഭിക്കേണ്ട പല സൗകര്യങ്ങളും ഇല്ലാതായെന്ന് ചൂണ്ടിക്കാട്ടി കുറച്ചുദിവസമായി പ്രതിഷേധപരിപാടികൾ നടക്കുന്നുണ്ട്. ഇന്നു വൈകിട്ടു തുടങ്ങിയ പ്രതിഷേധമാണ് രാത്രിവരെ നീണ്ടത്.