വാഷിങ്ടൻ∙ അടുത്തവർഷത്തെ ശ്രദ്ധേയ വ്യക്തികളുടെ ‘പൊളിറ്റികോ’ പട്ടികയിൽ യുഎസ് ജനപ്രതിനിധി സഭാംഗവും മലയാളിയുമായ പ്രമീള ജയപാലും. രാഷ്ട്രീയ, സാമൂഹിക രംഗങ്ങളിലെ ശ്രദ്ധേയരായ 18 പേരുടെ പട്ടികയിൽ അഞ്ചാം സ്ഥാനമാണു പൊളിറ്റികോ മാഗസിൻ പ്രമീള (52)യ്ക്കു നൽകിയത്. ജനപ്രതിനിധിസഭയിൽ അംഗമാകുന്ന ആദ്യ ഇന്ത്യൻ വംശജയുമായ പ്രമീള പാലക്കാട് ഈശ്വരമംഗലം മുടവൻകാട് പുത്തൻവീട്ടിൽ എം.പി.ജയപാലിന്റെയും എഴുത്തുകാരി മായാ ജയപാലിന്റെയും മകളാണ്.