1800 അടി വീതിയും 2000 അടി വീതിയുമായിരിക്കും ഈ ഒഴുകുന്ന നഗരനൗകയ്ക്കുണ്ടാകുക. 595.55 അടി നീളമുള്ള ജർമൻ നിർമിത ‘അസം’ ആണ് ഇപ്പോഴത്തെ ഏറ്റവും വലിയ നൗക. ജാപ്പനീസ് കമ്പനി ആയ സുമിറ്റോമോ ഹെവി ഇൻഡസ്ട്രീസ് നിർമിച്ച ‘സീവൈസ് ജയന്റ്’ കപ്പൽ ആണ് ഇതുവരെയുള്ളതിൽ ഏറ്റവും വലിയ കപ്പൽ. 1504.10 അടി നീളമാണ് ഇതിനുള്ളത്. നിർമാണം പൂർത്തിയാകുന്നതോടെ ഈ രണ്ടു ഭീമൻ കപ്പുലകളേക്കാളും വലുതായി മാറും പാൻഗിയോസ്. ലോകത്തിലെ ഏറ്റവും വമ്പൻ കപ്പലുകളെക്കുറിച്ചു പറയുമ്പോൾ നമ്മുടെ മനസ്സിലേക്ക് ആദ്യം ഓടിയെത്തുന്ന പേരുകളിലൊന്നാണല്ലോ ടൈറ്റാനിക്. 882.75 അടിയായിരുന്നു ടൈറ്റാനിക്കിന്റെ നീളം, വീതിയാകട്ടെ 92.5 അടിയും)

∙ പാർക്കുകൾ, വില്ലകൾ

60,000 പേർ താമസിക്കുന്ന ഒരു നഗരത്തിനു വേണ്ട എല്ലാ സൗകര്യങ്ങളും ഒഴുകുന്ന ആമനഗരത്തിലുണ്ടാകും. ഹോട്ടലുകൾ, ആശുപത്രികൾ, വ്യാപാരസമുച്ചയങ്ങൾ, പാർക്കുകൾ, ക്ലബുകൾ, ഉല്ലാസകേന്ദ്രങ്ങൾ തുടങ്ങിയ പൊതു ഇടങ്ങളും ഉല്ലാസ ഉപാധികളുമുണ്ടാകും. പാൻഗിയോസിലെ യാത്രക്കാർക്കു താമസിക്കാനായി ആമനൗകയുടെ ഇരുവശത്തുമായി 19 വില്ലകളും 69 അപാർട്ട്മെന്റുകളുമുണ്ടാകും. മേൽക്കൂരയിൽ 72 ടെറസുകളുമും നിർമിക്കും.

സൗരോർജവും കടൽത്തിരയിൽനിന്നുള്ള ഊർജവും ഉപയോഗിച്ചു പ്രവർത്തിക്കുന്ന യന്ത്രങ്ങളിലായിരിക്കും കപ്പൽ പ്രവർത്തിക്കുക. കപ്പലിന്റെ മുകൾഭാഗത്ത് സോളർ പാനലുകളും തിരമാലയിൽനിന്ന് ഊർജം കണ്ടെത്താനുള്ള സംവിധാനങ്ങളും ഒരുക്കും. മണിക്കൂറിൽ 9.2 കിലോമീറ്റർ വേഗത്തിൽ കപ്പലിനു സഞ്ചരിക്കാൻ കഴിയുമെന്നാണു കണക്കാക്കുന്നത്. പാൻഗിയോസിലെ യാത്രക്കാർക്കു മറ്റു വിനോദസഞ്ചാരകേന്ദ്രങ്ങൾ സന്ദർശിക്കാനും സൗകര്യമുണ്ടാകും. ഇതിനായി പാൻഗിയോസിനോടു ചേർന്ന് കപ്പലും വിമാനവും ഉപയോഗിക്കാനുള്ള സൗകര്യമൊരുക്കും. മറ്റു ബോട്ടുകൾക്കായി ഒരു തുറമുഖവും വിമാനങ്ങൾക്ക് ലാൻഡ് ചെയ്യാനായി പാൻഗിയോസിന്റെ മുകൾനിലയിൽ ചെറിയ വിമാനത്താവളവും സജ്ജീകരിക്കുമെന്നുമാണ് നിർമാതാക്കൾ പറയുന്നത്.

∙ ആഡംബരത്തിന്റെ അവസാന വാക്ക്

കപ്പലിന്റെ അടിത്തട്ട് 30,000 സെല്ലുകളും ക്ലസ്റ്ററുകളും നിർമിച്ച് സുരക്ഷിതമാക്കുമെന്നാണ് നിർമാതാക്കൾ പറയുന്നത്. സെല്ലുകളും ക്ലസ്റ്ററുകളും നിർമിക്കുന്നതോടെ ഏത് പ്രതികൂല സാഹചര്യത്തിലും കപ്പലിനെ മുങ്ങുന്നതിൽനിന്നു രക്ഷിക്കുമെന്നാണു കരുതുന്നത്. കപ്പൽ നിർമിക്കാനുള്ള സ്ഥലം സൗദിയിലെ കിങ് അബ്ദുല്ല തുറമുഖത്തിനു സമീപം നിർമാതാക്കൾ കണ്ടെത്തിയതായി അവകാശപ്പെട്ടു. 

ഈ നിർമാണ സ്ഥലത്തേക്കുള്ള ജലത്തിന്റെ ഒഴുക്കു നിയന്ത്രിക്കാൻ വൃത്താകൃതിയിൽ അണക്കെട്ട് നിർമിക്കാനും പദ്ധതിയുണ്ട്. ഭീമമായ നിർമാണച്ചലവ് ലോകത്തിലെ ധനികരിൽനിന്ന് ക്രൗഡ് ഫണ്ടിങ് വഴി കണ്ടെത്താനും പദ്ധതിയുണ്ട്. കപ്പലിലേക്കുള്ള ബുക്കിങ്ങും ആരംഭിച്ചു കഴിഞ്ഞു. എന്തായാലും എട്ടു വർഷം കഴിയുമ്പോൾ ലോകത്തിലെ ആഡംബരത്തിന്റെ അവസാന വാക്കായി സൗദിയുടെ ഈ ഒഴുകുന്ന ആമനഗരം മാറുമെന്നാണു പ്രതീക്ഷ.

English Summary: Saudi Arabia's Turtle-shaped Floating City: Explaining Pangeos The Terayacht?