റബർ വീണ്ടും ഉഷാർ! വില മുന്നോട്ട്; കുരുമുളകും മേലോട്ട്, വെളിച്ചെണ്ണയ്ക്ക് മാറ്റമില്ല, അങ്ങാടി വില ഇങ്ങനെ

ഏറെ നാൾ മാറ്റമില്ലാതെ നിന്ന റബർ വില വീണ്ടും കൂടുന്നു. ആർഎസ്എസ്-4 ഇനത്തിന് കിലോയ്ക്ക് രണ്ടുരൂപ വർധിച്ചെന്ന് റബർ ബോർഡ് വ്യക്തമാക്കി. വിപണിയിൽ സ്റ്റോക്ക് എത്തുന്നത് കുറഞ്ഞത് വിലയെ സ്വാധീനിച്ചിട്ടുണ്ട്. അതേസമയം, രാജ്യാന്തര വില ഏതാനും ആഴ്ചകളുടെ ഇടവേളയ്ക്ക് ശേഷം വീണ്ടും ആഭ്യന്തര വിലയ്ക്കൊപ്പമെത്തി. ഈ മാസം ആദ്യം 35-40 രൂപയോളം കുറവായിരുന്നു രാജ്യാന്തര വില.

നിലവിൽ ആർഎസ്എസ്-4ന് ബാങ്കോക്കിൽ കേരളത്തിലെ വിലയേക്കാൾ മൂന്നു രൂപയുടെ കുറവേയുള്ളൂ എന്ന് റബർ ബോർഡിന്റെ കണക്ക് ചൂണ്ടിക്കാട്ടുന്നു. ആർഎസ്എസ്-5ന് ബാങ്കോക്കിൽ രണ്ടുരൂപ കൂടുതലുമാണ്. 

കുരുമുളകിന് 100 രൂപ കൂടി ഉയർന്നു. ഇഞ്ചി, കാപ്പി, വെളിച്ചെണ്ണ വിലകളിൽ മാറ്റമില്ല. കേരളത്തിലെ വിവിധ കേന്ദ്രങ്ങളിലെ അങ്ങാടി വില നോക്കാം.