റബർവില ഉഷാറിൽ തന്നെ; രാജ്യാന്തര വിലയിൽ മലക്കംമറിച്ചിൽ, മാറ്റമില്ലാതെ കുരുമുളക്, അങ്ങാടി വിലനിലവാരം നോക്കാം

സ്വാഭാവിക റബർവിലയിൽ വീണ്ടും വർധന. ആർഎസ്എസ്-4ന് കിലോയ്ക്ക് ഒരു രൂപ കൂടി ഉയർന്ന് 186 രൂപയായെന്ന് റബർ ബോർഡ് വ്യക്തമാക്കി. അതേസമയം, രാജ്യാന്തരവില മലക്കംമറിയുകയാണ്. ബാങ്കോക്കിൽ കിലോയ്ക്ക് 198 രൂപവരെ ഉയർന്നവില നിലവിൽ 195 രൂപയിലേക്ക് താഴ്ന്നു. രാജ്യാന്തര വിലയും ആഭ്യന്തരവിലയും തമ്മിൽ അന്തരം ഇപ്പോൾ വെറും 9 രൂപ.

സംസ്ഥാനത്ത് കഴി‍ഞ്ഞദിവസങ്ങളിൽ താഴേക്കുനീങ്ങിയ കുരുമുളക് വില മാറ്റമില്ലാതെ തുടരുന്നു. കുതിപ്പിന് ബ്രേക്കിട്ട് വെളിച്ചെണ്ണ വിലയും കൊച്ചി വിപണിയിൽ 21,200 രൂപയിൽ തന്നെ നിൽക്കുന്നു. കൽപ്പറ്റ വിപണിയിൽ കാപ്പിക്കുരു, ഇഞ്ചി വിലകളിലും മാറ്റമില്ല. കേരളത്തിലെ വിവിധ കേന്ദ്രങ്ങളിലെ അങ്ങാടി വിലനിലവാരം ഇങ്ങനെ.