കൊച്ചി ∙ കേരളാ ബ്ലാസ്റ്റേഴ്സ് യുവ താരങ്ങളായ കെ.പ്രശാന്ത്, ലോകെൻ മീതേയ് എന്നിവർ വിദഗ്ധ പരിശീലനത്തിനായി ഫിൻലൻഡിലേക്ക്. മുൻനിര ക്ലബ്ബായ സിയനാ ജുവാൻ ജാൽക്കാ പല്ലൊകൊറോയിലാണ് (എസ്‌ജെകെ ) പരിശീലനം. ജൂലൈ ഒന്നു വരെ മികച്ച കോച്ചുകളുടെ കീഴിൽ ഇവർ പരിശീലനം നേടും. അഞ്ചാം ഐഎസ്എൽ സീസണിലേക്കു ടീമിനെ ഒരുക്കുന്നതിന്റെ ഭാഗമായാണു യുവതാരങ്ങളുടെ മികവു തേച്ചുമിനുക്കാൻ വിദേശ പരിശീലനം. കളിക്കാർക്കു കൂടുതൽ ലോക നിലവാരത്തിലുള്ള പരിശീലനവും മികച്ച കളിക്കാരുമൊത്തുള്ള പരിശീലനവുമാണു ലക്ഷ്യമിടുന്നതെന്നു കേരള ബ്ലാസ്റ്റേഴ്സ് കോച്ച്‌ ഡേവിഡ് ജയിംസ് പറഞ്ഞു.