പാലക്കാട് ∙ സംസ്ഥാനത്ത് കേന്ദ്ര സിലബസിൽ പഠിക്കുന്ന കായിക താരങ്ങൾക്കും ഇനി മുതൽ സ്പോർട്സ് ക്വോട്ട പ്രവേശനം ഉൾപ്പെടെയുള്ള വെയ്റ്റേജ് മാർക്കിന് അർഹത. സംസ്ഥാന സ്പോർട്സ് കൗൺസിൽ സംഘടിപ്പിക്കുന്ന സെൻട്രൽ സ്കൂൾ കായിക മത്സരങ്ങളിൽ വിജയിക്കുന്നവർക്കാണു വെയ്റ്റേജ് ലഭിക്കുക.
സിബിഎസ്ഇ, ഐസിഎസ്സി, ജവാഹർ നവോദയ, കേന്ദ്രീയ വിദ്യാലയം എന്നിവിടങ്ങളിലെ വിദ്യാർഥികൾക്കായി കഴിഞ്ഞ വർഷമാണ് സെൻട്രൽ സ്കൂൾ കായികമേള തുടങ്ങിയത്. ഈ വർഷത്തെ സംസ്ഥാനതല സെൻട്രൽ സ്കൂൾ അത്ലറ്റിക്സ് മത്സരം ഡിസംബർ 7 മുതൽ 9 വരെ എറണാകുളത്തു നടക്കും.