‘ദൈവം ഉറപ്പായും ഒരു വെക്കേഷൻ എടുത്ത് വളരെ ആസ്വദിച്ച് ഉണ്ടാക്കിയതാണ് ഐശ്വര്യ റായിയെ. നമ്മളെയൊക്കെ ഒറ്റ ദിവസംകൊണ്ടും.’ ഐശ്വര്യാ റായിയുടെ സൗന്ദര്യത്തെപ്പറ്റി പ്രിയങ്ക ചോപ്ര ഒരഭിമുഖത്തിൽ പറഞ്ഞതാണിത്. പ്രിയങ്ക പറഞ്ഞത് ഒട്ടും കൂടിപ്പോയില്ലെന്ന അഭിപ്രായമാണ് ആഷിന്റെ ആരാധകർക്ക്. കണ്ടാലും കണ്ടാലും മടുക്കാത്ത ഈ സൗന്ദര്യത്തിന്റെ രഹസ്യക്കൂട്ടറിയാൻ വിമർശകർ പോലും ആഗ്രഹിക്കുന്നുണ്ടെന്നതാണു സത്യം. സൗന്ദര്യത്തിന്റെ നല്ലൊരു പങ്കും പാരമ്പര്യമായി കിട്ടിയതാണെങ്കിലും ഒരു പോറലുപോലും ഏൽക്കാതെ അത് ഇപ്പോഴും തിളങ്ങുന്നതിനു പിന്നിൽ ചില പ്രകൃതിദത്തമായ വഴികളുണ്ട്.
∙ കടലമാവും മഞ്ഞളും പാലും ചേർത്ത നാച്യുറൽ സ്ക്രബ് ആഴ്ചയിൽ രണ്ടു ദിവസം.
∙ തണുത്ത തൈര് ദിവസവും മുഖത്തിടും. കെമിക്കൽ അടങ്ങിയ മോയിച്യുറൈസറുകളുടെ ഉപയോഗം കുറവ്.
∙ ഏറ്റവും ഇഷ്ടം വെള്ളരിക്ക ഫെയ്സ്പാക്ക്. ഏത്തയ്ക്ക ഉടച്ച് മുഖത്തിടുന്നതും തേനും തൈരും ചേർത്ത് മസാജ് ചെയ്യുന്നതും ചർമത്തിന്റെ തിളക്കം വർധിപ്പിക്കുമെന്ന് ആഷ്.
∙ ഫേഷ്യൽ മാസത്തിൽ ഒരിക്കൽ മാത്രം.
∙ മുടിയിൽ വെളിച്ചെണ്ണ പുരട്ടിയുള്ള മസാജിങ് പതിവ്. മുട്ടയും ഒലീവ് ഓയിലും ചേർന്ന ഹെയർ മാസ്കും പാലും തേനും ചേർന്ന ഹൈഡ്രേറ്റിങ് മാസ്കും ആഴ്ചയിൽ ഒരിക്കൽ നിർബന്ധം.
∙ മുടിയുടെ ആരോഗ്യത്തിനും തിളക്കത്തിനും മാസത്തിൽ രണ്ടു തവണ ഹെയർ സ്പാ.
തയാറാക്കിയത്: അൻസു അന്ന ബേബി
.jpg.image.85.44.jpg "isha-ambani-wedding-bollywood-actresses-lehenga-magic")
