പട്ടാപ്പകൽ രണ്ടുപേർ ബൈക്കിലെത്തി പഴ്സ് തട്ടിപ്പറിക്കാൻ ശ്രമിച്ചാൽ സ്ത്രീകൾ എങ്ങനെ പ്രതികരിക്കും?. ചിലർ നിലവിളിക്കും കള്ളന്മാർ നാടുവിട്ടു പോയിക്കഴിയുമ്പോഴായിരിക്കും മറ്റുചിലർക്ക് സ്വബോധം പോലും വീഴുക.
എന്നാൽ റാവൽപിണ്ടി സ്വദേശിനിയായ യുവതി കള്ളന്മാരെ കൈയോടെ പിടിക്കുക മാത്രമല്ല രണ്ടു പൊട്ടിക്കുക കൂടി ചെയ്തു. യുവതി കള്ളന്മാരെ കീഴടക്കുന്നതിന്റെ ദൃശ്യങ്ങൾ പുറത്തു വന്നതോടെയാണ് സമൂഹമാധ്യമങ്ങളിൽ ഇത് ചർച്ചയായത്. രണ്ടു സ്ത്രീകൾ റോഡിലൂടെ നടന്നു വരുമ്പോഴാണ് രണ്ടുകള്ളന്മാർ ബൈക്കിലെത്തി അതിൽ ഒരു യുവതിയുടെ പഴ്സ് തട്ടിയെടുക്കാൻ ശ്രമിച്ചത്.
ഭാഗ്യം യുവതിയോടൊപ്പമായതിനാൽ അവർക്ക് പഴ്സ് കിട്ടിയില്ലെന്നു മാത്രമല്ല. കള്ളന്മാർ ബാലൻസ് തെറ്റി ബൈക്കിൽ നിന്ന് റോഡിലേക്കു വീഴുക കൂടിച്ചെയ്തു. ഇതുകണ്ട യുവതി കള്ളന്മാരുടെ അടുക്കലെത്തി.യുവതി എത്തും മുമ്പ് അതിലൊരു കള്ളൻ ഓടി രക്ഷപെട്ടു. കൈയിൽ കിട്ടിയ രണ്ടാമത്തെ കള്ളനെ യുവതി ശരിക്കും കൈകാര്യം ചെയ്തു. അരിശം തീരാതെ യുവതി കള്ളനെ പൊട്ടിക്കുന്നതു തുടർന്നപ്പോൾ വഴിപോക്കർ ഇടപെട്ടാണ് യുവതിയെ പിന്തിരിപ്പിച്ചത്.
