ചിത്രത്തിന് കടപ്പാട് ; ഫെയ്സ്ബുക്ക്.
ഇത് അനുഷ്ക ഷെട്ടി തന്നെയാണോ? താരം ഫെയ്സ്ബുക്ക് പേജിൽ പോസ്റ്റ് ചെയ്ത പുതിയ ചിത്രം കണ്ട ഞെട്ടലിൽ ആരാധകർ പരസ്പ്പരം ചോദിക്കുന്നതിതാണ്. മേക്കോവർ ചിത്രത്തിനൊപ്പം കിടിലൻ ഒരു അടിക്കുറിപ്പും താരം പങ്കുവെച്ചിട്ടുണ്ട്. സ്വപ്നങ്ങൾ ഒരിക്കലും മാന്ത്രിക വിദ്യയിലൂടെ യാഥാർഥ്യമാവില്ലെന്നും കഠിനാധ്വാനവും ആത്മവിശ്വാസവും ഉണ്ടെങ്കിലേ അതു സാധ്യമാവൂ എന്നുമാണ് അനുഷ്ക കുറിച്ചത്.
അനുഷ്കയുടെ പുതിയ ലുക്ക് സമൂഹമാധ്യമങ്ങളിൽ വൈറലായിരിക്കുകയാണിപ്പോൾ. കഥാപാത്രങ്ങൾക്കുവേണ്ടി എന്തുത്യാഗവും സഹിക്കുന്ന അനുഷ്ക പുതിയ ചിത്രത്തിനുവേണ്ടിയുള്ള തയാറെടുപ്പിലാണെന്നും ബാഹുബലിക്കും ബാഗമതിക്കും ശേഷം രാംഗോപാൽ വർമ സംവിധാനം ചെയ്യുന്ന ചിത്രത്തിൽ അഭിനയിക്കാനുള്ള ഒരുക്കത്തിലാണ്അനുഷ്കയെന്നും നാഗാർജുനയാവും ആ ചിത്രത്തിൽ അനുഷ്കയുടെ നായകൻ എന്നും വാർത്തകളുണ്ട്.
ഏതായാലും അനുഷ്ക്കയുടെ മേക്കോവറിന് വമ്പൻ സ്വീകരണമാണ് ആരാധകർ നൽകിയത്. പ്രിയ നായികയുടെ പുതിയ ചിത്രത്തിനുവേണ്ടിയുള്ള കാത്തിരിപ്പിലാണ് ആരാധകർ.
