മാട്ടുപ്പെട്ടി ഡാമിലേക്ക് വെള്ളമൊഴുക്കിത്തുടങ്ങി

മൂന്നാർ∙ ജലനിരപ്പ് താഴ്ന്ന മാട്ടുപ്പെട്ടി ഡാമിലേക്ക് കുണ്ടള ഡാമിൽനിന്നു വെള്ളമൊഴുക്കി വിടാൻ തുടങ്ങി. ശനിയാഴ്ച മുതലാണ് കുണ്ടള ഡാമിൽനിന്നു സ്പിൽവേയിലൂടെ ഒഴുക്കിവിട്ടു തുടങ്ങിയത്. വേനൽ മഴ ലഭിക്കാതെ വരികയും വൈദ്യുതി ഉൽപാദനം തുടരുകയും ചെയ്യുന്നതിനാൽ മാട്ടുപ്പെട്ടി ഡാമിൽ ജലനിരപ്പ് താഴ്ന്ന് തുടങ്ങിയതോടെയാണ് വെള്ളമൊഴുക്കി വിട്ടുതുടങ്ങിയത്. 1599.60 മീറ്ററാണ് മാട്ടുപ്പെട്ടി ഡാമിന്റെ സംഭരണ ശേഷി. ജലനിരപ്പ് 1588.60 മീറ്ററിൽ എത്തിയതോടെയാണ് കുണ്ടളയിൽനിന്നു വെള്ളമൊഴുക്കിവിടാൻ തുടങ്ങിയത്. 2 മെഗാവാട്ട് വൈദ്യുതിയാണ് മാട്ടുപ്പെട്ടി ഡാമിൽ നിന്നുള്ള വെള്ളമുപയോഗിച്ച് ഉൽപാദിപ്പിക്കുന്നത്.