റോഡ് മുറിച്ച് കടക്കുമ്പോൾ കാറിടിച്ച് യാത്രക്കാരൻ മരിച്ചു

കണ്ണൂർ∙ മെരുവമ്പായി കണ്ടംകുന്നിൽ വച്ച് റോഡ് മുറിച്ച് കടക്കുമ്പോൾ കാറിടിച്ച് യാത്രക്കാരൻ മരിച്ചു. കോളയാട് കൊമ്മേരി വാചാലി ഹൗസിൽ ഫൽഗുണൻ (53) ആണ് മരിച്ചത്. ഇന്നലെ രാത്രി ഏഴരയോടെയായിരുന്നു സംഭവം. കൂത്തുപറമ്പ് ഭാഗത്ത് നിന്നും മട്ടന്നൂർ ഭാഗത്തേക്ക് പോവുകയായിരുന്ന കാറാണ് ഇടിച്ചത്. ഉടൻ തന്നെ കണ്ണൂരിലെ സ്വകാര്യ ആശുപത്രിയിൽ എത്തിച്ചെങ്കിലും ഇന്ന് പുലർച്ചെയോടെ മരിക്കുകയായിരുന്നു. ഭാര്യ: രഞ്ജിത.