പീഡനപരാതിയിൽ രണ്ട് അഭിഭാഷകർ അറസ്റ്റിൽ

തലശ്ശേരി∙ വിവാഹ മോചനക്കേസിന്റെ ആവശ്യത്തിന് സമീപിച്ച യുവതിയെ പീഡിപ്പിച്ചുവെന്ന പരാതിയിൽ 2 അഭിഭാഷകരെ പൊലീസ് അറസ്റ്റ് ചെയ്തു. അഡ്വ. എം.ജെ.ജോൺസൺ, അഡ്വ. കെ.കെ.ഫിലിപ് എന്നിവരെയാണ് എഎസ്പി അരുൺ കെ.പവിത്രൻ അറസ്റ്റ് ചെയ്തത്. ഇരുവരെയും 2 ആഴ്ചത്തേക്ക് റിമാൻഡ് ചെയ്തു. കോഴിക്കോട് സ്വദേശിനിയാണ് പരാതിക്കാരി. അഭിഭാഷകർ ഹൈക്കോടതിയിൽനിന്നു മുൻകൂർ ജാമ്യം നേടിയിരുന്നു. ഇതിനെതിരെ യുവതി സുപ്രീം കോടതിയെ സമീപിച്ചു. സുപ്രീം കോടതി ജാമ്യം റദ്ദാക്കിയതിനെത്തുടർന്നാണ് അഭിഭാഷകരെ വിളിച്ചുവരുത്തി പൊലീസ് അറസ്റ്റ് ചെയ്തത്. 2023ൽ പീഡിപ്പിച്ചുവെന്നാണ് പരാതി.