അക്ഷയകേന്ദ്രത്തിലും ഫാർമസിയിലും പുലർച്ചെ മോഷണം

കുന്നമംഗലം∙ കുന്നമംഗലത്തും പരിസരത്തും രണ്ടിടത്ത് മോഷണം. മുറിയനാൽ പുലർച്ചെ ഫാർമസിയിൽ നിന്നു 13,500 രൂപയും മൊബൈൽ ഫോണും ടൗണിൽ അക്ഷയ കേന്ദ്രത്തിൽ നിന്നു 12,500 രൂപയുമാണ് നഷ്ടമായത്. രാവിലെ ഷട്ടർ തകർന്നു കിടക്കുന്നതു പരിശോധിച്ചപ്പോഴാണ് മോഷണം ശ്രദ്ധയിൽ പെട്ടത്. 

കഴിഞ്ഞ ദിവസം പുലർച്ചെ ഒന്നോടെയാണ് മുറിയനാൽ ഫാർമസി ആൻഡ് പോളി ക്ലിനിക്കിൽ മോഷ്ടാക്കൾ എത്തിയത്. ഹെൽമറ്റും മുഖംമൂടിയും ധരിച്ച് കടയിൽ 3 പേർ എത്തുന്ന ദൃശ്യങ്ങൾ സിസി ടിവി ക്യാമറയിൽ പതിഞ്ഞിട്ടുണ്ട്. അക്ഷയ കേന്ദ്രത്തിൽ പുലർച്ചെ 2ന് ആണ് മോഷണം നടന്നതെന്നാണ് നിഗമനം. കുന്നമംഗലം പൊലീസ് പരിശോധന നടത്തി.