ദുബായിൽ പാർക്കുകൾക്കും കളിസ്ഥലങ്ങൾക്കും പ്രവൃത്തി സമയം

ദുബായ് ∙ പാർക്കുകൾക്കും കളിസ്ഥലങ്ങൾക്കും പുതിയ പ്രവൃത്തി സമയം പ്രഖ്യാപിച്ച് ദുബായ് നഗരസഭ. തിങ്കൾ മുതൽ വ്യാഴം വരെ രാവിലെ 8 മുതൽ രാത്രി 11 വരെയും വെള്ളി, ശനി ദിവസങ്ങളിലും പൊതുഅവധി ദിവസങ്ങളിലും രാവിലെ 8 മുതൽ 12 വരെയുമാണ് പുതുക്കിയ സമയം. ദുബായിലെ എല്ലാവിധ പാർക്കുകൾക്കും കളിസ്ഥലങ്ങൾക്കും നിയമം ബാധകമാണെന്ന് നഗരസഭ വ്യക്തമാക്കി. എല്ലാ മേഖലകളും മികവുറ്റതാക്കി എമിറേറ്റിന്റെ ഖ്യാതി ഉയർത്തുകയാണ് ലക്ഷ്യം. ഇതിന്റെ ഭാഗമായി അത്യാധുനിക സൗകര്യങ്ങളോടെ കൂടുതൽ പാർക്കുകളും സജ്ജമാക്കുകയാണ്.