സൗദിയിൽ റസ്റ്ററന്റിൽ ഭക്ഷ്യവിഷബാധ; ഒരാൾ മരിച്ചു

റിയാദ് ∙ ഭക്ഷ്യവിഷബാധയേറ്റ് ഗുരുതരാവസ്ഥയിൽ റിയാദിലെ ആശുപത്രിയിലായിരുന്ന  ഒരാൾ മരിച്ചു. ഇയാളുടെ പേരുവിവരം പുറത്തുവിട്ടിട്ടില്ല. 20 പേർ ഐസിയുവിലാണ്. അപകടനില തരണം ചെയ്ത 11 പേരെ റൂമുകളിലേക്കു മാറ്റി. 43 േപർ ആശുപത്രി വിട്ടു. റിയാദിലെ ഒരു റസ്റ്ററന്റിൽനിന്ന് ഭക്ഷണം കഴിച്ച  75 പേർക്കാണ് ഭക്ഷ്യവിഷബാധയേറ്റത്.സംഭവത്തെ തുടർന്ന് റസ്റ്ററന്റിന്റെ എല്ലാ ശാഖകളും നഗരസഭ അടപ്പിച്ചു. ഇത്രയധികം പേർക്ക് ഭക്ഷ്യവിഷബാധയേറ്റതോടെ സൗദിയിൽ റസ്റ്ററന്റുകളിലും ഹോട്ടലുകളിലും പരിശോധന ഊർജിതമാക്കി.