യുപി അഞ്ചാം ഘട്ടം: 54% പോളിങ്

ലക്നൗ∙ ഉത്തർ പ്രദേശ് നിയമസഭയിലേക്കുള്ള അഞ്ചാം ഘട്ടം വോട്ടെടുപ്പിൽ 54% പോളിങ് രേഖപ്പെടുത്തി. 12 ജില്ലകളിലെ 61 മണ്ഡലങ്ങളിലാണ് ഇന്നലെ വോട്ടെടുപ്പ് നടന്നത്. വോട്ടെടുപ്പ് പൊതുവെ സമാധാനപരമായിരുന്നു. പ്രതാപ്ഗഡ് കുണ്ട മണ്ഡലത്തിലെ സമാജ് വാദി സ്ഥാനാർഥി ഗുൽഷൻ യാദവിന്റെ വാഹനവ്യൂഹത്തിനു നേരെ ആക്രമണമുണ്ടായി.

കേണൽഗഞ്ച് മണ്ഡലത്തിലെ എസ്പി സ്ഥാനാർഥി യോഗേഷ് പ്രതാപ് സിങ്ങിനും സഹോദരനും അനുയായികൾക്കും എതിരെ സ്ത്രീയുടെ വീട്ടിൽ അതിക്രമിച്ചു കയറി പീഡിപ്പിക്കാൻ ശ്രമിച്ചതിന് പൊലീസ് കേസെടുത്തു.

English Summary: UP elections: Fifth phase polling