മാക്കേക്കടവ് – നേരേകടവ് പാലം ബീം നിർമാണം തുടങ്ങുന്നു

പൂച്ചാക്കൽ∙ മാക്കേക്കടവ് – നേരേകടവ് പാലത്തിന്റെ  ബീം ലോഞ്ചിങ്ങിനുള്ള ഉപകരണങ്ങൾ സ്ഥാപിച്ചു. 80 ബീമുകളാണ് ആകെ വേണ്ടത്. നേരത്തെ 8 നാവിഗേഷൻ ബീമുകൾ കായലിന്റെ നടുവിൽസ്ഥാപിച്ചിരുന്നു. ദേശീയ ജലപാത പ്രദേശമായതിനാൽ വലിയ ജലവാഹനങ്ങൾക്കും കടന്നു പോകാനുള്ള സൗകര്യത്തിനാണ് നാവിഗേഷൻ ബീം  സ്ഥാപിച്ചിരിക്കുന്നത്. മാക്കേക്കടവിൽ കരയിൽ 4 പൈലുകൾ നിർമാണം പൂർത്തിയാക്കിയതിന്റെ  പൈൽ ക്യാപ് സ്ഥാപിക്കലും ഇതോടൊപ്പം ന‌ടക്കും. പാലത്തിന്  100 പൈലുകളാണുള്ളത്. എല്ലാം പൂർത്തിയായി.