Life +

കേരളത്തില്‍ കൊടുംചൂട് കുറയും, ഇതാണ് കാരണം; ലാ നിനയും ‘ഐഒഡി’യും ഒരുമിച്ചാൽ ആശങ്ക

നാട്ടിൽ മഴയുണ്ടോ? പ്രവാസികളായ സുഹൃത്തുക്കൾ ഫോണിൽ വിളിക്കുമ്പോൾ ചോദിച്ചിരുന്ന ഈ ചോദ്യം കേരളത്തിലുള്ളവർ ഇപ്പോള്‍ തിരിച്ച് ചോദിക്കേണ്ട അവസ്ഥയാണ്. ചൂടിൽ വിയർത്തുകുളിച്ച് ഇരിക്കുമ്പോൾ ഗൾഫ് രാജ്യങ്ങളിലെ റോഡിൽ വള്ളംകളിക്കുള്ള വെള്ളമാണ് ഒഴുകുന്നത്. 2018ലെ പ്രളയം മുതലാണ് കാലാവസ്ഥയെ കുറിച്ചും പരിസ്ഥിതിയെ കുറിച്ചുമെല്ലാം നാം ബോധവാൻമാരാകാൻ തുടങ്ങിയത്. ഈ വിഷയങ്ങൾ മറക്കാതിരിക്കാൻ പിന്നീടുള്ള ഓരോ വർഷവും ചൂടും മഴയുമൊക്കെ മാറി മാറി നൽകി പ്രകൃതിയും നമുക്കൊപ്പമുണ്ട്. ഇപ്പോൾ കേരളത്തിന്റെ പ്രശ്നം ചൂടാണ്. നമ്മൾ പതിവില്ലാതെ വിയർക്കാൻ തുടങ്ങിയിട്ട് രണ്ട് മാസത്തിന് മുകളിലായി. കാരണം കൊടും ചൂടാണ് കേരളത്തിൽ. എന്നാൽ ചൂടുകാലം അവസാനിക്കാൻ പോകുന്നു എന്നാണ് കാലാവസ്ഥാ നിരീക്ഷകർ പറയുന്നത്. ഇന്ത്യൻ ഉപഭൂഖണ്ഡത്തിന്റെ ഇങ്ങേ അറ്റത്തു കിടക്കുന്ന കേരളമെന്ന ചെറിയ തുരുത്തിൽ മാത്രമല്ല, ലോകത്തെതന്നെ ചൂടുപിടിപ്പിച്ച ‘എൽ നിനോ’ പ്രതിഭാസം പിൻവാങ്ങി. സ്വാഭാവികമായും കേരളത്തിലുള്‍പ്പെടെ ചൂടു കുറഞ്ഞു തുടങ്ങും. എന്താണ് ഇനി ലോകത്തെ കാത്തിരിക്കുന്നത്? എൽ നിനോയ്ക്ക് പകരം ‘ലാ നിന’ വരുമോ? അതിനൊപ്പം പൊസിറ്റീവ് ‘ഐഒഡി’ കൂടി വന്നാലോ? ഇനിയൊരു പ്രളയത്തിനും ഉരുൾപൊട്ടലിനുമൊക്കെ സാധ്യതയുണ്ടോ? വരള്‍ച്ചയും വെള്ളപ്പൊക്കവും ഹീറ്റ് വേവും ഓഖിയുമെല്ലാമായി തകിടം മറിഞ്ഞിരിക്കുകയാണ് കേരളത്തിലെ കാലാവസ്ഥ. കുസാറ്റിലെ അഡ്വാൻസ്‌ഡ് സെന്റർ ഫോർ അറ്റ്‌മോസ്ഫിറിക് റഡാറിന്റെ ഡയറക്ടർ ഡോ. എസ്.അഭിലാഷ് സംസാരിക്കുന്നു.
രണ്ട് തൈ നട്ടാൽ സ്ഥിര വരുമാനം ഉറപ്പ്, ലാഭം ലക്ഷങ്ങൾ: റബറിനൊരു വിശ്വസനീയ ബദൽ

ലോകത്ത് മറ്റൊരു കാർഷികോൽപന്നത്തിനും ഇല്ലാത്ത വിലവർധനയിലാണ് ഇപ്പോൾ കൊക്കോ. ഒരു വർഷത്തിനിടയിൽ 200 ശതമാനത്തോളമാണ് വില വർധിച്ചത്. ലോകവിപണികളിലേക്ക് ആവശ്യമുള്ള കൊക്കോയുടെ 70 ശതമാനവും ലഭ്യമാക്കിയിരുന്ന ഐവറി കോസ്‌റ്റ്, ഘാന എന്നീ പശ്‌ചിമാഫ്രിക്കൻ രാജ്യങ്ങളിൽ സംഭവിച്ച കൃഷിനാശം മൂലം കയറ്റുമതിക്കു നേരിട്ടിരിക്കുന്ന കനത്ത ഇടിവാണ് റെക്കോർഡ് വിലനിലവാരത്തിനു കാരണം. കേരളത്തിലെ കൊക്കോ കർഷകർക്കും വിലവർധന മൂലം കോളടിച്ചിരിക്കുകയാണ്. 2023ൽ 230 രൂപയായിരുന്നു ഉണങ്ങിയ കൊക്കോ പരിപ്പിന്റെ വില. എന്നാൽ, ഏപ്രിൽ ആദ്യവാരം ഇത് കിലോയ്ക്ക് 725 രൂപയ്ക്കു മുകളിലാണ് എത്തിയത്. പച്ച പരിപ്പിന് 250 മുതൽ 260 രൂപ വരെയായിരുന്നു ആ സമയത്തു വില. ഏപ്രില്‍ മൂന്നാം വാരത്തിലേക്കെത്തിയപ്പോൾ വില പിന്നെയും കൂടി. ഗ്രാമീണ മേഖലകളിൽ ഉണങ്ങിയ കൊക്കോ കുരുവിന് കിലോ 900 രൂപ വരെ കിട്ടുന്നു, പച്ച കൊക്കോ കുരുവിന് 280 രൂപയും. ഇന്ത്യയിലെ കൊക്കോ ഉൽപാദനത്തിന്റെ 40 ശതമാനത്തോളം സംഭാവന കേരളത്തിന്റേതാണ്. ഇടുക്കിയാണ് ഉൽപാദനത്തിൽ മുന്നിൽ നിൽക്കുന്ന ജില്ല. പച്ച കുരുവിനും പരിപ്പിനും തൂക്കവും ഗുണമേന്മയും കൂടുതലുള്ളതിനാൽ ഇടുക്കിയിലെ മരിയാപുരം, മുരിക്കാശേരി എന്നിവിടങ്ങളിലെ കർഷകർക്കു മറ്റെവിടെയും ലഭിക്കുന്നതിനെക്കാൾ അൽപം ഉയർന്ന വിലയും ലഭിക്കാറുണ്ട്. കേരളത്തിൽ ഒരു കാലത്ത് കൊക്കോ കൃഷി വ്യാപകമായിരുന്നെങ്കിലും വിലയിടിഞ്ഞതും കൊക്കോ ചെടിയെ ബാധിക്കുന്ന രോഗങ്ങളും വെല്ലുവിളിയായപ്പോൾ പലരും കൃഷി തന്നെ ഉപേക്ഷിക്കുകയായിരുന്നു. എന്നാൽ മാറിയ സാഹചര്യത്തിൽ കർഷകർ ആവേശത്തിലാണ്. ലോകവിപണിയിൽ ഉൽപന്നക്ഷാമം ഒരു വർഷമെങ്കിലും തുടരുമെന്നതിനാൽ ഉടനെ വിലയിടിയുമെന്ന പേടി വേണ്ട. എങ്ങനെയാണ് കൊക്കോ കൃഷി ചെയ്യേണ്ടത്? കൊക്കോ ലാഭകരമാക്കാൻ എന്തൊക്കെ ശ്രദ്ധിക്കണം?
കൊട്ടിക്കയറാൻ മണിക്കൂറുകൾ; ആവേശക്കടലാവാൻ ‘റൗണ്ട്’; ഓർമയുടെ ഫ്രെയിമുകളിൽ കാഴ്ചയുടെ ‘വിസ്മയപ്പൂരം’

ലോകത്തെവിടെയാണെങ്കിലും പൂരപ്രേമികളുടെ കണ്ണ് തേക്കിൻകാട് മൈതാനത്തേക്ക് ഉറ്റുനോക്കുന്ന ദിവസങ്ങളാണിത്. വെടിക്കെട്ടും മേളവും കുടമാറ്റവും ഇഴുകിച്ചേരുന്ന ആവേശം. പൂരത്തിളക്കത്തിലേക്ക് ഒഴുകിയെത്തുന്ന ജനസാഗരം. തേക്കിൻകാട് മൈതാനം ആരവത്തിന്റെ ഒരു കടലാവുന്ന ദിവസം. കോവിഡ് നിയന്ത്രണങ്ങളുടെ കാലത്ത് മാത്രമാണ് ആ ആവേശം ഒരു അണക്കെട്ട് കെട്ടി തടയേണ്ടി വന്നത്. അതു കഴിഞ്ഞപ്പോഴോ... പണ്ടത്തേതിന്റെ ഇരട്ടിയായി പൂരം തേടിയൊഴുകുന്ന ആൾക്കൂട്ടം. ചമയങ്ങളോടെ കൊമ്പൻ എറണാകുളം ശിവകുമാർ തെക്കേഗോപുര നട തുറന്ന് നെയ്തലക്കാവിലമ്മയുടെ കോലമേന്തി തുമ്പിക്കൈ ഉയർത്തിയപ്പോൾ മുതൽ മഹാ പൂരത്തിന് മണിക്കൂറുകൾ എണ്ണി കാത്തിരിക്കുകയാണ് മലയാളികൾ.
എച്ച്5എൻ1 മനുഷ്യരിലേക്കും; ബുൾസ് ഐയും ചിക്കനും കഴിക്കാനാകുമോ? കോവിഡിനേക്കാൾ നൂറിരട്ടി അപകടകാരി!

ജീവിതം കരുപ്പിടിപ്പിക്കാൻ പെടാപ്പാടു പെടുന്ന കർഷകരുടെ നെഞ്ചിലെ തീയാണ് പക്ഷിപ്പനി. ഇടയ്ക്കിടെ ഇടിത്തീ പോലെ പലയിടത്തും പക്ഷിപ്പനി പ്രത്യക്ഷപ്പെടുകയും ചെയ്യും. 2024 ഏപ്രിലിലും സംഗതി വ്യത്യസ്തമല്ല. ആലപ്പുഴയിലാണ് ഇത്തവണ പനി സ്ഥിരീകരിച്ചത്. പക്ഷിപ്പനിയെന്നു കേൾക്കുമ്പോൾ അത് പക്ഷികൾക്കു വരുന്നതല്ലേ, കുറച്ചുനാൾ കോഴിയിറച്ചിയും താറാവിറച്ചിയും മുട്ടയും കഴിക്കാതിരുന്നാൽപോരേ എന്നു കരുതി നിസ്സാരമായി തള്ളിക്കളയാൻ വരട്ടെ. പറഞ്ഞതു ശരിയാണെങ്കിലും പക്ഷിപ്പനിയുടെ (എച്ച്5എൻ1– H5N1) മാരക അവസ്ഥാന്തരങ്ങൾ മനുഷ്യർ കാണാനിരിക്കുന്നതേയുള്ളൂ എന്നാണ് പുതിയ പഠനങ്ങൾ സൂചിപ്പിക്കുന്നത്. പക്ഷിപ്പനി കോഴിക്കും താറാവിനും മാത്രമല്ല, പക്ഷികളിൽനിന്നു മനുഷ്യരിലേക്കും പടരുന്നതായി യുഎസിൽ കണ്ടെത്തിയതിനെത്തുടർന്ന് ലോക ആരോഗ്യരംഗം ഈ പുതിയ വെല്ലുവിളി എങ്ങനെ നേരിടുമെന്ന ആശങ്കയിലാണ്. മനുഷ്യരിലേക്കും വൈറസ് ബാധ പടർന്നാൽ കോവിഡിനേക്കാൾ നൂറിരട്ടി അപകടസാധ്യതതയുണ്ടാകുമെന്നാണ് വിദഗ്ധരുടെ അഭിപ്രായം. പക്ഷികളും കന്നുകാലികളുമായി അടുത്തിടപഴകുന്നവരിലുണ്ടാകുന്ന രോഗബാധയെ അതീവഗൗരവത്തോടെ കാണണമെന്നും രോഗം കൂടുതൽ വ്യാപിക്കാനുള്ള സാധ്യതകൾ പരമാവധി നിയന്ത്രിക്കണമെന്നും യുഎസ് സെന്റർ ഫോർ ഡിസീസ് കൺട്രോൾ ആൻഡ് പ്രിവൻഷൻ ഇതിനകം ഡോക്ടർമാർക്കു മുന്നറിയിപ്പു നൽകിക്കഴിഞ്ഞു. കേരളത്തിലും ആലപ്പുഴ, കോട്ടയം, കോഴിക്കോട് തുടങ്ങിയ ജില്ലകളിൽ മുൻവർഷങ്ങളിലുണ്ടായ പക്ഷിപ്പനിബാധയെത്തുടർന്ന് ആയിരക്കണക്കിന് കോഴികളെയും താറാവിനെയുമാണ് കൊന്നൊടുക്കിയത്. ഇതിന്റെ നഷ്ടപരിഹാരം പോലും പല കർഷകർക്കും ലഭിച്ചിട്ടില്ല. മറ്റു മേഖലകളിലുണ്ടാകുന്ന നഷ്ടം വേറെ. ഈ പ്രതിസന്ധികളെല്ലാം തുടരുമ്പോഴാണ് ഇപ്പോൾ മറ്റൊരു ഗുരുതര പ്രശ്നം ആരോഗ്യ വിദഗ്ധർ ചൂണ്ടിക്കാട്ടുന്നത്.
‘നിങ്ങൾ സുന്ദരി, എല്ലാവരെയും ആകർഷിക്കുന്ന യുവതി, എനിക്ക് ജോലി പോലുമില്ല...’: ഇന്ന് കോടിപതി: ചിത്ര പറഞ്ഞ അപൂർവ കഥ

സ്വന്തമായി ആരംഭിച്ച ആദ്യ കമ്പനി പൂട്ടിക്കെട്ടി അക്ഷരാർഥത്തിൽ പാപ്പരായിരിക്കുന്ന അവസ്ഥ, ഈ സമയത്താണ് എൻ.ആർ. നാരായണമൂർത്തി സുധാ മൂർത്തിയോടു വിവാഹാഭ്യർഥന നടത്തുന്നത്. നാരായണമൂർത്തിയുടെ ആദ്യ കമ്പനി സോഫ്ട്രോണിക്സ് 1977 ജൂണിലാണു പൂട്ടുന്നത്. അടുത്ത ചുവടുവയ്‌പിനുള്ള ശ്രമത്തിലായിരുന്നു നാരായണ മൂർത്തി. മാസങ്ങൾ പലതും കടന്നുപോയി. പക്ഷേ, അനുയോജ്യമായ ഒന്നും വരുന്നില്ല. ജോലിയില്ലാത്ത സാഹചര്യം അദ്ദേഹത്തെ സംബന്ധിച്ച് ഏറെ അസ്വസ്ഥതപ്പെടുത്തുന്നതായിരുന്നു. കുടുംബത്തിനു പണം അയയ്ക്കുന്നില്ല. സുധാ മൂർത്തിയുമായി ഇഷ്ടത്തിലായിരിക്കുന്ന കാലം. ജോലി തേടി അഭിമുഖത്തിനു പോകാനും ഭക്ഷണത്തിനുമെല്ലാം പണം നൽകിയിരുന്നതു സുധയായിരുന്നു. ഒരു ദിവസം ഡൽഹി കന്റോൺമെന്റിൽ നിന്ന് ഓട്ടോറിക്ഷയിൽ മടങ്ങുകയാണ്. സുധയെ ഹോസ്റ്റലിൽ വിട്ടു മടങ്ങാൻ തുടങ്ങുന്നതിനു മുൻപ് ആ കരങ്ങൾ കവർന്ന് നാരായണമൂർത്തി പറഞ്ഞു ‘ഞാൻ ഒരു ഹീറോ ഒന്നുമല്ല.
ADVERTISEMENT
കൂട്ടുകാരെ തൊടാൻ അനുവാദമില്ലാത്ത, പെരുമഴയത്തേക്ക് ആട്ടിയിറക്കപ്പെട്ട കുട്ടി; ഇന്ത്യയുടെ അഭിമാനമായ ‘ജയ് ഭീം’

ഒരിടത്തൊരിടത്ത് സൈനിക കന്റോൺമെന്റിൽ ജനിച്ചൊരു കുട്ടിയുണ്ടായിരുന്നു. സുബേദാർ റാങ്കിലുള്ള ആർമി ഓഫിസറുടെ മകൻ. അവന്റെ കുട്ടിക്കാലം പക്ഷേ സങ്കടങ്ങളുടേതും മുറിവുകളുടേതുമായിരുന്നു. അതിന് ഒറ്റ കാരണമേ ഉണ്ടായിരുന്നുള്ളൂ, ജാതി. ഞങ്ങളുടെ ജന്മം ദൈവത്തിന്റെ ശിക്ഷയാണെന്നു കുറേ മനുഷ്യർ വിശ്വസിച്ചിരുന്ന കാലം. തൊട്ടുകൂടായ്മയും തീണ്ടിക്കൂടായ്മയും കൊടികുത്തി വാണ കാലം. ഇരുട്ടിലും വെട്ടത്തിലും നീരാളിയെപ്പോലെ ജാതി അവനെ ഇറുക്കിപ്പിടിച്ചു. അയിത്തക്കാരനെന്നു പറഞ്ഞ് മറ്റു കുട്ടികളാരും അവനോട് മിണ്ടിയില്ല, കളിക്കാനും കൂട്ടിയില്ല. അധ്യാപകർ പോലും അകലെ നിർത്തി. സ്വന്തം ബുദ്ധിയുടെ ബലത്തിൽ, കഠിന പ്രയത്നത്താൽ, ആ തീക്കാലത്തെ അവൻ മറികടന്നു. അനേകമനേകം പേർക്കു മനുഷ്യരായി തലയുയർത്തി ജീവിക്കാൻ ഊർജം നൽകുന്ന ഇതിഹാസമായി. നമുക്ക് ഈ കഥ പറയാനും കേൾക്കാനും അവകാശമുണ്ടാക്കിയ മഹത്തായ ഭരണഘടനയുടെ ശിൽപിയായി. ബാബാസാഹേബ് എന്ന് ആദരവോടെയും ‘ജയ് ഭീം’ എന്ന് മുദ്രാവാക്യം മുഴക്കിയും ഇന്ത്യൻ ജനത ഈ പടനായകനെ നെ‍ഞ്ചിലേറ്റി. ഭീംറാവു റാംജി അംബേദ്കർ എന്ന ഡോ. ബി.ആർ.അംബേദ്കറുടെ ജീവിതം എക്കാലത്തും ആവേശമാണ്. ∙ പെരുമഴയത്തേക്ക് ആട്ടിയിറക്കപ്പെട്ട കുട്ടി അംബേദ്കർ ഒരിക്കൽ പറഞ്ഞു, ‘‘എനിക്കു നിങ്ങളോടുള്ള ഉപദേശം ഇതാണ്: വിദ്യ അഭ്യസിക്കുക, സംഘടിക്കുക, സമരം ചെയ്യുക. ആത്മവിശ്വാസം ഉണ്ടായിരിക്കുക. ഒരിക്കലും പ്രത്യാശ കൈവെടിയാതിരിക്കുക’’. പക്ഷേ, എളുപ്പമല്ലായിരുന്നു ഭീമിന്റെ കുട്ടിക്കാലം. ദലിത് വിഭാഗത്തിൽപ്പെട്ട മഹർ ജാതിക്കാരനായിരുന്നു ഭീം. അയിത്തജാതിക്കാർ എന്നു സമൂഹം വേർതിരിച്ചവർക്കു പ്രത്യേക ഇരിപ്പിടമാണ് ക്ലാസിൽ. ഇരിക്കാനായി ഒരു ചാക്കുമായാണു കുഞ്ഞുഭീം സ്കൂളിലേക്കു പോയിരുന്നത്. കൂട്ടുകാരെ തൊടാനൊന്നും അനുവാദമില്ലായിരുന്നു. ഉന്നത ജാതിക്കാരെന്നു മേനി നടിക്കുന്നവരുടെ മക്കൾ കൂട്ടത്തിൽ കൂട്ടിയതേയില്ല.
സഹദേവനു പുണ്യദർശനം നൽകിയ അദ്ഭുത നാരായണൻ; ഇവിടം നമ്മാഴ്‌വാർ പുകഴ്ത്തിയ പുണ്യകോടി വിമാനം

അത് പഞ്ചപാണ്ഡ‍വരുടെ വനവാസ കാലമായിരുന്നു. എന്നും കണ്ണന്റെ സാമീപ്യവും ദർശനവും ലഭിക്കാൻ പാണ്ഡ‍വർ കൃഷ്ണ വിഗ്രഹം വച്ച് ആരാധിക്കാൻ തീരുമാനിച്ചു. എന്നാൽ വനവാസകാലത്ത് സഹദേവനുമാത്രം ആരാധനയ്ക്കു പറ്റിയ വിഗ്രഹം ലഭിച്ചില്ല. സഹദേവൻ അഗ്നിയിൽ ചാടി മരിക്കുവാനുറച്ചു. അതിനായി ഒരുക്കിയ അഗ്നികുണ്ഡത്തിൽനിന്നു പ്രത്യക്ഷമായതാണ് തൃക്കൊടിത്താനത്തെ മഹാവിഷ്‌ണു വിഗ്രഹം എന്നാണ് വിശ്വാസം. ‘അദ്ഭുതനാരായണൻ’ എന്ന പേരിലും ഭഗവാൻ അറിയപ്പെടുന്നു. ചതുർബാഹുവായ മഹാവിഷ്‌ണുവാണ് ഇവിടുത്തെ പ്രധാന പ്രതിഷ്‌ഠ. അജ്ഞാതവാസകാലത്ത് പാണ്ഡവർ വസിച്ചിരുന്നുവെന്ന് വിശ്വസിക്കപ്പെടുന്ന സ്ഥലങ്ങൾ ചെങ്ങന്നൂരിലും പരിസരപ്രദേശങ്ങളിലുമായുണ്ട്. ഇതിൽ പ്രധാനപ്പെട്ടതാണ് ഇവർ ആരാധിക്കുകയും പ്രതിഷ്ഠിക്കുകയും ചെയ്ത മഹാവിഷ്ണു ക്ഷേത്രങ്ങൾ. ‘108 വൈഷ്ണവ തിരുപ്പതികൾ’ എന്നറിയപ്പെടുന്ന ഈ മഹാവിഷ്ണു ക്ഷേത്രങ്ങൾ ആചാരപ്പെരുമയിൽ എന്നും മുന്നിലാണ്. ഇതിൽ എഴുപതാമത്തേതാണ് തൃക്കൊടിത്താനം ക്ഷേത്രം. ചങ്ങനാശേരി – മല്ലപ്പള്ളി റോഡിൽ 2 കിലോമീറ്റർ പിന്നിട്ട് കവിയൂർ റോഡിൽ മുക്കാട്ടുപടി ജംക്‌ഷനു സമീപമാണ് ക്ഷേത്രം സ്ഥിതി ചെയ്യുന്നത്. എരിയുന്ന നിലവിളക്കിന്റെയും കത്തുന്ന കർപ്പൂരത്തിന്റെയും അകമ്പടിയോടെ അനുഗ്രഹം ചൊരിയുന്ന അദ്ഭുതനാരായണന്റെ വിശേഷങ്ങൾ അറിയാം.
ടൂറിസ്റ്റ് വീസയിൽ വരും, ഇന്ത്യക്കാരെ കൊള്ളയടിക്കും, വിമാനം പിടിച്ച് മടക്കം: യുഎസിൽ മോഷണവും ‘ടൂറിസം’

മോഷണ ടൂറിസം! അങ്ങനെയൊരു ഇനമുണ്ടോ? ഒരു രാജ്യത്തേക്ക് ടൂറിസ്റ്റ് വീസയെടുത്ത് പോവുക. മിക്ക രാജ്യങ്ങളിലും മൂന്നു മാസം താമസിക്കാം ടൂറിസ്റ്റ് വീസയിൽ. അങ്ങനെ താമസിച്ച് പല വീടുകളിൽ മോഷണം നടത്തി മുതലുകൾ അവിടെത്തന്നെ വിറ്റ് പണവുമായി മടങ്ങുക. അതാകുന്നു മോഷണ ടൂറിസം! അമേരിക്കയിലേക്കാണ് പ്രധാനമായും ഇത്തരം ടൂറിസ്റ്റുകളുടെ വരവ്. ലാറ്റിനമേരിക്കൻ രാജ്യങ്ങളായ കൊളംബിയ, ഇക്വഡോർ, ചിലെ,പെറു തുടങ്ങിയ രാജ്യങ്ങളിൽനിന്നാണെത്തുന്നത്. ഉള്ളവരുടേത് പിടിച്ചുപറിക്കുന്നതും മോഷ്ടിക്കുന്നതും തെറ്റല്ല എന്ന തരം വേദാന്തമാണത്രേ അവരെ നയിക്കുന്നത്. അവർ മോഷണത്തിനായി അമേരിക്കയിൽ തിരഞ്ഞെടുക്കുന്നതോ ഇന്ത്യക്കാരുടെ വീടുകൾ! ‘ഇന്ത്യൻ അമേരിക്കൻസ്’ എന്നാണ് നമ്മൾ ഇന്ത്യക്കാർ അമേരിക്കയിൽ അറിയപ്പെടുന്നത്.
‘മഹാമാരിയിൽനിന്ന് കരകയറി; അയോധ്യയിലേയ്ക്ക് ക്ഷണം; സർക്കാർ ‌മനോഭാവത്തിൽ വലിയ മാറ്റം’

പരീക്ഷാച്ചൂടെല്ലാം മാഞ്ഞിരിക്കുന്നു, കുട്ടികൾക്ക് ഇനി വെക്കേഷനാണ്. പദ്ധതിയിട്ടു വച്ചിരിക്കുന്ന എത്രയെത്ര സ്ഥലങ്ങളിലേക്കു പോകാനിരിക്കുന്നു. അതിനിടയ്ക്ക് വേനൽച്ചൂട് കനക്കുന്നുണ്ട്. മനസ്സും ശരീരവും കുളിരുന്ന ഒരിടത്തേയ്‌ക്കൊരു യാത്ര ആരും കൊതിക്കും. അങ്ങനെയൊരു സ്ഥലം കേരളത്തിലുണ്ടോ? ആലോചന ചെന്നെത്തി നിൽക്കുക കൊച്ചിയിലെ വണ്ടർലായുടെ മുന്നിലായിരിക്കും. വെക്കേഷനായതോടെ പതിവിലുമേറെ തിരക്കായിരിക്കുന്നു വണ്ടർലായിൽ. പുതിയ റൈഡുകളും മറ്റു വിനോദോപാധികളുമായി ആ അമ്യൂസ്മെന്റ് പാർക്ക് ഓരോ ദിവസവും ആയിരക്കണക്കിനു പേരെ സ്വാഗതം ചെയ്യുകയാണ്. കൊച്ചൗസേഫ് ചിറ്റിലപ്പിള്ളി വണ്ടർലാ ആരംഭിച്ച് കാൽ നൂറ്റാണ്ടാകാൻ ഒരുങ്ങുകയാണ്. 2000ത്തിലാണ് വീഗാലാൻഡ് എന്ന പേരിൽ എറണാകുളം പള്ളിക്കരയിൽ വണ്ടർലായുടെ തുടക്കം. അച്ഛന്റെ പാത പിന്തുടർന്ന് അരുൺ ചിറ്റിലപ്പിള്ളി അമ്യൂസ്‌മെന്റ് പാർക്ക് വ്യവസായത്തിൽ എത്തിപ്പെട്ടിട്ടും രണ്ടു പതിറ്റാണ്ട് കഴിഞ്ഞിരിക്കുന്നു. ഇതിനിടയ്ക്ക് ബെംഗളൂരുവിലും ഹൈദരാബാദിലും പാർക്കുകൾ തുറന്നു. ഭുവനേശ്വറിലും ചെന്നൈയിലും സേവനമാരംഭിക്കാനൊരുങ്ങുന്നു. മൊത്തത്തിൽ വിനോദ പാർക്ക് വ്യവസായത്തിന് ഇത് നല്ലകാലമാണെന്നാണ് പാർക്കുകളുടെ നടത്തിപ്പു ചുമതലയുള്ള വണ്ടർലാ ഹോളിഡേയ്‌സ് ലിമിറ്റഡിന്റെ മാനേജിങ് ഡയറക്ടറായ അരുണിന്റെ അഭിപ്രായം.
മാസപ്പിറ തീരുമാനിക്കുന്ന ആ ‘10 ഡിഗ്രി ചരിവ്’; പെരുന്നാൾ രണ്ട് ദിവസമാകുന്നതിന്റെ കാരണമറിയുമോ?

പെരുന്നാൾ എന്നാ? നോമ്പ് എന്നു തുടങ്ങും? ഈ ചോദ്യങ്ങളും ഉത്തരങ്ങളും നമ്മുടെ നിത്യ ജീവിതത്തിൽ പതിവായിരിക്കുമല്ലോ? എന്തുകൊണ്ടാണ് ഇങ്ങനെ സംഭവിക്കുന്നത്? രണ്ട് ദിവസത്തിൽ ഒന്നാകും എന്നതിനപ്പുറം ഇന്ന ദിവസം എന്ന് ഉറപ്പിച്ചു പറയാൻ കഴിയാത്തത് എന്തുകൊണ്ടായിരിക്കും? ചാന്ദ്രമാസം അടിസ്ഥാനമാക്കിയാണെങ്കിലും മുൻകൂട്ടി ഇത് കണക്കാക്കാൻ സാധിക്കില്ലേ? വിവിധ മഹല്ലുകളുടെ ഖാസിമാരായ മതനേതാക്കളാണല്ലോ മാസപ്പിറ കണ്ടതായും പെരുന്നാൾ, നോമ്പ് എന്നിവയെല്ലാം ആയതായും അറിയിക്കുന്നത്. എന്തുകൊണ്ടാണ് ഇവർ അറിയിക്കുന്നത്? അതേസമയം ഗൾഫ് രാജ്യങ്ങളിലൊന്നായ ഒമാനിൽ ഇന്ത്യയിലെ പോലെ ചൊവ്വാഴ്ച നോമ്പ് ആരംഭിക്കാൻ കാരണമെന്ത്? രസകരമായ ഒട്ടേറെ കാര്യങ്ങളാണ് ഈ വിഷയത്തിന് പിന്നിലുള്ളത്. കാലവും സമയവും നിയമവുമെല്ലാം മാനദണ്ഡമാവുന്ന ‘മാസപ്പിറ’യുടെ കൗതുകങ്ങൾ അറിയാം...
ലോകം കണ്ടു ഇന്ത്യയുടെ സാങ്കേതിക വിജയം: ‘പേരിട്ടത്’ മോദി; കുതിച്ചു പായും, പിന്നെ തിരിച്ചിറങ്ങും

പുരാണ കഥയിൽ വിശ്രവസ്സ് എന്ന സന്യാസിയുടെ മകനായിരുന്നു കുബേരൻ. കുബേരൻ ബ്രഹ്മാവിനെ തപസ്സിലൂടെ പ്രീതിപ്പെടുത്തിയാണ് ഇതുവരെ രേഖപ്പെടുത്തപ്പെട്ടവയിൽ ആദ്യത്തെ വിമാനമായ ‘പുഷ്പകം’ സ്വന്തമാക്കിയത്. രാമായണത്തിൽ ഇതേക്കുറിച്ച് പരാമർശവും ഉണ്ട്. കുബേരന്റെ പിതാവ് വിശ്രവസ്സിന് കൈകസി എന്ന അസുര സ്ത്രീയിൽ ജനിച്ച മകനാണ് രാവണൻ. തന്റെ അർധ സഹോദരനായ കുബേരനിൽനിന്ന് പുഷ്പകം ബലമായി പിടിച്ചെടുക്കുകയായിരുന്നു രാവണൻ ചെയ്തത്. രാവണനെ വധിച്ച ശേഷം ശ്രീരാമനും സംഘവും അയോധ്യയിലേക്കു മടങ്ങിയത് പുഷ്പക വിമാനത്തിലാണെന്നും പുരാണങ്ങളിൽ പറയുന്നു. പുഷ്പക വിമാനം ഭാരതീയ പുരാണങ്ങളിൽനിന്നു വർത്തമാന കാലത്തേക്ക് എത്തിയത് ഹിന്ദുസ്ഥാൻ എയ്റോനോട്ടിക്സ് ലിമിറ്റഡ് (എച്ച്എഎൽ) 1950കളിൽ നിർമിച്ച ഒരു ഹെലികോപ്റ്ററിലൂടെയാണ്. 1958ൽ ആദ്യമായി പറന്ന രണ്ടു സീറ്റുള്ള ‘പുഷ്പക്’ ഹെലികോപ്റ്റർ പിന്നീടു ചില വിദേശ രാജ്യങ്ങൾക്കു വേണ്ടിയും ഇന്ത്യ നിർമിച്ചു നൽകി. ഭൂമിയിൽ നിന്നു സ്വർഗത്തിൽ പോയി വരാൻ കഴിയുമെന്നു വിശ്വസിച്ചിരുന്ന ആകാശ യാനമാണ് പുരാണങ്ങളിലെ പുഷ്പക വിമാനം. പുതിയ കാലത്ത് ഇന്ത്യയുടെ മറ്റൊരു ‘പുഷ്പക്’ പണിപ്പുരയിലാണ്. ആകാശത്തു മാത്രമല്ല, ചക്രവാളത്തോളം പറന്നു പോകാനും മനുഷ്യരെ ബഹിരാകാശത്ത് എത്തിച്ചു തിരികെ കൊണ്ടു വരാനുമായി ഇന്ത്യൻ ബഹിരാകാശ ഗവേഷണ സ്ഥാപനം (ഐഎസ്ആർഒ) നിർമിക്കുന്ന പുനരുപയോഗിക്കാവുന്ന വിക്ഷേപണ വാഹനമാണ് (റീയൂസബിൾ ലോഞ്ച് വെഹിക്കിൾ– ആർഎൽവി) ‘പുഷ്പക്’. ഫെബ്രുവരിയിൽ തിരുവനന്തപുരം വിക്രം സാരാഭായ് സ്പേസ് സെന്ററിൽ (വിഎസ്എസ്‌സി) സന്ദർശനം നടത്തിയ പ്രധാനമന്ത്രി നരേന്ദ്ര മോദി ആണ് ഇന്ത്യയുടെ ആർഎൽവിക്ക് ‘പുഷ്പക്’ എന്നു പേരിട്ടത്.
ഋതുരാജിനെ ഭാഗ്യം തുണച്ചത് ആദ്യമായി; മാറ്റം വഴിത്തിരിവാക്കി ദേശ്പാണ്ഡെ; മഞ്ഞക്കടലിൽ ഈ തോണി ഭദ്രം

പിടിച്ചുകെട്ടാനാകാത്ത ബാറ്റിങ് കരുത്ത്, തടുത്ത് നിൽക്കാനാകാത്ത ബോളിങ് മികവ്. 17–ാം സീസണിലെ ആദ്യ 3 മത്സരങ്ങിലും കൊൽക്കത്ത നൈറ്റ് റൈഡേഴ്സിന്റെ മുഖമുദ്രയായിരുന്ന ഈ ഖ്യാതിക്കാണ് ചെന്നൈ ബോളർമാർ കോട്ടംതട്ടിച്ചത്. സീസണിൽ അപരാജിതരായി കുതിപ്പു തുടർന്ന കെകെആറിന് ചെപ്പോക്കിൽ കാലിടറി. ചെന്നൈ സൂപ്പർ കിങ്സ് ബോളർമാരുടെ ആധിപത്യം തിളങ്ങിനിന്ന മത്സരത്തിൽ കൊൽക്കത്തയ്ക്കെതിരെ 7 വിക്കറ്റ് വിജയമാണ് ഋതുരാജ് ഗെയ്ക്‌വാദിന്റെ സംഘം സ്വന്തമാക്കിയത്. കൊൽക്കത്ത ഉയർത്തിയ 138 റൺസ് വിജയലക്ഷ്യം 17.4 ഓവറിൽ ചെന്നൈ മറികടന്നു. സ്കോർ: കൊൽക്കത്ത 20 ഓവറിൽ 9ന് 137. ചെന്നൈ 17.4 ഓവറിൽ 3ന് 141. ∙ മുന്നിൽ നയിച്ച് നായകന്‍മാർ ചെന്നൈയിൽ ഇരു ടീമുകളുടെയും ബാറ്റിങ് നിരയുടെ നെടുന്തൂണുകൾ ആയതും ടോപ് സ്കോറർമാരായതും നായകൻമാരാണ്. ആദ്യം ബാറ്റ് ചെയ്ത കൊൽക്കത്ത നൈറ്റ് റൈഡേഴ്സിനായി അവരുടെ നായകൻ ശ്രേയസ്സ് അയ്യർ 32 പന്തുകളിൽ 34 റൺസ് സ്വന്തമാക്കി ടോപ് സ്കോറർ ആയപ്പോൾ ചെന്നൈക്കായി 58 പന്തിൽ 67 റൺസ് നേടിയാണ് ഋതുരാജ് ഗെയ്ക്‌വാദ് ഇന്നിങ്സിലെ ടോപ് സ്കോറർ ആയത്. വമ്പൻ അടികൾക്ക് മുതിരുന്നതിനേക്കാൾ വിക്കറ്റ് നഷ്ടപ്പെടാതെ ടീം ടോട്ടൽ മുന്നോട്ടുകൊണ്ടുപോകാൻ ശ്രദ്ധിച്ച ഇരുവരുടെയും ഇന്നിങ്സുകൾ തമ്മിലുള്ള പ്രധാന സാമ്യങ്ങളിലൊന്ന് രണ്ട് ഇന്നിങ്സുകളിലും സിക്സറുകൾ ഒന്നും ഇല്ലായിരുന്നെന്നതാണ്.
ഇനിയും മറികടക്കാനാകാതെ ലക്നൗവിന്റെ ‘160 വിക്ടറി’; യഷോ ക്രുനാലോ? രണ്ടായാലും ഗുജറാത്ത് തവിടുപൊടി

ബാറ്റർമാരുടെ വമ്പൻ അടികളുടെ കളി എന്നാണ് ഐപിഎലിന്റെ എഴുതപ്പെടാത്ത വിശേഷണങ്ങളിലൊന്ന്. എന്നാൽ ഇന്നലെ ലക്നൗവിൽ ആഞ്ഞടിച്ചത് ബോളർമാരാണ്. ലക്നൗ സൂപ്പർ ജയന്റ്സിനായി യഷ് ഠാക്കൂറും ക്രുനാൽ പാണ്ഡ്യയും സംഹാര രൂപികളായപ്പോൾ ഗുജറാത്ത് ടൈറ്റൻസിന്റെ പരാജയം 33 റൺസിന്. സ്കോർ: ലക്നൗ– 20 ഓവറിൽ 5ന് 163. ഗുജറാത്ത്– 20 ഓവറിൽ 130. ഐപിഎലിലെ ഇളമുറ ടീമുകളായ ഗുജറാത്തും ലക്നൗവും ഇതുവരെ 5 കളികളിൽ നേർക്കുനേർ വന്നെങ്കിലും ഇത് ആദ്യമായാണ് വിജയം ലക്നൗ പക്ഷത്ത് എത്തിയത്. ഈ വിജയത്തോടെ തുടർച്ചയായ 3 കളികളിൽനിന്ന് നേടിയ 6 പോയിന്റുമായി പോയിന്റ് പട്ടികയിൽ മൂന്നാം സ്ഥാനത്തേയ്ക്കും ലക്നൗ ഉയർന്നു. ആദ്യ ഇന്നിങ്സിൽ 160 റൺസിന് മുകളിൽ സ്കോർ കണ്ടെത്തിയാൽ ലക്നൗവിനെ പരാജയപ്പെടുത്താനാകിലെന്ന പതിവും അവർ ആവർത്തിച്ചു. ആദ്യം ബാറ്റ് ചെയ്ത് 160ന് മുകളിൽ സ്കോർ കണ്ടെത്തിയ 12 മത്സരങ്ങളിലും എൽഎസ്‌ജി പരാജയം അറിഞ്ഞിട്ടില്ല.
പാണ്ഡ്യയ്ക്ക് സിക്സർ വേണ്ട ‘കരുതൽ’ മതി; മാറി മധ്യനിര ശാപം; വഴിത്തിരിവായത് 20–ാം ഓവർ; 8 ബോളിൽ സൂനാമി

ഇതാണ് ടീം മുംബൈ ഇന്ത്യൻസ്. ആരാധകർ കാണാന്‍ ആഗ്രഹിച്ച ‘ദൈവത്തിന്റെ പോരാളികൾ’. തുടർച്ചയായ 3 പരാജയങ്ങൾക്ക് ശേഷം സ്വന്തം മണ്ണിൽ വെന്നിക്കൊടി പാറിച്ചുകൊണ്ട് മുംബൈ വരവറിയിച്ചുകഴിഞ്ഞു. ആദ്യ 3 മത്സരങ്ങൾക്കൊടുവിലും തലകുനിച്ച് മൈതാനംവിട്ട മുംബൈ ടീമിന്റെ നിഴലിനെപ്പോലും വാങ്കഡെയിൽ എവിടെയും കാണാനുണ്ടായിരുന്നില്ല. ഗാലറിയിൽ നിറഞ്ഞ 18,000 കുരുന്നുകളുടെ മനസ്സ് നിറയ്ക്കുന്ന റൺ വിരുന്ന് ഒരുക്കാനുള്ള തിരക്കിലായിരുന്നു ഹാർദിക് പാണ്ഡ്യയും കൂട്ടരും. എല്ലാ പൊസിഷനുകളിലും ബാറ്റർമാർ താളംകണ്ടെത്തിയോടെ മുംബൈ അക്കൗണ്ടിലേക്ക് ഇടതടവില്ലാതെ റൺസ് ഒഴുകുകയായിരുന്നു. ബാറ്റർമാർ സമ്മാനിച്ച 234 റൺസിന്റെ കോട്ടകാക്കാൻ ബോളർമാരും കരുത്ത് കാട്ടിയപ്പോൾ ഡൽഹി ക്യാപിറ്റൽസിനെ 29 റൺസിന് പരാജയപ്പെടുത്തി മുംബൈ ഇന്ത്യൻസിന് ഐപിഎൽ 17–ാം സീസണിലെ ആദ്യ വിജയം. രോഹിത്തും ഇഷൻ കിഷനും ചേർന്ന് തുടങ്ങിവച്ച വെടിക്കെട്ട് മധ്യ ഓവറുകളിൽ നായകൻ ഹാർദിക് പാണ്ഡ്യയും ടിം ഡേവിഡും തുടർന്നുകൊണ്ടു പോയപ്പോൾ അവസാന ഓവറിൽ അത് ആളിക്കത്തിച്ച റൊമാരിയോ ഷെപ്പേഡ് മുംബൈയ്ക്ക് സമ്മാനിച്ചത് സമാനതകളില്ലാത്ത റൺ മഴ. പക്ഷേ, മുംബൈ ഇന്ത്യന്‍സ് മുന്നോട്ടുവച്ച 234 റൺസിന്റെ കൂറ്റൻ വിജയലക്ഷ്യം പിന്തുടർന്ന ഡൽഹി ക്യാപ്പിറ്റൽസും അവസാനംവരെ പൊരുതിയാണ് വീണത്.
ചരിത്രം തിരുത്തിയ രോഹിത്തിനോട് ഇത് വേണമായിരുന്നോ? പാണ്ഡ്യയുടെ പ്രാർഥന ഫലം കാണുമോ?

‘ദൈവത്തിന്റെ പടയാളികൾ’. ഐപിഎൽ ചരിത്രത്തിലെ ഏറ്റവും കരുത്തരായ ടീം മുംബൈ ഇന്ത്യൻസിന്റെ വിളിപ്പേരാണിത്. ഏത് പ്രതിസന്ധിയിലേക്ക് കൂപ്പുകുത്തിയാലും അവിടെനിന്ന് ഉയിർത്തെഴുന്നേറ്റ് കപ്പടിക്കാൻ കരുത്തുള്ള ടീം. ഇത്രയും പറഞ്ഞത് ചരിത്രം. ഇനി വർത്തമാനത്തിലേക്ക്. ഒരു ഐപിഎൽ ടീമിന്റെ ആരാധകർക്കിടയിൽ 2 ഗ്രൂപ്പുകൾ എന്നത് കേട്ടുകേൾവി പോലും ഇല്ലാത്ത കാര്യങ്ങളായിരുന്നു. എന്നാൽ ഇപ്പോൾ മുംബൈ ഇന്ത്യന്‍സിന്റെ കാര്യത്തിൽ അതും സംഭവിച്ചിരിക്കുന്നു. ട്രോളൻമാരുടെ ഭാഷയിൽ പറഞ്ഞാൽ മുംബൈ ഇന്ത്യൻസ് (ആർ) ഘടകവും മുംബൈ ഇന്ത്യന്‍സ് (എച്ച്) ഘടകവും. ഒരു ക്യാപ്റ്റൻസി മാറ്റം വരുത്തിവച്ച വിനയാണിതെല്ലാം. അപ്പോൾ സ്വാഭാവികമായും ഉയരുന്ന ഒരു ചോദ്യമുണ്ട് ‘ഐപിഎൽ ചരിത്രത്തിൽ മറ്റൊരു ടീമിലും ഇതുവരെ ക്യാപ്റ്റന്‍സി മാറിയിട്ടില്ലേ?. അതിനുള്ള ഉത്തരം ‘അതെ’ എന്നുതന്നെയാണ്. ഇത്തവണ ചെന്നൈ സൂപ്പർ കിങ്സിന്റെ എല്ലാമെല്ലാമായ തല ധോണിയെ വരെ ക്യാപിറ്റന്‍സിയിൽനിന്ന് ഒഴിവാക്കിയിട്ടുണ്ട്. എന്നാൽ എറ്റവും കൂടുതൽ ആരാധക പിന്തുണയുള്ള ചെന്നൈ ആരാധകർക്കിടയിൽ അതൊരു പ്രശ്നമേ ആയില്ല. അതും ചെന്നൈ ടീം ആരാധകരിൽ 90 ശതമാനവും ധോണി ആരാധകരായിട്ടുകൂടി.
‘ഇപ്പോഴും അതേ പേടിയുണ്ട്, വിറയലുമുണ്ട്; എന്റെ മാത്രം രഹസ്യമായ ആ എഴുത്തുകൾ...’

കലപിലക്കാരിയായ കുട്ടിയെ അടക്കിയിരുത്താൻ മൂന്നു വയസ്സിലേ അക്ഷരം പഠിപ്പിച്ച അധ്യാപികയായ അമ്മ. പുസ്തകമെന്തെങ്കിലും കിട്ടിയാൽ അതിലേയ്ക്കു പൂണ്ട് പരിസരം മറന്നിരിക്കുമായിരുന്ന കുട്ടി. മണ്ണെണ്ണ വിളക്കിന്റെ വെളിച്ചത്തിൽ ആദ്യം വായിച്ച പുസ്തകം മാലിയുടെ ‘പോരാട്ടം’ എന്ന നോവൽ ആയിരുന്നു. വീടിനു മുകളിലെ റബർ തോട്ടത്തിലെ നിറയെ ശിഖരങ്ങളുള്ള റബർ മരങ്ങളിലൊന്നിനു മുകളിൽ കയറി കാൽ താഴേയ്ക്കിട്ടിട്ട് തായ്ത്തടിയിൽ ചാരിയിരുന്നു വായനയിൽ മുഴുകിയിരുന്ന അക്ഷരക്കുട്ടിയെ ശല്യപ്പെടുത്താതെ ചുറ്റുമുള്ള മരങ്ങളിൽ വന്നിരിക്കാറുണ്ടായിരുന്നതു കൊറ്റികൾ. ഇന്ത്യൻ കരസേനയുടെ ദന്തൽ കോറിൽ ഡോക്ടറായി ഇന്ത്യയുടെ വിവിധ ഭാഗങ്ങളിൽ സേവനമനുഷ്ഠിച്ച ലഫ്. കേണൽ ഡോ. സോണിയ ചെറിയാന്റെ ബാല്യകാലസമൃതികളിൽ എപ്പോഴും മറഞ്ഞുകൊണ്ടിരിക്കുന്നത് പുസ്തകത്താളുകളാണ്. ഇന്ത്യൻ റെയിൻബോ – ഒരു പട്ടാളക്കാരിയുടെ ഓർമക്കുറിപ്പുകൾ, അവളവൾ ശരണം എന്നീ രണ്ടു പുസ്തകങ്ങളിലും അസാധാരണ അനുഭവമെഴുത്ത് കാഴ്ചവയ്ക്കാൻ അവർക്കു സാധിച്ചത് വായനയോടുള്ള ഈ അഭിനിവേശംകൊണ്ടു കൂടിയാണ്. മരത്തിൽനിന്നു വീണു കയ്യൊടിഞ്ഞ ഏഴാം വയസ്സിൽ, ഒരു ദേശത്തിന്റെ കഥ വായിച്ച ആ പുസ്തകപ്രേമി – ഡോ. സോണിയ ചെറിയാൻ ‘മനോരമ ഓണ്‍ലൈൻ പ്രീമിയ’ത്തിൽ സംസാരിക്കുകയാണ്. തന്റെ വായനയെപ്പറ്റി, എഴുത്തിനെപ്പറ്റി, ജീവിതത്തെപ്പറ്റി...
റൺസിനും മുന്നേ വിക്കറ്റ്, പിന്നാലെ നായകൻ സഞ്ജു, 'നൂറിൽ' നൂറടിച്ച് ബട്‌ലറും; ഈ കളിക്ക് 'സോളർ തിളക്കം'

പിങ്ക് സിറ്റിയിലെ പിങ്ക് തുരുത്തായി മാറിയ എസ്എംഎസ് സ്റ്റേഡിയത്തിൽ രാജസ്ഥാൻ റോയൽസിന് വിജയത്തുടർച്ച. രാജസ്ഥാനിലെ 78 വീടുകളിൽ സോളർ തിളക്കവും. സീസണിൽ പരാജയം അറിയാതെ മുന്നേറുന്ന സഞ്ജുവിന്റെ രാജസ്ഥാൻ പോയന്റ് പട്ടികയിലെ ഒന്നാം സ്ഥാനവും തിരികെപ്പിടിച്ചു. വിരാട് കോലിയുടെ 8–ാം ഐപിഎൽ സെഞ്ചറി (72 പന്തിൽ 113 നോട്ടൗട്ട്) നേട്ടത്തെ ജോസ് ബട്‌ലറുടെ അപരാജിത സെഞ്ചറി (58 പന്തിൽ 100) നിറംമങ്ങിച്ചപ്പോൾ സ്വന്തം ആരാധകർക്ക് മുന്നിൽ നടന്ന മത്സരത്തിൽ റോയൽ ചാലഞ്ചേഴ്സ് ബെംഗളൂരുവിനെ 6 വിക്കറ്റിനാണ് രാജസ്ഥാൻ തോൽപിച്ചത്. സ്കോർ: ബെംഗളൂരു 20 ഓവറിൽ 3ന് 183. രാജസ്ഥാൻ 19.1 ഓവറിൽ 4ന് 189. ബട്‌ലറാണ് പ്ലെയർ ഓഫ് ദ് മാച്ച്.
‘മൊഹബ്ബത്ത്’ നിറച്ച ഈന്തുംപിടി; 27–ാം രാവിലെ സ്പെഷൽ കലത്തപ്പം; കുറുക്കിയെടുത്ത പാൽ വാഴയ്ക്ക; കൂടിയിട്ടുണ്ടോ മലബാറിലെ ഇഫ്താർ?

ഫ്ലയിങ് സോസർ!! എന്നു വച്ചാൽ പറക്കും തളിക തന്നെ. ഒരു നോമ്പുകാലത്താണ് ഞാനതു കണ്ട് നക്ഷത്രമെണ്ണിയത്. ചുമ്മാ തള്ള് എന്നു പറയല്ലേ. സംഗതി സത്യമാണ്. കന്നി നോമ്പ് പിടിക്കാനായി പുലർച്ചെ എഴുന്നേറ്റതാണ് ഞാൻ. അരങ്ങേറ്റക്കാരനുള്ള വരവേൽപ്പായി ഉമ്മ തക്കാളി താളിപ്പും ചോറും ഉണക്കമീൻ കടായിയും എന്റെ മുന്നിലേക്കു നീക്കി വച്ചിട്ടു പറഞ്ഞു. ‘‘ന്റെ കുട്ടി നല്ലോണം തിന്നോ..അല്ലെങ്കിൽ പയ്ച്ചും..’’ എനിക്കെന്തു വിശപ്പ്? തലേന്ന് നോമ്പു നോൽക്കാതെ പകലു മുതൽ രാത്രി വരെ പത്തിരിയും ഇറച്ചിയും തട്ടിയിരിക്കുകയാണ് ഞാൻ. ആ എന്നെയാണോ തക്കാളി താളിപ്പ് കൊണ്ട് കൊതിപ്പിക്കുന്നത്! ഉമ്മയുടെ കണ്ണു തെറ്റിയ സമയം നോക്കി ഞാൻ ഒരു വിദ്യയൊപ്പിച്ചു. ചോറെല്ലാം വാരി വട്ടത്തിൽ താഴെ പരത്തിവച്ചു. അതിനു മുകളിൽ പ്ലേറ്റും. നിമിഷനേരം കൊണ്ട് പാത്രം കാലി! ഉമ്മ വന്നു നോക്കിയപ്പോൾ സ്പെഷൽ ഇഫക്ടായി ഞാനൊരു ഏമ്പക്കവും വിട്ടു. കൊട്ടത്തളത്തിലേക്ക് വെള്ളമൊഴിച്ച പോലെ ക്ഷണത്തിൽ ഭക്ഷണം തീർത്ത പുന്നാരമോനെ അവിശ്വസനീയതയോടെ നോക്കി ഉമ്മ പാത്രമെടുത്തു. ദാ, കിടക്കുന്നു വറ്റു കൊണ്ടുണ്ടാക്കിയ ഒരു പൂക്കളം മുന്നിൽ. റമസാൻ മാസത്തെ ക്ഷമയുടെ പുണ്യമെല്ലാം ഉമ്മ ഒരു നിമിഷം മറന്നു. പാത്രം കറക്കി ഒറ്റയേറ്!..
ഹൈദരാബാദിൽ സൂര്യോദയം; 'തല' താഴ്ന്നു ‘ഹെഡ്’ ഉയർന്നു; പ്രകാശം പരത്തിയെത്തി തെലങ്കാന ‘സിഎം’

ബന്ദിയും ജമന്തിയും ഇടകലർന്ന പൂക്കളം പോലൊരു ഗാലറി. നടുവിൽ നാക്കിലയിൽ തെളിച്ച നിലവിളക്കിലെ തിരികൾപോലെ മിന്നിക്കത്തുന്ന താരങ്ങളും. ചെന്നൈയുടെ മഞ്ഞയും ഹൈദരാബാദിന്റെ ഓറഞ്ചും സമാസമം വാരിവിതറിയ ഹൈദരാബാദ് രാജീവ് ഗാന്ധി രാജ്യാന്തര സ്റ്റേഡിയത്തിലെ സൺറൈസേഴ്സ് – സൂപ്പർ കിങ്സ് മത്സരം കണ്ട ഏതൊരു മലയാളിയുടെ മനസ്സിലേക്കും ഓടിവന്ന ചിത്രം ഇതാകും. കാര്യം ഹൈദരാബാദിന്റെ ഹോം ഗ്രൗണ്ട് ആണെങ്കിലും അവിടെ തിങ്ങിക്കൂടിയ 36,000 കാഴ്ചക്കാരിൽ പകുതിയും ചെന്നൈയുടേയും ധോണിയുടെയും ആരാധകരായിരുന്നു.
എങ്ങനെ കൈവിടാൻ തോന്നി ആ 2 ക്യാച്ചുകൾ! പഞ്ചാബിന് ‘ഹരം’ 200; കാണികളും കയ്യടിച്ചു: ‘സായ് ഒരു മാന്യനാണ്’

എത്ര ഉയർന്നു പറന്ന ലക്ഷ്യത്തെയും പിന്നാലെ പാഞ്ഞു ചെന്ന് കൊത്തിയെടുക്കാൻ പഞ്ചാബിനെ ആരും പഠിപ്പിക്കേണ്ട കാര്യമില്ല, അത് അവരുടെ രക്തത്തിൽതന്നെയുള്ള കാര്യമാണ്. ലോക പുരുഷ ട്വന്റി20 ക്രിക്കറ്റിൽതന്നെ 200 റൺസിനു മുകളിലുള്ള ലക്ഷ്യത്തിന് പിന്നാലെ പാഞ്ഞ് വിജയം സ്വന്തമാക്കുന്ന കാര്യത്തിൽ ഒന്നാമതുള്ള ടീമാണ് പഞ്ചാബ് കിങ്സ്. ഗുജറാത്തിനെതിരായ വിജയത്തോടെ ഇക്കാര്യത്തിലെ മേൽക്കോയ്മ അവർ അരക്കിട്ടുറപ്പിച്ചു. 6 മത്സരങ്ങളിലാണ് 200 റൺസോ അതിനു പുറത്തോ ഉള്ള ലക്ഷ്യം പഞ്ചാബ് വിജയകരമായി പൂർത്തിയാക്കിയത്. മുന്നിലുള്ളത് വലിയ ലക്ഷ്യം, പിന്തുടർന്നത് ഒരേ പാതയിൽ, ഒടുവിൽ വിജയം സ്വന്തമാക്കിയത് മുടിനാരിഴ വ്യത്യാസത്തിൽ. ഐപിഎൽ 17–ാം സീസണിലെ ഏറ്റവും വിജയകരമായ റൺ ചേസ് നടത്തിയ പഞ്ചാബ് കിങ്സിന്റെ കഥയാണിത്. ആദ്യം ബാറ്റ് ചെയ്ത ഗുജറാത്ത് മുന്നോട്ടുവച്ച 200 റൺസ് എന്ന ലക്ഷ്യത്തിലേയ്ക്ക് മത്സരത്തിന്റെ ഓരോ ഘട്ടത്തിലും അതീവ ശ്രദ്ധയോടെയാണ് പഞ്ചാബ് ബാറ്റ് വീശിയത്. ഗുജറാത്ത് 5.4 ഓവറിൽ (34 പന്തുകൾ) 50 റൺസ് പൂർത്തിയാക്കിയപ്പോൾ പഞ്ചാബ് 50 റൺസ് പൂർത്തിയാക്കിയത് 5.4 ഓവറിൽ (34 പന്തുകൾ) നിന്നുതന്നെ. ഗുജറാത്തിന് 6 എക്സ്ട്രാ റൺസിന്റെ പിന്തുണ ഉണ്ടായിരുന്നെങ്കിൽ, പഞ്ചാബിന് ഉണ്ടായിരുന്നത് ഒരു എക്സ്ട്രാ റൺ മാത്രമായിരുന്നു എന്നത് മാത്രമാണ് ഏക വ്യത്യാസം.
മരണത്തെ മുഖാമുഖം കണ്ട പന്ത്, ലിൻഡയെ തോൽപിക്കാനെത്തിയ കാൻസർ...: ‘നീ തിരിച്ചുവരും, ഞങ്ങൾ കാത്തിരിക്കും’

ഐപിഎൽ ക്രിക്കറ്റിന്റെ രണ്ടാം മത്സരം. വെയിൽ ചാഞ്ഞിറങ്ങിയ ചണ്ഡീഗഡിലെ മുല്ലൻപുർ ക്രിക്കറ്റ് സ്റ്റേഡിയത്തിൽ ഡൽഹി ക്യാപിറ്റൽസിനെ നേരിടുന്നത് പഞ്ചാബ് കിങ്സ്. ഹർഷൽ പട്ടേലിന്റെ പന്തിൽ പുറത്തായി ഡൽഹി ഓപണർ ഡേവിഡ് വാർണർ ഡഗ്ഔട്ടിലേക്കു തിരികെ നടന്നപ്പോൾ അതിർത്തിവര മറികടന്നു ക്രീസിലേക്കു വന്ന താരത്തെ കണ്ടു സ്റ്റേഡിയം ആർത്തിരമ്പി. 15 മാസങ്ങൾക്കു മുൻപ് കാർ അപകടത്തെത്തുടർന്നു മരണത്തെ മുഖാമുഖം കണ്ട, ഇന്ത്യയുടെ യുവതാരവും ഡൽഹി നായകനുമായ ഋഷഭ് പന്തിന്റെ അത്യപൂർവ തിരിച്ചുവരവിനാണ് കാണികൾ സാക്ഷികളായത്. 23 മിനിറ്റും 13 പന്തുകളും നീണ്ട തന്റെ ‘രണ്ടാം ഇന്നിങ്സിലെ’ ആദ്യ ഇന്നിങ്സിൽ പന്ത് നേടിയത് 18 റൺസ്. പക്ഷേ, ആ റൺസുകളുടെ മൂല്യം വിലമതിക്കാനാവാത്തതായിരുന്നു. 2022 ഡിസംബർ 22നു പുലർച്ചെ ഡൽഹി– ഡെറാഡൂൺ ഹൈവേയിലുണ്ടായ അപകടത്തിൽ, പന്ത് സഞ്ചരിച്ചിരുന്ന ആഡംബര കാർ പൂർണമായും തകർന്നു. ഗുരുതരമായ പരുക്കുകളോടെ അദ്ദേഹം മരണത്തിൽനിന്ന് അദ്ഭുതകരമായി രക്ഷപെട്ടു. ഡൽഹിയിൽ നിന്നു വീട്ടിലേക്കു മടങ്ങുകയായിരുന്നു താരം. ഹൈവേയുടെ ഡിവൈഡറിൽ ഇടിച്ചു തകർന്ന കാറിനു തൽക്ഷണം തീപിടിച്ചു. ഡ്രൈവറുടെ സമയോചിതമായ ഇടപെടൽ മൂലം പന്തിനെ അതിവേഗം ആശുപത്രിയിലെത്തിച്ചതു രക്ഷയായി. നെറ്റിയിൽ രണ്ടു വലിയ മുറിവുകൾ. വലതു കാൽമുട്ടിന്റെ ലിഗ്‌മെന്റിനും തലയ്ക്കും മുതുകിലും സാരമായ പരുക്കുകൾ. വലതു കൈത്തണ്ടയ്ക്കും കണങ്കാലിനും കാൽവിരലിനും പരുക്കേറ്റു. മുഖത്തും ഉരച്ചിലും മുറിവുകളുമുണ്ടായി. മാസങ്ങൾ നീണ്ട ആശുപത്രിവാസവും ചികിത്സയും മൂലം കളിക്കളത്തിലേയ്ക്കുള്ള മടങ്ങിവരവു ചിന്തിക്കാൻ പോലുമാകാത്ത ദിനങ്ങൾ. കാൽ നിലത്തുറപ്പിച്ചു നിർത്താൻ പോലും കഴിയാതെ ആശുപത്രിക്കിടക്കയിൽ വീണുപോയ പന്തിനു കഴിഞ്ഞ ഐപിഎലും ലോകകപ്പ് ക്രിക്കറ്റും നഷ്ടമായി; ഇംഗ്ലണ്ടിനെതിരായ പരമ്പരയിലും കളിക്കാനായില്ല.
വിദേശത്ത് സ്വപ്നജോലി, ലക്ഷം ശമ്പളം: എൻഐടി, ഐഐടികളിൽ എംഎ പഠിക്കാനാകുമോ? പിഎച്ച്ഡിയോ?

പ്രവേശനപ്പരീക്ഷകളുടെ കാലമാണ് ഏപ്രിൽ, മേയ് മാസങ്ങൾ. ഇന്ത്യയിലെ മികച്ച സാങ്കേതിക സർവകലാശാലകളായ ഐഐടി (Indian Institutes of Technology), എൻഐടികളിൽ (National Institute of Technology) പ്രവേശനം ഉറപ്പാക്കാനുള്ള ശ്രമത്തിലായിരിക്കും വലിയൊരു വിഭാഗം വിദ്യാർഥികളും. ടെക്‌നോളജിയും എൻജിനീയറിങ്ങുമായി ബന്ധപ്പെട്ട കാര്യങ്ങളാണല്ലോ ഇവിടങ്ങളിൽ പഠിപ്പിക്കുക എന്നാണോ നിങ്ങൾ കരുതുന്നത്? എങ്കിൽ ഒരു ചെറിയ തിരുത്തുണ്ട്. മാനവിക– സാമൂഹിക ശാസ്ത്രം (ഹ്യുമാനിറ്റീസ് ആൻഡ് സോഷ്യൽ സയൻസ്) വിഷയങ്ങളും ഇവിടങ്ങളിൽ പഠിക്കാം. ഐഐടി (IIT), എൻഐടി (NIT), ഐഐഎസ്‍സി (IISC), നിയാസ് (NIAS-National Institute of Advanced Studies) ഐസർ (IISER), ഐഐഎസ്ടി (IIST), ഐഐഇഎസ്ടി (IIEST), ഐഐഐടി (IIIT) തുടങ്ങിയ സ്ഥാപനങ്ങളിൽ എൻജിനീയറിങ് കോഴ്സുകൾ മാത്രമല്ല, മാനവിക (ഹ്യുമാനിറ്റീസ്) വിഷയങ്ങളിലെ ബിരുദാനന്തര, പിഎച്ച്ഡി കോഴ്സുകളുമുണ്ട്. എന്തെല്ലാണ് ഇതുമായി ബന്ധപ്പെട്ട കോഴ്സുകൾ? ഈ കോഴ്സുകൾ പഠിച്ചാലുള്ള ഗുണമെന്താണ്? എങ്ങനെ പ്രവേശനം നേടാം? ലിബറൽ ആർട്സ് സർവകലാശാലകളിൽ പഠിച്ചവർക്കു ലഭിക്കുന്നതു പോലെ എൻഐടിയിലും ഐഐടിയിലുമെല്ലാം എംഎ, പിഎച്ച്ഡി തുടങ്ങിയവ ചെയ്തവർക്കും നല്ല ജോലി ലഭിക്കുമോ? ഒട്ടേറെ സംശയങ്ങൾ ഇതിനോടകം നിങ്ങളുടെ മനസ്സിലെത്തിയിട്ടുണ്ടാകും. അവയ്ക്കുള്ള ഉത്തരമാണ് ഇനി.
അടിയോടടി! നിലം തൊടാതെ 'പന്തും' ഡൽഹിയും; ആ 5 റൺ കൂടി ഉണ്ടായിരുന്നെങ്കിൽ..; എന്ന് തീരും 'എൺപതിന്റെ' ശാപം?

ഫീൽഡിങ് വിടവുകളും തീരുമാനത്തിലെ പിഴവുകളും പണി കൊടുത്ത മത്സരത്തിനൊടുവിൽ ഡൽഹി ക്യാപിറ്റൽസിന് രണ്ടാം ഹോം ഗ്രൗണ്ടിൽ വമ്പൻ തോൽവി. കൊൽക്കത്ത നൈറ്റ് റൈഡേഴ്സ് ബാറ്റർമാർ പടുത്തുയർത്തിയ ഐപിഎൽ ചരിത്രത്തിലെ രണ്ടാമത്തെ ഉയർന്ന ടീം ടോട്ടൽ (272 റൺസ്) പിന്തുടർന്ന ഡൽഹി ക്യാപിറ്റൽസിന് 106 റൺസ് അകലെ കാലിടറി. 17.2 ഓവറിൽ പത്താം വിക്കറ്റും നഷ്ടമായപ്പോൾ പരാജയത്തിന്റെ ആക്കം കുറയ്ക്കാൻ ഉപകരിക്കുമായിരുന്ന 16 പന്തുകൾ അവരുടെപക്കൽ ബാക്കിയായിരുന്നു. ആദ്യം ബാറ്റുകൊണ്ടും പിന്നീട് പന്തുകൊണ്ടും കൊൽക്കത്ത നൈറ്റ് റൈഡേഴ്സ് താരങ്ങൾ കുതിച്ചുകയറിയപ്പോൾ ഒന്നു ചെറുത്തുനിൽക്കാനുള്ള ശക്തിപോലും ഡൽഹിക്കുണ്ടായില്ല. ബാറ്റർമാരുടെ മികച്ച ഫോമിനൊപ്പം ഭാഗ്യവും കെകെആറിനൊപ്പമായിരുന്നു. വിശാഖപട്ടണത്ത് കഴിഞ്ഞ ദിവസം സിഎസ്കെയുടെ ‘തല’ എംഎസ് ധോണി ഫിനിഷ് ചെയ്യാതെ മടങ്ങിയ ബാറ്റിങ് വെടിക്കെട്ട് കെകെആർ ബാറ്റർമാർ കൂട്ടത്തോടെ ഏറ്റെടുക്കുകയായിരുന്നു. സുനിൽ നരെയ്ൻ (39 പന്തിൽ 85), അംഗ്ക്രിഷ് രഘുവംശി (27 പന്തിൽ 54), ആന്ദ്രെ റസൽ (19 പന്തിൽ പന്തിൽ 41), റിങ്കു സിങ് (8 പന്തിൽ 26) എന്നിങ്ങനെ ബാറ്റെടുത്ത എല്ലാവരും അങ്കക്കലിയിൽ ആയപ്പോൾ മറുവശത്ത് ഡൽഹിക്കായി പോരാടാൻ ആകെ ഉണ്ടായത് നായകൻ ഋഷഭ് പന്തും (25 പന്തിൽ 55), യുവതാരം ട്രിസ്റ്റൻ സ്റ്റബ്സും (32 പന്തിൽ 54) മാത്രമാണ്.
307 ദിവസത്തിന് ശേഷം ‘തല’യാട്ടം; ഇളകി മറിഞ്ഞ് ഗാലറി; അടുത്ത സീസണിലും തുടരുമോ ‘മഹീന്ദ്രജാലം’

‘മഹി കൂൾ ആണ്. അവൻ ഒരു കളിക്കാരനല്ല, ഒരു വികാരമാണ്, അവനിൽ എന്തോ പ്രത്യേകതയുണ്ട്. ഡൽഹിയുടെ വിജയത്തേക്കാൾ കൂടുതൽ ചെന്നൈ ടീമിനെക്കുറിച്ചാണ് എല്ലാവരും സംസാരിക്കുന്നത്, കാരണം എം.എസ്. ധോണി വീണ്ടും സജീവമായിരിക്കുന്നു,’ – ഡൽഹി–ചെന്നൈ മത്സരം വിലയിരുത്തിയ ആകാശ് ചോപ്രയുടെ വാക്കുകളാണിത്. ഡൽഹി ക്യാപിറ്റൽസിനെതിരായ തകർപ്പൻ ബാറ്റിങ് പ്രകടനത്തിനു ശേഷം ചെന്നൈ സൂപ്പർ കിങ്സ് മുൻ താരം സുരേഷ് റെയ്‌നയും ധോണിയെ പ്രശംസിച്ചു. ‘പ്രചോദനത്തിന് പ്രായമൊന്നുമില്ല! 42-ാം വയസ്സിൽ മഹി ഭായിയുടെ അസാമാന്യമായ ബാറ്റിങ് മികവ് വെളിപ്പെടുത്തുന്നത് അദ്ദേഹത്തിന്റെ സമാനതകളില്ലാത്ത സ്പിരിറ്റിന്റെയും അർപ്പണബോധത്തിന്റെയും തെളിവാണ്,’ – റെയ്‌ന എക്‌സിൽ കുറിച്ചിട്ടു.
കോലിക്ക് 'ക്യാപ്' ഉണ്ട്, കപ്പ് വേണ്ടേ! ആ താരം ഇനി എന്ന് ഫോം കണ്ടെത്തും? മായങ്ക് ‘ജാല’ത്തിൽ മയങ്ങി ആർസിബി

17 വർഷത്തിനിടയിൽ പേരും പോരാളികളും ഉൾപ്പെടെ പലതവണ മാറിമാറി വന്നിട്ടും റോയൽ ചാലഞ്ചേഴ്സ് ബെംഗളൂരുവിൽ മാറ്റമില്ലാതെ തുടരുന്നത് 2 കാര്യങ്ങൾക്കാണ്. ആദ്യത്തേത് കിങ് കോലി എന്ന സാക്ഷാൽ വിരാട് കോലിയും രണ്ടാമത്തേത് കിരീടനേട്ടം എന്ന ഇനിയും അവസാനിക്കാത്ത സ്വപ്നവും. 17–ാം സീസണിലും ബെംഗളൂരുവിനെ നയിക്കുന്നത് ഈ രണ്ട് കാര്യങ്ങള്‍ തന്നെയാണ്. ബെംഗളൂരുവിന്റെ പ്രതീക്ഷകൾക്കൊത്ത നിലയിലാണ് കോലിയുടെ ഇതുവരെയുള്ള മുന്നേറ്റം. 4 മത്സരങ്ങളിൽ നിന്ന് അടിച്ചുകൂട്ടിയ 203 റൺസിന്റെ പിന്‍ബലത്തിൽ ഓറ‍ഞ്ച് ക്യാപ് ഇപ്പോഴും കോലിയുടെ തലയിൽ തന്നെയുണ്ട്. എന്നാൽ, കപ്പ് എന്നത് ഇത്തവണയും സ്വപ്നമായി തന്നെ അവസാനിക്കുമോ എന്നാണ് ആരാധകരുടെ ആശങ്ക. ബെംഗളൂരുവിന്റെ ഹോം ഗ്രൗണ്ടായ ചിന്നസ്വാമിയിൽ കോലിയുടെ 100–ാം ഐപിഎൽ മത്സരത്തിലും തോൽവി വഴങ്ങിയതോടെ ആർസിബിയുടെ മുന്നോട്ടുള്ള പോക്ക് ശരിക്കും ആശങ്കയിലായിരിക്കുകയാണ്.
ആരാണ് രാജകുമാരിയുടെ ‘രഹസ്യരേഖ’കൾ തേടി വന്നത്? ദുരൂഹതയുടെ ടർബോ കാൻസർ: ‘ആ വിഡിയോയിൽ കെയ്റ്റ് അല്ല’

എവിടെയാണ് കെയ്റ്റ് മിഡിൽടൺ? ബ്രിട്ടനിലെ കിരീടാവകാശി വില്യം രാജകുമാരന്റെ ഭാര്യ കെയ്റ്റ് മിഡിൽടൺ പൊതുരംഗത്ത് നിന്ന് വിട്ടുനിൽക്കാൻ തുടങ്ങിയതിനു ശേഷം, 2024ന്റെ തുടക്കം മുതൽ ഉയരുന്ന ചോദ്യമാണിത്. ജനുവരിയിൽ ഉദരശസ്ത്രക്രിയയ്ക്ക് വിധേയയായ കെയ്റ്റിനെപ്പറ്റി ഇതിനിടെ കഥകൾ പലതും പ്രചരിച്ചു. ‘കെയ്റ്റ് മിഡിൽടൺ മരിച്ചു’ എന്ന ദയാരഹിതമായ നുണക്കഥയും അക്കൂട്ടത്തിലുണ്ടായിരുന്നു. അഭ്യൂഹങ്ങൾക്കിടെയാണ്, രാജകുടുംബം പ്രത്യേകമായി നടത്തുന്ന ഈസ്റ്റർ ദിന ശുശ്രൂഷയിൽ കെയ്റ്റ് പങ്കെടുക്കും എന്ന വിവരം ബക്കിങ്ങാം കൊട്ടാരം പുറത്തുവിട്ടത്. പക്ഷേ, രാജകുടുംബാഗങ്ങൾക്ക് മാത്രമായി നടത്തിയ ആ ചടങ്ങിലെ കെയ്റ്റിന്റെയും വില്യമിന്റെയും മൂന്ന് മക്കളുടെയും അസാന്നിധ്യം വീണ്ടും ചർച്ചയാവുകയാണ്. ‘‘സ്വാർഥമായ താൽപര്യങ്ങൾക്ക് അതീതമായി, തങ്ങളുടെ വിശ്വാസത്തിലും അനുഭാവത്തിലും ഊന്നി കാൻസറിനെക്കുറിച്ച് തുറന്നുപറഞ്ഞ ചാൾസ് രാജകുമാരനും വെയിൽസ് രാജകുമാരിയും ഒരുപാടു പേർക്ക് ജീവിക്കാനുള്ള ഊർജമാവുകയാണ്’’ എന്നാണ് രാജകുടുംബത്തിന്റെ ഈസ്റ്റർ ദിന ശുശ്രൂഷയുടെ പ്രസംഗമധ്യേ ആർച്ച്ബിഷപ്പ് പറഞ്ഞത്. രോഗത്തെക്കുറിച്ച് കഥകൾ പ്രചരിക്കുന്നതിനിടെ താൻ കാൻസർ ബാധിതയാണ് എന്ന് വിഡിയോ സന്ദേശം പുറത്തുവിട്ടതും കെയ്റ്റ് തന്നെയായിരുന്നു. ‘കാൻസർ ബാധിതയാണ്. ചികിത്സ നടക്കുന്നു. കുടുംബം പിന്തുണ നൽകുന്നു’ ഏറ്റവും ശാന്തമായി കെയ്റ്റ് ലോകത്തോടു പറഞ്ഞു. ചാൾസ് രാജാവിന്റെ കാൻസർ വാർത്ത പുറത്തുവന്ന് അധികം വൈകാതെയാണ് കെയ്റ്റിന്റെയും രോഗം സ്ഥിരീകരിച്ചത്. കൊട്ടാരത്തിൽ നൂറ്റാണ്ടുകളായി പിന്തുടർന്നുവന്നിരുന്ന ഒരു രീതി കൂടിയാണ് രോഗവിവരം തുറന്നുപറഞ്ഞതിലൂടെ ചാൾസും കെയ്റ്റും അവസാനിപ്പിച്ചതും.
‘ബോൾട്ട്’ ഇളകി മുംബൈ ഇന്ത്യൻസ്; തുടർ തോൽവികൾക്കൊപ്പം നാണക്കേടിന്റെ പുതിയ റെക്കോർഡുകളും

അലയും ആരവവും നിലച്ച ഗാലറി, ഉയർന്നു പറക്കാനാകാതെ തല താഴ്ത്തി നിന്ന നീല പതാകകൾ, നിരാശയിൽ മുങ്ങിക്കുളിച്ച മുഖങ്ങൾ... 17–ാം സീസണിൽ ആദ്യമായി വാങ്കഡെയിലെ ഹോം ഗ്രൗണ്ടിൽ മത്സരത്തിനിറങ്ങിയ മുംബൈ ഇന്ത്യൻസിനായി നിറഞ്ഞുകവിഞ്ഞ നീലക്കടൽ ആദ്യ ഓവറിൽ തന്നെ നിശ്ചലമായി. 2023 ഏകദിന ക്രിക്കറ്റ് ലോകകപ്പിന്റെ കലാശപ്പോരാട്ടത്തിന് വേദിയായ അഹമ്മദാബാദ് നരേന്ദ്ര മോദി സ്റ്റോഡിയത്തിന്റെ തനിപ്പകർപ്പ്. രോഹിത് – ഹാർദിക് ഫാൻ ഫൈറ്റ് മുൻകൂട്ടിക്കണ്ട് മുൻകരുതലുകൾ സ്വീകരിച്ച അധികൃതർപോലും അതെല്ലാം മറന്നുപോയ അവസ്ഥ. അത്ര നിരാശയിലായിരുന്നു ഗാലറി. ടോസ് നഷ്ടപ്പെട്ട് ബാറ്റിങ്ങിന് ഇറങ്ങേണ്ടിവന്ന ആദ്യ ഓവറിൽ തന്നെ 2 വിക്കറ്റുകൾ പിഴുതെറിഞ്ഞുകൊണ്ട് ട്രെന്റ് ബോൾട്ടിന്റെ രൂപത്തിൽ പിങ്ക് കൊടുങ്കാറ്റ് വീശിത്തുടങ്ങിയപ്പോഴെ മുംബൈ ആരാധകരുടെ പ്രതീക്ഷകൾ ആടിയുലഞ്ഞു.
പഴകുംതോറും വീര്യം കൂടി ‘ധോണി’; തോൽവിയിലും ‘തല’ ഉയർത്തി ചെന്നൈ ആരാധകർ

വിജയിച്ചത് ‍ഡൽഹി ക്യാപിറ്റൽസ് ആണെങ്കിലും ആരാധകരുടെ ആവേശം ചെന്നൈക്കൊപ്പമായിരുന്നു. അതിന് ഒരേ ഒരു കാരണമേ ഉണ്ടായിരുന്നുള്ളു, സാക്ഷാൽ മഹേന്ദ്ര സിങ് ധോണി. സീസണിലെ ആദ്യ രണ്ട് മത്സരങ്ങളിലും ബാറ്റിങ്ങിന് ഇറങ്ങേണ്ടി വരാതിരുന്ന ധോണി ഇന്നലെ വിശാഖപട്ടണത്താണ് ആദ്യമായി ബാറ്റേന്തിയത്. പതിവിന് വിപരീതമായി ചെന്നൈ വിക്കറ്റുകൾ ഒന്നിനു പിന്നാലെ അടുത്തതെന്ന നിലയിൽ കൊഴിഞ്ഞുകൊണ്ടിരുന്നപ്പോൾ, എട്ടാമനായാണ് ‘തല’ ക്രീസിൽ എത്തിയത്. അപ്പോഴേക്കും ചെന്നൈ ഏറക്കുറെ കളി കൈവിട്ടിരുന്നു. 23 പന്തിൽ 72 റൺസായിരുന്നു ചെന്നെയുടെ വിജയ ലക്ഷ്യം. നേരിട്ട ആദ്യ പന്തുതന്നെ ബൗണ്ടറി പായിച്ചുകൊണ്ട് തുടങ്ങിയ ധോണിക്കായി ഗാലറി ഇളകി മറിഞ്ഞു. എന്നാൽ രണ്ടാം പന്തിൽ ധോണി നൽകിയ സുവർണാവസരം ഖലീൽ അഹമ്മദ് കൈവിട്ടപ്പോൾ അതിന് നൽകേണ്ടി വരുന്ന വില എത്ര വലുതായിരിക്കുമെന്ന് ഒരു പക്ഷേ ഡൽഹി ടീം ചിന്തിച്ചിട്ടുകൂടി ഉണ്ടാകില്ല.
ജൂഹി ചാ‌വ്‌ലയുടെ അവസ്ഥയിലായ ബട്ടർ ചിക്കൻ! ‘ചുട്ട കോഴിപ്പോര്’ അഥവാ ഒരു കറിയുടെ പേരിലെ അടി

ഇന്ന് ഇന്ത്യൻ വേരുകളുള്ള ലോകരാജ്യങ്ങളിലെല്ലാം പല ഭാവത്തിലും രൂപത്തിലും ഭക്ഷണ പ്രേമികളുടെ ഇഷ്ടവിഭവമായി ബട്ടർ ചിക്കനുണ്ട്. ബട്ടർ ചിക്കൻ പീറ്റ്സ, ബട്ടർ ചിക്കൻ ബിരിയാണി, ബട്ടർ ചിക്കൻ ക്രൂസിയാന്റെ... അങ്ങനെ കോഴിയായി ജനിച്ചതിൽ ഓരോ കഷ്ണത്തിനും അഭിമാനം തോന്നുന്ന വിധം പലതരം വിഭവങ്ങളായി ബട്ടർ ചിക്കന്റെ പട്ടിക നീണ്ടു പോകുന്നു. ഇന്റർനെറ്റിൽ ഏറ്റവും കൂടുതൽ ആളുകൾ പരതുന്നൊരു വിഭവം കൂടിയാണ് ബട്ടർചിക്കൻ. ഒരു മാസം ശരാശരി നാലു ലക്ഷത്തിലേറെ സേർച്ചാണു ബട്ടർ ചിക്കൻ എന്ന പേരിൽ ഇന്റർനെറ്റിൽ ആളുകൾ തിരയുന്നത്. കടന്നു പോയ കാലങ്ങളിൽ ഒട്ടേറെത്തവണ ബട്ടർ ചിക്കൻ എന്ന വിഭവത്തെ പാചക പരീക്ഷകർ പലരൂപത്തിൽ പുനരാവിഷ്കരിച്ചിട്ടുണ്ട്. രാജ്യാന്തര തലത്തിൽ ഒരു സുപ്രധാന ഇന്ത്യൻ വിഭവമായി മെനുവിൽ ഇടംപിടിച്ച ദാൽ മഖനിയും ബട്ടർചിക്കനും പെഷാവറിലെ ഒരു ചെറിയ റസ്റ്ററന്റിന്റെ കണ്ടുപിടിത്തമായിരുന്നു എന്നതാണ് പ്രചാരത്തിലുള്ള ചരിത്രം.
ആരും തടഞ്ഞില്ല ആ ക്വിന്റൻ ഷോട്ടുകൾ; 'രാജാക്കൻമാരെ' പിടിച്ചുകെട്ടി മായങ്കും; ലക്നൗവിന് സൂപ്പർ ജയം

ക്വിന്റൻ ഡി കോക്ക്, നിക്കോളാസ് പുരാൻ, ക്രുനാൽ പാണ്ഡ്യ, മായങ്ക് യാദവ് – ഐപിഎൽ 17–ാം സീസണിലെ ആദ്യ ജയത്തിന് ലക്നൗ സൂപ്പർ ജയന്റ്സ് നന്ദി പറയുന്നത് ഈ 4 താരങ്ങൾക്കാണ്. താൽകാലിക ക്യാപ്റ്റന്റെ തൊപ്പിയണിഞ്ഞ പുരാനൊപ്പം ഡി കോക്കും ബാറ്റുകൊണ്ട് വെടിക്കെട്ട് തീർത്തപ്പോൾ ബാറ്റുകൊണ്ടും ബോളുകൊണ്ടും ഒരുപോലെ തിളങ്ങിയാണ് ക്രുനാൽ ശ്രദ്ധനേടിയത്. ബാറ്റർമാർ സമ്മാനിച്ച ‘ജയന്റ്’ ഇന്നിങ്സിനൊടുവിൽ മായങ്ക് യാദവ് ബോളുകൊണ്ടും ലക്നൗവിന് അവരുടെ ഹോം ഗ്രൗണ്ടിൽ ‘സൂപ്പർ’ വിജയം സമ്മാനിക്കുകയായിരുന്നു.
സുരേഷ് ഗോപിയുടെ മകൾക്ക് മാത്രമല്ല ഗുരുവായൂരിൽ ആ ‘ഭാഗ്യം’: ഇവിടെനിന്ന് കൈ പിടിച്ച് അവർ മടങ്ങുമ്പോൾ കിലുങ്ങും കോടികൾ

വൈശാഖ മാസത്തിൽ കണ്ണനെ തൊഴണം, ആ തിരുനടയിൽ ഇഷ്ടസഖിയുടെ കരം കവരണം. കണ്ണന്റെ അനുഗ്രഹം വാങ്ങി മടങ്ങണം. ചിങ്ങം പിറന്നാൽ ഗുരുവായൂരിൽ വിവാഹങ്ങളുടെ തിരക്കാണ്. ചിങ്ങമാസം ദിവസം 200 വിവാഹങ്ങൾ വരെ നടക്കുന്നു. ചിങ്ങം കഴിഞ്ഞാൽ പിന്നെ തിരക്കേറുന്നത് മീനമാസത്തിലാണ്. കഴിഞ്ഞ ദിവസം 42 വിവാഹങ്ങൾ ഗുരുവായൂരിൽ നടന്നു. ഇനി ജൂൺ 20 വരെ നീളുന്ന രണ്ടാം വിവാഹ സീസണിനു തുടക്കം. ഒന്നാം വിവാഹ സീസണായ ചിങ്ങത്തിൽ കേരളത്തിലുള്ളവർ എത്തുമ്പോൾ വൈശാഖത്തിലെ രണ്ടാം വിവാഹ സീസൺ പ്രധാനമായും പ്രവാസികൾക്കുള്ളതാണ്. വിവാഹം, ചോറൂണ്, നൃത്തം അരങ്ങേറ്റം എന്നിവയാണ് ഈ വേളയിൽ ദർശനത്തിന് പുറമെ ഗുരൂവായൂരിൽ കൂടുതലായും നടക്കുന്നത്. അവധിക്കാലം, വൈശാഖം, വിഷുക്കാലം എന്നിവയാണ് ഇപ്പോഴത്തെ തിരക്കിന് പ്രധാന കാരണം. വായിക്കാം, ഗുരുവായൂരിലെ വിവാഹ വിശേഷങ്ങൾ.
എളുപ്പത്തിലൊരു ഈസ്റ്റർ പുഡ്ഡിങ്, ഉഗ്രൻ രുചിയും! റോസിനു പറയാനുണ്ട്, മധുരമുള്ള ഒരു കഥ– വിഡിയോ

ഈസ്റ്ററിന് പാലപ്പവും ഡക്ക്റോസ്റ്റും പോർക്കും ബിരിയാണിയും പോത്തും ഫിഷും മട്ടനും ചിക്കനും ഒക്കെ കൂട്ടി നോമ്പുവീടുമ്പോൾ മാറ്റി നിർത്താനാവാത്ത ഒന്നുണ്ട്. നല്ല കിടുക്കാച്ചി ഡസേർട്ട്!! െഎസ്ക്രീമോ ഫ്രൂട്ട് സാലഡോ പഴവുംപാനിയുമോ കേക്കോ രസഗുളയോ ഒക്കെ ആകാമെങ്കിലും പുഡ്ഡിങ്ങിന്റെ അത്ര പെർഫെക്ടാകുന്ന കോംബോ വേറെയുണ്ടാവില്ല. നല്ല ഡാൻസറെ പോലെ പ്ലേറ്റിൽ തുള്ളിക്കളിച്ചു നിൽക്കുന്ന പുഡ്ഡിങ് വായിലേക്ക് ഇട്ടാലോ, നനുനനുപ്പു കൊണ്ട് അലിഞ്ഞില്ലാതാകുന്നത് അറിയുകയേയില്ല!! രുചിമധുരം മേഘത്തുണ്ടുപോലങ്ങിറങ്ങിപ്പോകും. കഴിഞ്ഞ 17 വർഷമായി ദിവസവും പുഡ്ഡിങ് ഉണ്ടാക്കുന്ന ഒരാളാണ് ഇൗ ഇൗസ്റ്ററിന് മനോരമ ഒാൺലൈൻ പ്രീമിയത്തിനായി പുഡ്ഡിങ്ങ് തയാറാക്കുന്നത്. ആ രുചിയിലേക്കിറങ്ങും മുൻപ് ഒരൽപം പുഡ്ഡിങ് ചരിത്രത്തിന്റെ മധുരം നുണഞ്ഞാലോ! പുഡ്ഡിങ്ങിനൊപ്പം ഇന്നു നാം ചേർത്തു വയ്ക്കുന്ന വിശേഷണം ‘നല്ല മധുരം’ എന്നാണല്ലോ. എന്നാൽ പണ്ടുകാലത്തെ പുഡ്ഡിങ്ങിനു മധുരമുണ്ടായിരുന്നില്ലെന്ന് ചരിത്രകാരന്മാർ പറയുന്നു. ചരിത്ര രേഖകളിൽനിന്ന് അതിനുള്ള തെളിവും അവർക്കു ലഭിച്ചിട്ടുണ്ടത്രേ. പുഡ്ഡിങ്ങിന്റെ ചരിത്രം അന്വേഷിച്ചു പോയാൽ അത്ര മധുരമുള്ള ഒരു വിഭവമായിരിക്കില്ല ലഭിക്കുക. ഫ്രഞ്ച് വാക്കായ boudinൽനിന്നാണത്രേ പുഡ്ഡിങ് എന്ന വാക്കുണ്ടായത്. അതിന്റെയും വേരുകൾ അന്വേഷിച്ചു പോയാൽ ലാറ്റിൻ വാക്കായ botellusൽ എത്തിച്ചേരു. ‘ചെറിയ സോസേജ്’ എന്നാണ് ആ വാക്കിന്റെ അർഥം. മാംസത്താൽ ഒരുക്കുന്ന സോസേജും മൃദുലവും മധുരതരവുമായ പുഡ്ഡിങ്ങും തമ്മിലെന്താണു ബന്ധം? അതൽപം ഉപ്പും മുളകും മസാലയുമൊക്കെയിട്ട ബന്ധമാണ്.
ഒടുവിൽ ‘ഹോമും’ കൈവിട്ടു: കോലിയുടെ ആ സ്വപ്നത്തിലേക്ക് ഇനിയും ദൂരം: ‘ഒരു ഓവർ കൂടി ബാക്കിയുണ്ടായിരുന്നെങ്കിൽ...’

ഏഴു വിക്കറ്റ് പരാജയത്തോടെ ഈ സീസണിൽ ആദ്യമായി ‘ഹോം ഗ്രൗണ്ടിൽ’ കളി കൈവിടുന്ന ടീമായെങ്കിലും ആർസിബി ആരാധകർ തീർത്തും നിരാശരായല്ല ചിന്നസ്വാമി സ്റ്റേഡിയത്തിന് പുറത്തുകടന്നത്. ആർസിബിക്കായി കിങ് കോലി നടത്തിയ ബാറ്റിങ് വെടിക്കെട്ട് തന്നെയാണ് തോൽവിക്കിടയിലും അവർക്ക് ആശ്വാസമായത്. ടോസ് നഷ്ടമായി ആദ്യം ബാറ്റിങ്ങിനിറങ്ങിയ റോയൽ ചാലഞ്ചേഴ്സ് ബെംഗളൂരു ടീം 6 വിക്കറ്റ് നഷ്ടത്തിൽ 182 റൺസ് നേടി. മറുപടി ബാറ്റിങ്ങിനിറങ്ങിയ കൊൽക്കത്ത നൈറ്റ് റൈഡേഴ്സ് താരങ്ങൾ 19 പന്തുകൾ ബാക്കി നിൽക്കെ മൂന്ന് വിക്കറ്റ് നഷ്ടത്തിൽ വിജയ ലക്ഷ്യം മറികടന്നു. ബാറ്റ് കയ്യിലെടുത്ത എല്ലാവരും അനായാസേന റൺസ് കണ്ടെത്തിയപ്പോൾ തുടർച്ചയായ രണ്ടാം വിജയവും പോയിന്റ് പട്ടികയിലെ രണ്ടാം സ്ഥാനവും കെകെആറിന് സ്വന്തം. രാജസ്ഥാൻ റോയൽസിനും 2 കളികളിൽ നിന്ന് 4 പോയിന്റ് ഉണ്ടെങ്കിലും നെറ്റ് റൺറേറ്റിലെ മികവിന്റെ പിന്തുണയിലാണ് പോയിന്റ് പട്ടികയിലെ രണ്ടാം സ്ഥാനത്ത് കെകെആറിന്റെ പേര് എഴുതിച്ചേർത്തത്. കരിയറിലെ 500-ാം ഐപിഎൽ മത്സരത്തിൽ 47 റൺസും ഒരു വിക്കറ്റും സ്വന്തമാക്കിയ സുനിൽ നരെയിൻ ആണ് പ്ലെയർ ഓഫ് ദ് മാച്ച്. കെകെആറിനായി അർധ സെഞ്ചറി നേടിയ വെങ്കിടേശ് അയ്യർ ഐപിഎല്ലിൽ വ്യക്തിഗത സ്കോർ 1000 പിന്നിട്ടു (1013 റൺസ്).
നവ്യ നായര്‍ സാരി ‘വിറ്റത്’ ജീവിക്കാൻ വേണ്ടിയല്ല, ആ പണം എന്തു ചെയ്തു? വലിയ സന്ദേശമാണ് ‘ത്രിഫ്റ്റിങ്’

‘‘ധരിച്ച വസ്ത്രങ്ങൾ മറ്റൊരാൾക്ക് വിറ്റ് കാശാക്കുന്നതിൽ നാണമില്ലേ? പാവങ്ങൾക്ക് ദാനമായി നൽകിക്കൂടേ...’’– നടി നവ്യ നായർ താൻ ഒറ്റതവണ ഉപയോഗിച്ച സാരികളുടെ വിൽപന ഇൻസ്റ്റഗ്രാം വഴി തുടങ്ങിയതിനു പിന്നാലെ വന്ന കമന്റുകളിൽ ഒന്നാണിത്. നെഗറ്റിവ് കമന്റ്സ് അതിന്റെ ഒരു ഭാഗം മാത്രം. എന്നാൽ ഏറിയ പങ്കും നവ്യയെ അനുകൂലിക്കുന്നവരായിരുന്നു. കാരണം, അവർക്കറിയാം ഇത് ആർക്കും മാതൃകയാക്കാവുന്ന ഒരു നല്ല ‘ട്രെൻഡാ’ണെന്ന്. ‘ത്രിഫ്റ്റ് കൾചർ’ എന്നറിയപ്പെടുന്ന ഈ ഫാഷൻ ട്രെൻഡ് മലയാളികള്‍ക്ക് അപരിചിതമായിരിക്കാം. എന്നാല്‍ ഹോളിവുഡിലും ബോളിവുഡിലുമെല്ലാം ഇത് സർവസാധാരണമായിട്ട് വർഷങ്ങളായി. മലയാളി നടിമാരിൽ ആദ്യമായാണ് ഒരാൾ ഈ ത്രിഫ്റ്റ് കൾചർ ട്രെൻഡിലേക്കു കടക്കുന്നത്. എന്നാൽ നവ്യയ്ക്കും മുൻപേ കേരളത്തിൽ പലയിടത്തും ഈ ട്രെൻഡിനു വേണ്ടി നിലകൊണ്ടവരുണ്ടായിട്ടുണ്ട്. എന്താണ് ഈ ത്രിഫ്റ്റ് കൾചർ അഥവാ മിത വിനിയോഗ സംസ്കാരം? ഫാഷൻ വ്യവസായത്തെ കീഴടക്കി മുന്നേറാനിരിക്കുന്ന ഈ പുതിയ പ്രവണതയോട് അഭിനേതാക്കൾക്ക് എന്തുകൊണ്ടാണ് പ്രത്യേക താൽപര്യം? സാധാരണക്കാര്‍ക്കും ഇതിന്റെ ഭാഗമാകാൻ സാധിക്കുമോ? ഇതെങ്ങനെ ഒരു വരുമാന മാർഗമാക്കാം? എല്ലാം വിശദമായറിയാം.
ആ വിശുദ്ധൻ പാറയിൽ വരച്ച പൊൻകുരിശ്, ഒരിക്കലും വറ്റാത്ത അദ്ഭുത കിണർ; വിസ്മയങ്ങൾ അണയാതെ മലയാറ്റൂര്‍

‘മലയാറ്റൂർ മുത്തപ്പാ... പൊൻമലകയറ്റം’ എന്ന് വിശ്വാസികൾ മനംനൊന്ത് വിളിക്കുമ്പോൾ അങ്ങകലെ ഗോണ്ടഫാർ ചക്രവർത്തിയുടെ ആത്മാവ് സന്തോഷിക്കുന്നുണ്ടാകും. അതൊരു പുണ്യനിയോഗമായിരുന്നു. ഇന്തോ- പാർഥിയൻ സാമ്രാജ്യത്തിലെ പ്രഗത്ഭനായ ഗോണ്ടഫാർ ഒന്നാമൻ രാജാവിന്റെ ചരിത്ര നിയോഗം മാർത്തോമ ശ്ലീഹായെ ഇന്ത്യയിൽ എത്തിക്കുക എന്നത് ആയിരിക്കണം. അല്ലെങ്കിൽ ഗോണ്ടഫാറിന്റെ കൊട്ടാരം നിർമിതിക്ക് നല്ലൊരു ശിൽപിയെ തേടിവന്ന കപ്പലിൽ തോമാ ശ്ലീഹ എങ്ങനെ കയറാനാണ്. അങ്ങനെ നോക്കിയാൽ ഹാബാൻ എന്ന യഹൂദ വാണിക്കിന്റെ കപ്പലും അതിൽ തോമശ്ലീഹായുടെ യാത്രയും വിശ്വാസ സമൂഹത്തിന് നൽകിയത് മലയാറ്റൂർ തീർഥാടന കേന്ദ്രമാണ്. ക്രൈസ്തവർ ഏറെ വിശ്വാസത്തോടെ ആചരിക്കുന്ന വലിയ നോമ്പ് ആഴ്ചകളിലാണ് മലയാറ്റൂരിലേക്ക് പ്രധാനമായും തീർഥാടകർ എത്തിത്തുടങ്ങുന്നത്. ലോകത്തിന്റെ നാനാ ഭാഗങ്ങളിൽനിന്ന് എത്തുന്ന വിശ്വാസികൾ നാവിൽ ‘മലയാറ്റൂർ മുത്തപ്പാ പൊൻമല കയറ്റം’ എന്ന ശരണമന്ത്രവുമായി എത്തുമ്പോൾ മലയാറ്റൂർ ശബ്ദമുഖരിതമാകും. ഈസ്റ്റർ കഴിഞ്ഞുവരുന്ന പുതുഞായർ ആണ് മലയാറ്റൂർ മലകയറ്റത്തിന് തീർഥാടകർ പ്രധാനമായും തിരഞ്ഞെടുക്കുന്നത്. പെരിയാറിന്റെ തീരത്തെ മലയാറ്റൂർ മലയിലേക്ക് തോമാ ശ്ലീഹാ എത്തിയത് എങ്ങനെയാണ്? മലനിരകൾ താണ്ടി ക്രൈസ്തവ സമൂഹം മുത്തപ്പനെ കാണാൻ എത്തുന്നത് എന്തു കൊണ്ടാണ് ? അദ്ഭുത പ്രവൃത്തികളുടെ ആലയമായി മലയാറ്റൂർ കുരിശുമുടി മാറിയതെങ്ങനെയാണ്? വിശദമായറിയാം.
പതിയെത്തുടങ്ങി, പാഞ്ഞുകയറി പരാഗ്; ‘പന്തിന്റെ’ കാറ്റഴിച്ചുവിട്ട് രാജസ്ഥാൻ

9 - 0 ഐപിഎൽ 17–ാം സീസണിന്റെ സ്കോർ ബോർഡ് ഇപ്പോൾ ഇങ്ങനെയാണ്. ഹോം മത്സരങ്ങൾ കളിച്ച 9 ടീമുകൾക്കും വിജയം. എവേ മാച്ചുകൾക്കെത്തിയ 9 ടീമുകൾക്കും നിരാശയോടെ മടക്കം. ഇതിന്റെ അവസാന ഇര ഡൽഹി ക്യാപിറ്റൽസും. തുടര്‍ച്ചയായ രണ്ടാം പരാജയം. ആതിഥേയരായ രാജസ്ഥാന് തുടർച്ചയായ രണ്ടാം വിജയവും പോയിന്റ് പട്ടികയിൽ 2–ാം സ്ഥാനവും. ഡൽഹി ക്യാപിറ്റൽസ് - രാജസ്ഥാൻ റോയൽസ് മത്സരത്തിൽ ഏറ്റവും മനോഹരമായ കാഴ്ച രണ്ട് ഇന്നിങ്സുകളുടെയും അവസാന ഓവറുകളായിരുന്നു. രണ്ടിലും തിളങ്ങിയത് രാജസ്ഥാൻ താരങ്ങളും. ബാറ്റുകൊണ്ട് റിയാൻ പരാഗും പന്തുകൊണ്ട് ആവേശ് ഖാനും.
ആഴ്ചതോറും ആ കരുതലിൻ ദിനം: ഇവിടെയില്ല മതവും രാഷ്ട്രീയവും; ഇതാ, പാണക്കാട്ടെ ‘ജനതാ ദർബാർ’– വിഡിയോ

പാണക്കാട്. മലപ്പുറം നഗരത്തോടു ചേർന്നു കടലുണ്ടിപ്പുഴയോരത്തെ കൊച്ചു ഗ്രാമം. പതിറ്റാണ്ടുകളായി കേരളത്തിലെ മുസ്‌ലിം സമുദായത്തിന്റെ ആത്മീയ, രാഷ്ട്രീയ നേതൃത്വത്തിന്റെ മേൽവിലാസവും പാണക്കാടാണ്. അര നൂറ്റാണ്ടിലേറെയായി ഇന്ത്യൻ യൂണിയൻ മുസ്‌ലിം ലീഗിന്റെ സംസ്ഥാന പ്രസിഡന്റ് പദവി അലങ്കരിക്കുന്നത് പാണക്കാട് തങ്ങൾ കുടുംബത്തിലെ അംഗങ്ങളാണ്. രാഷ്ട്രീയത്തിന്റെ അതിർ വരമ്പുകൾ കടന്ന് ആത്മീയ നേതാക്കളെന്ന നിലയിൽ എല്ലാവരുടെയും ആദരം പിടിച്ചു പറ്റുന്നുവെന്നതാണ് പാണക്കാട് തങ്ങൾ കുടുംബത്തിന്റെ പ്രധാന പ്രത്യേകത. ജനഹൃദയങ്ങളിൽ അവർക്കുള്ള സ്ഥാനത്തിന്റെ അടയാളം എല്ലാ ചൊവ്വാഴ്ചയും പാണക്കാട് തങ്ങൾ കുടുംബാംഗങ്ങളുടെ വീടുകളിൽ നേരിട്ട് കാണാം. പാണക്കാട് തങ്ങന്മാരെ നേരിട്ടു കണ്ട് സങ്കടം പറയാനും വിശേഷങ്ങൾക്ക് ക്ഷണിക്കാനും കുടുംബത്തിലെ സന്തോഷം പങ്കിടാനും നൂറു കണക്കിനാളുകളാണ് പാണക്കാട്ടെ ‘ജനതാ ദർബാറി’ലെത്തുന്നത്. മൂന്നു നൂറ്റാണ്ടു മുൻപ് അറേബ്യയിലെ യെമനിൽ നിന്നാണു സയ്യിദ് (തങ്ങൾ) വംശം ആദ്യമായി കേരളത്തിൽ എത്തിയത്. ഹിജ്റ വർഷം 1181ൽ വളപട്ടണത്താണ് അലി ശിഹാബുദ്ദീൻ തങ്ങൾ എത്തിയത്. അദ്ദേഹത്തിനു മകൻ ഹുസൈനിലൂടെയാണു ഗോത്രം വളർന്നത്.
‌‘ഗെയിലാട്ടം’ ഇനി ഓർമ; ഹൈദരാബാദിൽ പിറന്നത് ഞെട്ടിക്കുന്ന റെക്കോർഡുകൾ: ട്വന്റി20 ചരിത്രത്തിലെ സ്റ്റാറായി ‘523’

ഹൈദരാബാദിന് ഇന്നലെ ഹൈ വോൾട്ടേജ് ആയിരുന്നു. ബാറ്റിന്റെ പരിസരത്തേക്ക് ചെല്ലുന്ന എല്ലാ പന്തുകളെയും ബൗണ്ടറി ലൈനിന് പുറത്തേക്ക് അടിച്ചു തെറിപ്പിക്കുന്ന അത്ര പവർ. ആ പവർ ഹിറ്റിങ്ങിന് ഒടുവിൽ പിറന്നത് ഒട്ടേറെ പുതിയ റെക്കോർഡുകൾ. ഇതിൽ ആദ്യത്തേത് ഐപിഎൽ ചരിത്രത്തിലെ ഏറ്റവും ഉയർന്ന സ്കോറിന് പുതിയ അവകാശികൾ വന്നിരിക്കുന്നു എന്നതാണ്. ടോസ് നഷ്ടപ്പെട്ടിടും ബാറ്റിങ്ങിന് ഇറങ്ങേണ്ടവന്ന ഹൈദരബാദ് ബാറ്റർമാർ കൂട്ടത്തോടെ ഫോമിലായതോടെ 2013ൽ ക്രിസ് ഗെയിലിന്റെ തേരോട്ടത്തിനൊടുവിൽ റോയൽ ചാലഞ്ചേഴ്സ് ബാംഗ്ലൂർ അടിച്ചുകൂട്ടിയ 263/5 എന്ന 11 വർഷം പഴക്കമുള്ള റെക്കോർഡ് രണ്ടാം സ്ഥാനത്തേക്ക് പിന്തള്ളപ്പെട്ടു.
ഹാർദികിന്റെ ക്യാപ്ടൻസിയും രോഹിത്തിന്റെ ധർമ സങ്കടവും- കാണാം ‘ഡഗൗട്ട്’ വിഡിയോ

എം.എസ്.ധോണിയുടെ അവസാന സീസൺ മുതൽ ശുഭ്മൻ ഗില്ലിന്റെ ക്യാപ്റ്റൻസി അരങ്ങേറ്റം വരെ നീളുന്ന ഒട്ടേറെ പ്രത്യേകതകളുമായാണ് ഐപിഎൽ 17–ാം സീസൺ ആരംഭിച്ചത്. അപ്രതീക്ഷിത അട്ടിമറികൾക്കും ചില സാംപിൾ വെടിക്കെട്ടുകൾക്കും ഒപ്പം ചില അസ്വാരസ്യങ്ങൾക്കും ഐപിഎലിന്റെ ആദ്യ ആഴ്ച സാക്ഷിയായി. മുംബൈ ഇന്ത്യൻസിലെ ക്യാപ്റ്റൻസി തർക്കവും ഹാർദിക് പാണ്ഡ്യയുമായിരുന്നു അതിൽ പ്രധാനം. മുൻ ക്യാപ്റ്റൻ രോഹിത് ശർമയോടുള്ള ഹാർദിക്കിന്റെ പെരുമാറ്റം സോഷ്യൽ മീഡിയയിലും ആരാധകർക്കിടയിലും വൻ വിമർശനങ്ങൾ നേരിട്ടു. മുംബൈ ആദ്യ മത്സരം തോൽക്കുക കൂടി ചെയ്തതോടെ ഹാർദിക്കിനോടുള്ള മുംബൈ ആരാധകരുടെ അരിശം ഇരട്ടിയായി.
പറന്ന് പിടിച്ച് ധോണി, അടിച്ചൊതുക്കി ദുബെ, മുന്നിൽ നയിച്ച് ഗെയ്ക്‌വാദ്... വിജയിക്കാതെ ചെന്നൈയ്ക്ക് തരമില്ലായിരുന്നു

സ്വന്തം മണ്ണിൽ വീണ്ടും മിന്നി ചെന്നൈ. ഹോം ഗ്രൗണ്ടിലെ തുടർച്ചയായ രണ്ടാം വിജയത്തോടെ പോയിന്റ് പട്ടികയിൽ ഒന്നാം സ്ഥാനത്തേത്ത് എത്തുകയും ചെയ്തു. തുടക്കം മുതൽ ഒടുക്കം വരെ പൊരുതിയ ചെന്നൈയും തുടക്കം മുതൽ ഒടുക്കം വരെ ഉഴപ്പിയ ഗുജറാത്തും. ഐപിഎൽ 17–ാം സീസണിലെ 7–ാം മത്സരത്തെ ഇതിലുമേറെ വിശദീകരിക്കാനാകില്ല. ഗില്ലിന്റെ യുവത്വത്തിനും നെഹ്‌റയുടെ തന്ത്രജ്‍ഞതയ്ക്കും കരിദിനം സമ്മാനിച്ചുകൊണ്ടാണ് ചെന്നൈയിലെ മഞ്ഞക്കടൽ ആർത്തിരമ്പിയത്. പവർ പ്ലേ ഓവറുകളിൽ പോലും ടൈറ്റൻസിന് പവർ കട്ടായിരുന്നു. ചെന്നൈയ്ക്ക് ഹൈ വോർട്ടേജും...
ചുറ്റിലും 'കളർ'ക്കാഴ്ചകളുടെ ഉത്സവം, രാജ്യതലസ്ഥാനത്ത് നിറങ്ങളുടെ നീരാട്ട്; കാണാം ഹോളിക്കാഴ്ചകൾ

ഹോളി, പുഞ്ചിരിക്കുന്ന മുഖങ്ങളിൽ നിറങ്ങൾ നിറയുന്ന ദിനം. ഉത്തരേന്ത്യയുടെ ആഘോഷങ്ങളിൽ ഹോളിക്ക് പ്രധാന സ്ഥാനമാണുള്ളത്. മധുരത്തിനൊപ്പം നിറങ്ങളും ചേരുന്നു എന്നതാണ് ഈ ആഘോഷത്തിന്റെ പ്രത്യേകത. രണ്ടു ദിവസമാണ് ഹോളി ആഘോഷത്തിനായി മാറ്റിവയ്ക്കുന്നത്. പൗർണമി ദിനത്തിൽ ആരംഭിക്കുന്ന ആഘോഷം പിറ്റേ ദിവസം നിറങ്ങളുടെ നീരാട്ടിൽ അവസാനിക്കുന്നു. മുഖത്തും മുടിയിലും വസ്ത്രത്തിലും ആളുകൾ പരസ്പരം നിറങ്ങൾ വാരിവിതറും. വർണപ്പൊടികൾ വിതറിയും കുഴലിൽനിന്നു നിറം കലർന്ന വെള്ളം ചീറ്റിയുമൊക്കെയാണ് ആഘോഷം.
ബാറ്റിങ് വെടിക്കെട്ട്, ബെംഗളൂരുവിൽ കോലിയുടെ ഹോളി ‘ഷോ’; ആളിക്കത്തി ദിനേശ് കാർത്തിക്

‘വിരാട് കോലിയുടെ ക്യാച്ച് വിട്ടുകളഞ്ഞതിന്റെ വില ഞങ്ങൾക്ക് ശരിക്കും നൽകേണ്ടിവന്നു’ – ചിന്നസ്വാമി സ്റ്റേഡിയത്തിൽ നടന്ന റോയൽ ചാലഞ്ചേഴ്സ് – പഞ്ചാബ് കിങ്സ് മത്സരത്തിന് പിന്നാലെ പഞ്ചാബ് നായകൻ ശിഖർ ധവാൻ പറഞ്ഞ ഈ ഒറ്റ വാചകത്തിലുണ്ട് മത്സരത്തിന്റെ ആകെ ചിത്രം. തിളങ്ങിയും മങ്ങിയും വീണ്ടും തിളങ്ങിയും നീണ്ട ഇന്നിങ്സിന്റെ ഒടുവിൽ പഞ്ചാബ് കിങ്സ് വച്ചുനീട്ടിയ 177 റൺസ് വിജയലക്ഷ്യവുമായി കളത്തിലിറങ്ങിയ റോയൽ ചാലഞ്ചേഴ്സ് ബെംഗളൂരുവിന്റെ തുടക്കം അത്ര സുഖകരമായിരുന്നില്ല. സാം കറണിനെ ആദ്യ ഓവറിൽ നേരിടാൻ എത്തിയത് സാക്ഷാൽ കിങ് കോലി. ആദ്യ പന്ത് ഇരുടീമുകൾക്കും കര്യമായ നേട്ടങ്ങളോ കോട്ടങ്ങളോ ഉണ്ടാക്കാതെ കടന്നുപോയി. എന്നാൽ, രണ്ടാം പന്ത്, അതാണ് പിന്നീടുള്ള കളിയുടെ മുഴുവൻ ചിത്രം മാറ്റിമറിച്ചത്. കോലിയുടെ ബാറ്റിനെ തലോടി സ്ലിപ്പിൽ ജോണി ബെയർസ്റ്റോയുടെ നേർക്കെത്തിയെങ്കിലും പന്ത് കൈപ്പിടിയിൽ ഒതുക്കും മുൻപ് അത് ബൗണ്ടറി ലൈനിലേക്ക് പാഞ്ഞു പോയിരുന്നു. നിസാരമായി കൈപ്പിടിയിൽ ഒതുക്കാമായിരുന്ന ആ ക്യാച്ച് നഷ്ടപ്പെടുത്തുമ്പോൾ അതിന് നൽകേണ്ടിവരുന്ന വില എത്രത്തോളം വലുതായിരിക്കുമെന്ന് ബെയർസ്റ്റോ ചിന്തിച്ചിട്ടുണ്ടാകില്ല. കാരണം, ഭാഗ്യംകൊണ്ട് മാത്രം ജീവൻ തിരികെ കിട്ടിയ ആ ഇന്നിങ്സിൽ കോലി പിന്നീടങ്ങോട്ട് ബൗണ്ടറികൾക്കൊണ്ട് ചെറുപൂരം തന്നെയാണ് നടത്തിയത്. 11 ഫോറും 2 സിക്സുമാണ് 49 പന്തുകൾ നീണ്ട ഇന്നിങ്സിനിടെ കോലി അടിച്ചുകൂട്ടിയത്.
മാർച്ച് 31 വരെ കാത്തിരിക്കേണ്ട; എങ്ങനെ നികുതി ഇളവ് നേടാം? മറക്കരുത് ഈ 10 കാര്യങ്ങൾ

ലോക്സഭാ തിരഞ്ഞെടുപ്പിന്റെ തിരക്കിലേക്കിറങ്ങിക്കഴിഞ്ഞു നാടും നഗരവും. അതിനിടെ ഇൻകം ടാക്സ് റിട്ടേണുമായി ബന്ധപ്പെട്ട നിർണായക ഒരു ദിവസം വരുന്നുണ്ട്: മാർച്ച് 31. ഇന്‍കം ടാക്സ് ഇളവ് കിട്ടുന്ന നിക്ഷേപങ്ങള്‍ നടത്താനും ചെലവുകള്‍ നിര്‍വഹിക്കാനും ദിവസങ്ങള്‍ മാത്രമാണ് അവശേഷിക്കുന്നത്. തിരഞ്ഞെടുപ്പും ടാക്സ് റിട്ടേണും തമ്മിൽ എന്താണു ബന്ധം? തിരഞ്ഞെടുപ്പു കാലത്ത് പല രാഷ്ട്രീയ പാർട്ടികൾക്കും നാം സംഭാവന നൽകേണ്ടി വരും. അങ്ങനെ നൽകുന്നവരാണെങ്കിൽ മാർച്ച് 31നു മുൻപ് നൽകുക. അതിന്റെ രസീത് തീർച്ചയായും വാങ്ങുകയും വേണം. എന്തിനാണിത്? ഒരു രൂപ നികുതിയാണ് കുറയ്ക്കാന്‍ അവസരമെങ്കിലും അതുപോലും വിട്ടു കളയരുത്. അതിന് മേൽപ്പറഞ്ഞ രസീതും സഹായകമാകും. എല്ലാ ഇളവുകളും പ്രയോജനപ്പെടുത്തിയ ശേഷവും നികുതി ബാധ്യതയുള്ളവര്‍ക്കു മുന്നില്‍ പോലും ചില വഴികള്‍ കൂടി അവശേഷിക്കുന്നുണ്ട്. അത് എന്തെല്ലാമാണ്? ഇന്‍കം ടാക്സ് ഇളവ് കിട്ടുന്ന നിക്ഷേപങ്ങളും ചെലവുകളും സംബന്ധിച്ച ചില നിർണായക കാര്യങ്ങളാണ് ഇനി പറയുന്നത്. അവസാന നിമിഷത്തിലാണെങ്കിലും, ഇനി പറയുന്ന 10 കാര്യങ്ങള്‍ ശ്രദ്ധിച്ചാൽ കാര്യങ്ങളെല്ലാം കൂടുതൽ എളുപ്പമാകും.
അഞ്ചാം തവണയും രാജപ്രൗഢിയിൽ സഞ്ജു; കടംവീട്ടി കരുത്തുകാട്ടി ബുമ്ര; പഴയ ‘ഹോമിൽ’ പതറി പാണ്ഡ്യ

ഐപിഎൽ 17–ാം സീസണിലെ അഞ്ചാം മത്സരത്തിലും ‘വീട്’ വിടാതെ വിജയം! ഇതുവരെ നടന്ന എല്ലാ മത്സരങ്ങളിലും വിജയം ഹോം ഗ്രൗണ്ടിൽ ഇറങ്ങുന്ന ടീമുകൾക്കും ഗാലറിയിൽ തിങ്ങിനിറയുന്ന ആരാധകർക്കുമൊപ്പം. ഉദ്ഘാടന മത്സരത്തിൽ ചെന്നൈ തുടങ്ങിവച്ച ശീലം പഞ്ചാബും കൊൽക്കത്തയും രാജസ്ഥാനും ഒടുവിൽ ഗുജറാത്തും തുടരുകയാണ്. സീസണിന്റെ മൂന്നാം ദിവസം ജയ്പുരിൽ ലക്നൗ സൂപ്പർ ജയന്റ്സിനെതിരെ രാജസ്ഥാൻ രാജകീയ വിജയം സ്വന്തമാക്കിയപ്പോൾ, അഹമ്മദാബാദിൽ ഗില്ലിന്റെ ഗുജറാത്ത് ടൈറ്റൻസ് മുട്ടുകുത്തിച്ചത് ഹാർദിക്കിന്റ മുംബൈ ഇന്ത്യൻസിനെ. രാജസ്ഥാനിലെ പോരാട്ടം വിക്കറ്റ് കീപ്പർ നായകൻമാരായ സഞ്ജു സാംസണിന്റെയും കെ.എൽ. രാഹുലിന്റെയും ടീമുകൾ തമ്മിലായിരുന്നെങ്കിൽ, അഹമ്മദാബാദിൽ മുഖാമുഖം നിന്നത് പുതുമുഖ നായകൻമാരായ ശുഭ്മൻ ഗില്ലിന്റെയും ഹാർദിക് പാണ്ഡ്യയുടേയും ടീമുകളായിരുന്നു. ടൂർണമെന്റിലെ ഏറ്റവും പ്രായം കുറഞ്ഞ നായകനായി ഗുജറാത്ത് ടൈറ്റൻസിനുവേണ്ടി ശുഭ്മൻ ഗിൽ അരങ്ങേറ്റം കുറിച്ചപ്പോൾ, മുംബൈ ഇന്ത്യൻസിന്റെ നായകനായി ഹാർദിക് പാണ്ഡ്യയുടെയും കന്നി മത്സരമായിരുന്നു ഇത്. നായകനായി അരങ്ങേറ്റംകുറിച്ച മത്സരത്തിൽ തന്നെ വിജയിച്ചതിന്റെ ത്രില്ലിലാണ് ശുഭ്മൻ ഗില്ലെങ്കിൽ, നായക സ്ഥാനം ഉപേക്ഷിച്ചുവന്ന ടീമിനോട് പരാജയപ്പെടേണ്ടി വന്നതിന്റെ നിരാശയിലാണ് ഹാർദിക് പാണ്ഡ്യ.
വനംവകുപ്പിന്റെ ആ ‘വര’; മുഖ്യമന്ത്രിയുടെ ഓഫിസും കേട്ടില്ല; കല്യാണി ചോദിക്കുന്നു, എന്തിനായിരുന്നു ആ ചതി?

‘‘സർ, സുപ്രീം കോടതി പറഞ്ഞിട്ടും എന്തുകൊണ്ടാണു നിങ്ങൾ ആ വര മായ്ക്കാത്തത്? ഇനി ആരാണു നിങ്ങളോടു പറയേണ്ടത്, ആ വര മായ്ക്കാൻ? ഒരു കർഷക കുടുംബത്തിന്റെ കൃഷിഭൂമി മുഴുവൻ കവർന്നെടുത്തിട്ട്, നിങ്ങൾക്ക് എന്തു സന്തോഷമാണു ലഭിച്ചത്?’’ ചോദ്യങ്ങൾ വനംവകുപ്പ് ഉദ്യോഗസ്ഥരോടാണ്. 40 വർഷം മുൻപ് വനംവകുപ്പിലെ ഉദ്യോഗസ്ഥൻ വരച്ച ഒറ്റ വരയാണ്, സ്വന്തം കൃഷിഭൂമി ഇവർക്ക് അന്യമാക്കിയത്. വനം ട്രൈബ്യൂണലും ഹൈക്കോടതിയും സുപ്രീം കോടതിയും വരെ ഉത്തരവിട്ടിട്ടും ഉളിക്കൽ നുച്യാട് വില്ലേജിലെ പരേതനായ പുതിയവീട്ടിൽ നാരായണന്റെ കുടുംബത്തിന് 5.74 ഏക്കർ കൃഷി ഭൂമി തിരിച്ചു നൽകാൻ ഇതുവരെ വനംവകുപ്പ് തയാറായിട്ടില്ല. നാരായണന്റെ ഭാര്യ കല്യാണിക്ക് 85 വയസായി. ഭൂമി എപ്പോൾ തിരിച്ചു കിട്ടുമെന്നു മാത്രമാണു കേൾവിക്കുറവുള്ള കല്യാണിയുടെ ഏക ചോദ്യം. സമാനമായ രീതിയിൽ വനംവകുപ്പിന്റെ ക്രൂരതയ്ക്ക് ഇരയായ കർഷകർ കേരളത്തിൽ വേറെയുമുണ്ടാകാം. പുതിയ വീട്ടിൽ നാരായണന്റെ കഥ അവരുടേതു കൂടിയാണ്.
‘ഇന്നലെ രാത്രി അവർ അവനെ ഇവിടെ വച്ച് വെടിവച്ചിട്ടുണ്ടാകണം’: റൊമേഷ് പറയുന്നു, ആ രാത്രികൾ എന്നെ എഴുത്തുകാരനാക്കി...

കുടിയേറ്റ അനുഭവങ്ങളുടെ പൊള്ളിക്കുന്ന മുഖങ്ങളെക്കുറിച്ചെഴുതിയ ശ്രീലങ്കൻ – ബ്രിട്ടിഷ് എഴുത്തുകാരനെ എത്ര പേർക്കറിയാമെന്ന് ഉറപ്പില്ല. എന്നാൽ 2024 ലെ ബുക്കർ പ്രൈസിന്റെ അഞ്ച് വിധികർത്താക്കളിൽ ഒരാളായതോടെ റൊമേഷ് ഗുണശേഖരയെക്കുറിച്ച് പലരും തിരഞ്ഞു തുടങ്ങിരിക്കുന്നു. ഏഷ്യൻ സാന്നിധ്യമില്ലാത്ത ബുക്കർ സാധ്യതാ പട്ടിക പുറത്തു വന്നതോടെ ആകെയുള്ള സാന്നിധ്യമായ ശ്രീലങ്കൻ വംശജനെ തേടുകയാണ് ഏവരും. സാഹിത്യകൃതികൾ ഫ്രഞ്ച് ഭാഷയിലേക്ക് വിവർത്തനം ചെയ്യപ്പെട്ട ശ്രീലങ്കൻ വംശജരായ അപൂർവം എഴുത്തുകാരിൽ ഒരാളാണ് ഗുണശേഖരയെന്ന് പറയുമ്പോൾ മനസ്സിലാകും അദ്ദേഹത്തിന്റെ പ്രാധാന്യം. ബുക്കർ പ്രൈസ് ജേതാവ് മൈക്കൽ ഒണ്ടാറ്റ്ജെ, ശ്യാം സെൽവർദുരേയ് എന്നിവരുടെ ഒപ്പം നിൽക്കുന്ന ഗുണശേഖര, എഴുതുന്നത് ഇംഗ്ലിഷിലാണെങ്കിലും കൃതികളിൽ ശ്രീലങ്കൻ സംസ്കാരം, സിംഹള ഭാഷ, ദ്വീപ് രാഷ്ട്രത്തിന്റെ പ്രബല മതമായ ബുദ്ധമതം എന്നിവയുടെ സ്വാധീനം വളരെ വലുതാണ്. ആരാണ് റൊമേഷ് ഗുണശേഖര? എന്താണ് അദ്ദേഹത്തിന്റെ എഴുത്തിലെ രാഷ്ട്രീയം?
പതറാതെ പന്ത്; പൊരുതി ജയിച്ച് ഗബാർ പട; സിക്സർ ‘കുടമാറ്റവുമായി’ റസലും ക്ലാസനും

ഐപിഎൽ 17–ാം പതിപ്പിന്റെ രണ്ടാം ദിവസം ‘ഹോം’ വിജയങ്ങളുടേതായിരുന്നു. മുല്ലാൻപുരിലെ പുതിയ മൈതാനത്തിലെ കന്നി ഐപിഎൽ മത്സരത്തിൽ തന്നെ വിജയം സ്വന്തമാക്കാൻ കഴിഞ്ഞതാണ് പഞ്ചാബ് കിങ്സിന്റെ നേട്ടമെങ്കിൽ, വിജയ പരാജയ സാധ്യതകൾ മാറിയും മറിഞ്ഞുംനിന്ന മത്സരത്തിനൊടുവിൽ സ്വന്തം കാണികൾക്ക് മുന്നിൽ തല ഉയർത്തി നിൽക്കാനായതിന്റെ സന്തോഷമാണ് കൊൽക്കത്ത നൈറ്റ് റൈഡേഴ്സിന്.
പ്രതി കൊക്കോച്ചുവട്ടിലെ കടുവയോ? പിടിച്ചത് പടക്കം പൊട്ടിച്ച്; കൂട്ടിലാക്കിയിട്ടും ‘പുറത്തിറങ്ങാതെ’ കേളകം

കണ്ണൂർ കേളകത്ത് കരിയംകാപ്പിൽ കടുവ ഭീതിയിൽ നെഞ്ചിടിച്ച് കഴിയുകയായിരുന്നു ഒരു കൂട്ടം മനുഷ്യർ. ജനവാസമേഖലയിലെ പറമ്പിൽ കടുവ പ്രത്യക്ഷപ്പെട്ടെന്ന വാർത്ത പരന്നതോടെ ജനജീവിതം തന്നെ സ്തംഭിച്ചു. നിരോധനാഞ്ജ നിലവിൽ വന്നതോടെ ഒരാഴ്ചയിലധികമായി വീടിനുള്ളിൽ തന്നെ അടച്ചുകഴിയുകയായിരുന്നു ആളുകൾ. കൃഷിപ്പണികൾ, കശുവണ്ടി ശേഖരണം, റബർ ടാപ്പിങ് എന്നിവയ്ക്കും പൂർണമായി താഴു വീണതോടെ ഒരു നാട് തന്നെ കടുവ വിജനമാക്കി. ഇതിനിടെ കേളകത്തിന് സമീപം രാജമലയിലെ റബർ തോട്ടത്തിൽ വീണ്ടും കടുവയെ കണ്ടതോടെ ആശങ്ക വർധിച്ചു. പിന്തുടർന്നെങ്കിലും പിടികൂടാനുമായില്ല. ഒടുവിൽ 10 ദിവസത്തെ ആശങ്കകൾക്ക് വിരാമമിട്ടാണ് വനംവകുപ്പിന്റെ നേതൃത്വത്തിൽ കേളകത്തെ വിറപ്പിച്ച കടുവയെ മയക്കുവെടിവച്ച് പിടികൂടിയത്. കൊക്കോമരത്തിന്റെ ചുവട്ടിൽ സുരക്ഷിത താവളം കണ്ടെത്തിയ കടുവയെ പടക്കം പൊട്ടിച്ച് ചാടിച്ചാണ് ഒടുവിൽ വനം വകുപ്പ് കൂട്ടിൽ കയറ്റിയത്.
ചെന്നൈയുടെ ‘തല’ ഉയർന്നുതന്നെ; ചേരുവകളെല്ലാം ചേർന്നിട്ടും കലമുടച്ച് കോലിയും കൂട്ടരും

ചാംപ്യൻമാർക്കൊത്ത കളി പുറത്തെടുത്ത ചെന്നൈയ്ക്ക് 17–ാം സീസണിലും വിജയത്തുടക്കം. ടോസ് നേടിയ റോയൽ ചാലഞ്ചേഴ്സ് ബെംഗളൂരു ബാറ്റിങ് തിരഞ്ഞെടുത്തെങ്കിലും ചെന്നൈയ്ക്ക് വെല്ലുവിളിയാകുന്ന സ്കോർ പടുത്തുയർത്താൻ അവർക്കായില്ല. ബോളിങ്ങിലും ഫീൽഡിങ്ങിലും ബാറ്റിങ്ങിലും ചെന്നൈ ക്ലാസ് തെളിയിച്ചപ്പോൾ, കോലിയും കൂട്ടരും
16ൽ പതിനൊന്നും സ്വന്തമാക്കി തലയും ഹിറ്റ്മാനും; ഒന്നെങ്കിലും കൊതിച്ച് കിങ് കോലി; റെക്കോർഡുകളുടെ പൂരം ഇനി പുതിയ ‘ട്രാക്കിൽ’

പൂരം!.. എത്രകണ്ടാലും പുതുമചോരാത്ത ദൃശ്യവിരുന്ന്. ഇന്ത്യൻ ക്രിക്കറ്റിന്റെ ആവേശമായ ഐപിഎൽ പൂരവും ഇക്കാര്യത്തിൽ വ്യത്യസ്തമല്ല. ഓരോ വർഷം കഴിയുന്തോറും ആരാധകരെ കൂടുതൽ കൂടുതൽ ആകർഷിച്ചുകൊണ്ടേയിരിക്കുന്നു അത്. 2008ൽ തിരിതെളിഞ്ഞ്, ഇന്ന് മധുരപ്പതിനേഴിൽ എത്തിനിൽക്കുന്ന ഈ ക്രിക്കറ്റ് മഹോത്സവത്തിന് പറയാൻ ഒട്ടേറെ കഥകളുണ്ട്. മത്സര ബാറ്റിങ് വെടിക്കെട്ടും ആരാധകരുടെ ആർപ്പുവിളികളുടെ ശിങ്കാരി മേളവും ഇഴുകിച്ചേർന്ന ആ കഥകളിൽ ചിലതിലൂടെ... കഴിഞ്ഞ 16 ഐപിഎൽ സീസണുകളിൽ അവിസ്മരണീയ പ്രകടനങ്ങളിലൂടെ കാഴ്ചയുടെ വർണവിസ്മയം തീർത്ത താരങ്ങളെയും ടീമുകളെയും അടുത്തറിയാം... 16 വർഷങ്ങൾക്ക് മുൻപ്, അന്നത്തെ ക്രിക്കറ്റ് മഹാരഥന്മാരായിരുന്ന സച്ചിൻ തെൻഡുൽക്കർ, സൗരവ് ഗാംഗുലി, രാഹുൽ ദ്രാവിഡ് എന്നിവരെയൊക്കെ മുൻനിർത്തിയാണ് ഐപിഎലിന് തിരശീല ഉയർന്നത്. അന്നുമുതൽ ഇന്നുവരെ ഇന്ത്യൻ ക്രിക്കറ്റിലെയും ലോക ക്രിക്കറ്റിലെയും ഒട്ടേറെ മഹാരഥൻമാർ ഐപിഎലിൽ തങ്ങളുടെ പേരുകൾ സുവർണ ലിപികളിൽ എഴുതിച്ചേർത്തിട്ടുണ്ടെങ്കിലും, ആ പേരുകൾക്കെല്ലാം ഇടയിൽ ഏറ്റവും ശക്തമായി തെളിഞ്ഞുനിൽക്കുന്നത് 3 പേരുകളാണെന്ന് നിസ്സംശയം പറയാം.
ന്യൂമറോളജി ‘ബെംഗളൂരുവിനെ’ തുണയ്ക്കുമോ? തലയ്ക്കും ‘ശിഷ്യൻമാർക്കും’ ഇത് അവസാന പൂരമോ?

ലോക ക്രിക്കറ്റിൽ തന്നെ ഒട്ടേറെ മാറ്റങ്ങൾക്ക് തുടക്കം കുറിച്ച ഇന്ത്യൻ പ്രീമിയർ ലീഗ് ഇത്തവണ എത്തുന്നത് ചരിത്രത്തിൽ തന്നെ ഇടംപിടിക്കാവുന്ന ഒട്ടേറെ കാര്യങ്ങളുമായാണ്. ചെന്നൈ സൂപ്പർ കിങ്സിന്റെ ‘തല’, എം.എസ്. ധോണിയുടെ ഭാവിയെ ചുറ്റിപ്പറ്റിത്തന്നെയാണ് ഇത്തവണയും ഐപിഎല്ലിന്റെ ആദ്യഘട്ടത്തിലെ ചർച്ചകൾ മുന്നേറുന്നത്. നാൽപത്തിരണ്ടാം വയസ്സിലും ഐപിഎൽ കളിക്കളങ്ങളോട് വേർപിരിയാനാകാതെ മുന്നോട്ട് പോയിക്കൊണ്ടിരിക്കുന്ന ധോണിയുടെ ജൈത്രയാത്രയ്ക്ക് ഇത്തവണ തിരശീലവീഴുമോ? ‘തല’ ആരാധകരും ടീം മാനേജ്മെന്റും അതിന് അദ്ദേഹത്തെ അനുവദിക്കുമോ? കണ്ട് തന്നെ അറിയേണ്ടിയിരിക്കുന്നു.
മുംബൈയ്ക്കും ചെന്നൈയ്ക്കും ‘തല’വേദന; പെൺപടയ്ക്കൊപ്പമെത്താന്‍ റോയൽ ചാലഞ്ച്; പറന്നുയരാൻ ‘പന്തും’ പടയും

ലോകത്തിലെ ഏറ്റവും വിപണിമൂല്യമുള്ള സ്പോർട്സ് ലീഗുകളിൽ ആദ്യ മൂന്നിലാണ് ഐപിഎലിന്റെ സ്ഥാനം. ഈ ‘പണക്കൊഴുപ്പിനെക്കാൾ’ ഐപിഎലിനെ മൂല്യമുള്ളതാക്കുന്നത്, യുവതാരങ്ങൾക്ക് ഈ ട്വന്റി20 ലീഗ് തുറന്നുകൊടുക്കുന്ന അവസരങ്ങളാണ്. ഇന്ത്യയുടെ പ്രീമിയം പേസർ ജസ്പ്രീത് ബുമ്ര മുതൽ യുവതാരം യശസ്വി ജയ്സ്വാൾ വരെ ‘ഐപിഎൽ മികവിലൂടെയാണ്’ ഇന്ത്യൻ ടീമിൽ എത്തിയത്. വിദേശതാരങ്ങൾക്കാവട്ടെ, ഐപിഎൽ എന്നാൽ ലോട്ടറിയാണ്. സ്വന്തം രാജ്യത്തിനായി ഒരു വർഷം മുഴുവൻ കളിച്ചാലും കിട്ടാത്ത തുക, രണ്ടു മാസത്തെ ഐപിഎൽ സീസണിലൂടെ ഇവർക്കു ലഭിക്കുന്നു. വെസ്റ്റിൻഡീസിലും മറ്റുമുള്ള പല താരങ്ങളും ദേശീയ ടീമിന്റെ കോൺട്രാക്ട് ഉപേക്ഷിച്ച് ഐപിഎൽ ഉൾപ്പെടെയുള്ള ട്വന്റി20 ലീഗുകളിൽ കളിക്കുന്നതും ഇതിനാലാണ്. ഇത്തരത്തിൽ ആവശ്യങ്ങൾ പലതാണെങ്കിലും അതെല്ലാം അവസാനം ചെന്നെത്തുന്നത് ഐപിഎൽ എന്ന ഒറ്റയടിപ്പാതയിലാണ്. 17–ാം സീസണിനായി ഒരുങ്ങുന്ന ഇന്ത്യൻ പ്രിമിയർ ലീഗിന്റെ ചില ‘പ്രിമിയം’ വിശേഷങ്ങളിലൂടെ...
നാൽപതുകളിൽ തിളങ്ങി ‘അങ്കിൾ താംബെ’; ചൂലിന് പകരം ബാറ്റെടുത്ത റിങ്കു; രണ്ടു വിരലിലൂന്നി ആഞ്ഞടിച്ച് ഗപ്റ്റിൽ

മൈതാനത്ത് മിന്നൽപിണർ തീർക്കുന്ന ബാറ്റിങ് വെടിക്കെട്ട്, അപ്രതീക്ഷിത നേരത്ത് വമ്പന്മാരെ കടപുഴക്കുന്ന ചടുലമായ ബോളിങ്, മൈതാനത്തിന് കോട്ടകെട്ടി പാറിപ്പറക്കുന്ന ഫീൽഡിങ് മികവ്... ഐപിഎൽ മത്സരം എന്നു കേൾക്കുമ്പോൾ ഏതൊരു ക്രിക്കറ്റ് ആരാധകന്റെ മനസ്സിലേക്കും വരുന്ന ചിത്രങ്ങൾ ഇവയാകും. എന്നാൽ, ഈ തിളക്കമുള്ള കാഴ്ചകളിൽ ഭ്രമിച്ചുപോകുന്ന ആരാധകരിൽ പലരും അറിയാത്ത ഒട്ടേറെ കഥകളുണ്ട്... ഈ വലിയ വേദികളിലേക്കെത്താൻ പല താരങ്ങളും ഒഴുക്കിയ വിയർപ്പിന്റെയും താണ്ടിയ കനൽവഴികളുടെയും കഥകൾ...
യുഎസിലെ ജോലി കളഞ്ഞെത്തിയ, മുൻ മുഖ്യമന്ത്രിയുടെ മകൾ; കവിതയെ കുരുക്കിയ 'കൂട്ടി'ൽ മലയാളി മദ്യ വ്യവസായിയും

ഒരു തിരഞ്ഞെടുപ്പിൽ 186 സ്ഥാനാർഥികൾ മത്സരിക്കുമോ? അങ്ങനെയും സംഭവിച്ചിട്ടുണ്ട്. 2019-ലെ ലോക്സഭാ തിരഞ്ഞെടുപ്പിൽ തെലങ്കാനയിലെ നിസാമാബാദ് മണ്ഡലത്തിലായിരുന്നു ഇത്രയും പേർ മത്സരിച്ചത്. ഫലം വന്നപ്പോൾ ആ തിരഞ്ഞെടുപ്പിൽ മത്സരിച്ച 179 സ്ഥാനാർഥികളും ചേർന്നു നേടിയത് 98,723 വോട്ടുകൾ. വിജയിച്ച ബിജെപി സ്ഥാനാർഥി അരവിന്ദ് ധർമപുരി നേടിയത് 70,785 വോട്ടുകൾ. അന്ന് രണ്ടാം സ്ഥാനത്തെത്തിയ സ്ഥാനാർഥി കെ.കവിതയെയാണ് 2024 മാർച്ച് 15ന് ഡൽഹി മദ്യനയ അഴിമതിക്കേസിൽ എൻഫോഴ്സ്മെന്റ് ‍ഡയറക്ടറേറ്റ് (ഇഡി) ഹൈദരാബാദിൽ അറസ്റ്റ് ചെയ്തത്. ബിആർഎസ് നേതാവും തെലങ്കാന മുൻ മുഖ്യമന്ത്രി കെ.ചന്ദ്രശേഖര റാവുവിന്റെ മകളുമായ കെ.കവിത മുൻ ലോക്സഭാംഗമാണ്. നിലവിൽ തെലങ്കാന ലെജിസ്‌ലേറ്റിവ് കൗൺസിൽ അംഗവും. ലോക്സഭാ തിരഞ്ഞെടുപ്പ് പടിവാതിൽക്കൽ എത്തിനിൽക്കെ മണിക്കൂറുകൾ നീണ്ട റെയ്ഡിനൊടുവിൽ വളരെ നാടകീയമായിട്ടാണ് കവിതയെ ഇ.ഡി അറസ്റ്റ് ചെയ്തത്. ഡൽഹിയിലെ മദ്യനയവുമായി ബന്ധപ്പെട്ട് ഉപമുഖ്യമന്ത്രി, എഎപിയുടെ മനീഷ് സിസോദിയ അറസ്റ്റിലായ വിഷയത്തിൽ വ്യാപക ചർച്ചകൾ കൊടുമ്പിരിക്കൊണ്ടിരിക്കുന്നതിനു തൊട്ടു തലേന്നു വരെ മുംബൈയിൽ പര്യടനത്തിലായിരുന്നു കവിത.
അടുക്കാതെ ആരാധകർ, പരസ്പരം അകന്ന് താരങ്ങൾ; ‘തല’മുറ മാറ്റം മുംബൈയുടെ തലവര മാറ്റുമോ?

മുംബൈ ഇന്ത്യൻസ് ആരാധകർ ആശങ്കയിലാണ്. ഹാർദിക് പാണ്ഡ്യ എന്ന പുതിയ ക്യാപ്റ്റനെയും രോഹിത് ശർമയെന്ന ഇഷ്ട ക്യാപ്റ്റനെയും ഓർത്താണ് വേവലാതി. രോഹിത്തിനെ മാറ്റി ഹാർദിക്കിനെ പ്രതിഷ്ഠിച്ചതിലെ നീറ്റൽ ഇനിയും വിട്ടുമാറാത്ത ആരാധകർ, ഹാർദിക് ഇനി എന്തൊക്കെ കാണിച്ചുകൂട്ടും എന്ന് അതിശയിക്കുകയാണ്. അതിനു കാരണങ്ങളുണ്ട് താനും. രോഹിത്തിന്റെ ക്യാപ്റ്റൻസിയിൽ ഇന്ത്യൻ ടീമിൽ കളിക്കുമ്പോൾ ഹാർദിക് രോഹിത്തിന്റെ തീരുമാനം ഇഷ്ടപ്പെടാതെ എതിർത്തു സംസാരിച്ച വിഡിയോ ഇന്നും ആരാധക മനസ്സുകളിലുണ്ട്. അന്നത്തെ ഹാർദിക്കിന്റെ ചീത്തവിളി പലരും മറന്നിട്ടില്ല. ഐപിഎല്ലിലെങ്കിലും രോഹിത്തിന്റെ കാലം മാറി. ഹാർദിക് മുംബൈ ഇന്ത്യൻസിന്റെ ക്യാപ്റ്റനായി അവതരിച്ചു കഴിഞ്ഞു. ഇനി ഹാർദിക് പറയും, രോഹിത് കേൾക്കും. മുംബൈ ഇന്ത്യൻസ് ടീമിൽ തിരിച്ചെത്തിയ ഉടൻ തന്നെ പുറത്തെത്തിയ ഹാർദിക്കിന്റെ ചിത്രം പോലും ആരാധകർക്ക് അത്ര രുചിച്ചിച്ചിരുന്നില്ല. ഐപിഎൽ ഇതിഹാസം കൂടിയായ ലസിത് മലിംഗയടക്കമുള്ള പരിശീലകർക്കു മുന്നിൽ അഡ്ജസ്റ്റബിൾ കട്ടിലിൽ കാലുയർത്തി ഇരിക്കുന്ന ‘ആറ്റിറ്റ്യൂഡ്’ ടീമിന് ദോഷം ചെയ്യുമെന്ന നിലപാടിലാണ് പലരും.
കെട്ടിടങ്ങളിൽ ചാണകം, സമരം ചെയ്ത കർഷകർക്ക് രാഷ്ട്രീയ പാർട്ടി; നിർണായകം ജൂണിലെ തിരഞ്ഞെടുപ്പ്

കഴിഞ്ഞ കുറച്ചു നാളുകളായി കൃഷി ഒരു കലാപഭൂമികയായി മാറിയിരിക്കുകയാണ്. കർഷകർ തങ്ങളുടെ അവകാശങ്ങൾക്കും നിലനിൽപിനും വേണ്ടി സർക്കാരുകളോട് യുദ്ധം പ്രഖ്യാപിച്ചിരിക്കുന്നു. ഇന്ത്യയിൽ മാത്രമല്ല യൂറോപ്പിലും ഇതുതന്നെ സ്ഥിതി. കർഷക പ്രതിഷേധങ്ങൾ ലോകചരിത്രത്തിൽ ഉടനീളം ആവർത്തിച്ചിട്ടുള്ള ഒരു പ്രതിഭാസമാണ്. പലപ്പോഴും സാമ്പത്തികവും സാമൂഹികവും രാഷ്ട്രീയവുമായ ഇടപെടലുകളും അവയോടുള്ള എതിർപ്പുകളുമാണ് ഇത്തരം പ്രതിഷേധങ്ങൾക്ക് കാരണം. കർഷകസമരങ്ങൾ രാഷ്ട്രീയത്തിന്റെ ഗതി മാറ്റിയ ചരിത്രവുമുണ്ട്, യൂറോപ്യൻ യൂണിയൻ പാർലമെന്റ് തിരഞ്ഞെടുപ്പ് 2024 ജൂണിൽ നടക്കുമെന്നാണു പ്രതീക്ഷിക്കുന്നത്. ഈ ഘട്ടത്തിൽ കർഷകർ നടത്തുന്നപ്രതിഷേധം ഒരു സമ്മർദ മാർഗം കൂടിയായി മാറുകയാണ്. പ്രതിഷേധക്കാരെ സഹായിക്കാനെന്ന രീതിയിൽ അവർക്കൊപ്പം തീവ്ര വലതുപക്ഷ സംഘടനകളും നിലയുറപ്പിച്ചിട്ടുണ്ട്. പാർലമെന്റ് തിരഞ്ഞെടുപ്പിൽ തീവ്രവലതുപക്ഷ സംഘടനകളുടെ സാന്നിധ്യം ഏതു നിലയിലാകും എന്നതും വലിയ ആശങ്കയാണ്. ജർമനിയിലും ഫ്രാൻസിലും ആരംഭിച്ച് യൂറോപ്പിലാകെ പടർന്നു കൊണ്ടിരിക്കുന്ന കർഷക സമരം യൂറോപ്യൻ യൂണിയന്റെ നയങ്ങളുടെ മരണമണിയാകുമോ? വിശദമായി വായിക്കാം.
‘ആ ഇടിയിൽ വേദനയോടെ നിലത്തു വീണു; തകർന്നത് വലിയ വിശ്വാസം; നമ്മുടെ നാട് സ്വർഗമല്ലേ!’

‘‘അത് അപ്രതീക്ഷിതമായിരുന്നു. ഇറ്റലിപോലെ ഒരു പരിഷ്കൃത സമൂഹത്തിൽ നിന്നു പ്രതീക്ഷിക്കാനാകാത്തത്. നിരന്തരമായി വിദേശ യാത്ര നടത്തുന്ന എനിക്ക് ഇത് പുതിയ അനുഭവവും പാഠവുമാണ്.’’ ഇറ്റലിയിൽ അപ്രതീക്ഷിതമായ കവർച്ചയ്ക്കിരയായതിന്റെ ആഘാതത്തിൽ നിന്ന് ഇനിയും മുക്തനാവാതെ പ്രശസ്ത പ്രമേഹ രോഗ വിദഗ്ധൻ ഡോ.ജ്യോതിദേവ് കേശവദേവ് പറയുന്നു. ഇറ്റലിയിലെ യാത്രയ്ക്കിടെ നേരിടേണ്ടി വന്ന കവർച്ചയിൽ ഒട്ടേറെ വീസകളുള്ള പാസ്പോർട്ടാണു നഷ്ടമായത്. തൊഴിൽപരമായ പ്രതിസന്ധി കൂടിയാണിതെന്നും ഡോക്ടർ പറയുന്നു. ഇറ്റലിയിൽ നേരിടേണ്ടിവന്ന ബുദ്ധിമുട്ടുകളെപ്പറ്റി, അവിടെനിന്ന് തിരികെ ഇന്ത്യയിലേയ്ക്ക് വരാൻ സാധിച്ചതിനെപ്പറ്റിയെല്ലാം ഡോ.ജ്യോതിദേവ് കേശവദേവ് ‘മനോരമ ഓൺലൈൻ പ്രീമിയ’ത്തിൽ തുറന്നുപറയുകയാണ്.
അഞ്ചിലൊരാൾക്ക് കാൻസർ: കീമോതെറപ്പിക്കും റേഡിയേഷനും പകരം ഇനി 100 രൂപ ഗുളിക? രക്ഷയാകാൻ റഷ്യൻ വാക്സീനും

ആർടിഫിഷ്യൽ ഇന്റലിജൻസ് ഉൾപ്പെടെയുള്ള അത്യാധുനിക സാങ്കേതികവിദ്യകളുടെ സഹായത്തോടെ ബഹുദൂരം മുന്നോട്ടു പോയെങ്കിലും വൈദ്യശാസ്തം ഇന്നും മുട്ടുമടക്കുന്ന മഹാമാരിയാണ് കാൻസർ. രോഗനിർണയത്തിലും ചികിത്സയിലും അതിജീവനത്തിലും ഇനിയും ചുരുളഴിയാത്ത ഒട്ടേറെ രഹസ്യങ്ങൾ ബാക്കിയാക്കുന്ന കാൻസർ ഇന്നും സമൂഹത്തിന്റെ പേടിസ്വപ്നമാണ്. അതുകൊണ്ടാണ് അടുത്തിടെ മുംബൈ ടാറ്റാ മെമ്മോറിയൽ സെന്ററില്‍ നിന്നു കേട്ട അമ്പരപ്പിക്കുന്ന ഒരു വാർത്ത രോഗികൾക്കും കാൻസർ ചികിത്സാരംഗത്തെ ഡോക്ടർമാർക്കും വലിയ ആശ്വാസവും ആത്മവിശ്വാസവും പകരുന്നത്. കാൻസർ വീണ്ടും വരുന്നത് തടയാൻ 100 രൂപയുടെ ഗുളിക വികസിപ്പിച്ചെടുത്തിരിക്കുകയാണ് മുംബൈ ടാറ്റാ മെമ്മോറിയൽ സെന്ററിലെ ഗവേഷകർ. കാൻസറിനെ അതിജീവിച്ചവർക്ക് വീണ്ടും രോഗം ബാധിക്കുന്നതു 30 ശതമാനത്തോളം പ്രതിരോധിക്കാൻ ഈ ‘അദ്ഭുത ഗുളിക’യ്ക്കു സാധിക്കുമെന്നാണ് രാജ്യത്തെ മുൻനിര കാൻസർ ചികിത്സാ ആശുപത്രിയായ ടാറ്റാ മെമ്മോറിയൽ സെന്ററിലെ ഗവേഷകർ പറയുന്നത്. റേഡിയേഷൻ, കീമോതെറപ്പി എന്നിവയുടെ പാർശ്വഫലങ്ങൾ പകുതിയാക്കി കുറയ്ക്കാൻ കഴിയുമെന്നും ഗവേഷകർ ചൂണ്ടിക്കാട്ടുന്നു. എന്നാൽ കേവലം 100 രൂപ മാത്രം ചെലവു വരുന്ന ഒരു ഗുളിക കഴിച്ചാൽ രോഗത്തെ പ്രതിരോധിക്കാമെന്ന അവകാശവാദത്തെ സംശയത്തോടെയും ആശങ്കയോടെയുമാണ് ഒരു വിഭാഗം നോക്കിക്കാണുന്നത്. 10 വർഷമെടുത്താണ് മരുന്നു വികസിപ്പിച്ചതെന്ന് ഗവേഷക സംഘത്തിലെ അംഗവും ടാറ്റാ മെമ്മോറിയൽ സെന്ററിലെ സീനിയർ സർജനുമായ ഡോ. രാജേന്ദ്ര ബാഡ്‌വെ പറയുമ്പോഴും ഗുളിക കഴിച്ചാൽ കാൻസർ വീണ്ടും വരില്ലെന്നതിന് എന്താണ് ഉറപ്പെന്നാണ് രോഗികളുടെ മറുചോദ്യം. അതേസമയം, ഗവേഷകർ അവകാശപ്പെടുന്നത് യാഥാർഥ്യമായാൽ ലോകമൊട്ടാകെയുള്ള കാൻസർ രോഗികളുടെ ഇരുളടഞ്ഞ ജീവിതത്തിലേയ്ക്ക് പുതിയ പ്രതീക്ഷയായിരിക്കും തുറന്നുകിട്ടുക.
മോദി ‘മോടി പിടിപ്പിച്ച’ ഏകതാ നഗർ, ലോകം അമ്പരന്ന ടൂറിസം സർക്യൂട്ട്: ഉറക്കം വിട്ടുണർന്ന്, ഇന്ന് ഉഗ്രൻ കാഴ്ചകളുടെ ഗ്രാമം

വിവാദങ്ങളും പ്രതിഷേധങ്ങളും ആരോപണങ്ങളും ഏറെ ഉണ്ടായി; പക്ഷേ, വെറും അഞ്ചു വർഷം കൊണ്ടാണ് ഗുജറാത്തിലെ ഉറങ്ങിക്കിടന്ന ഒരു ഗ്രാമം സടകുടഞ്ഞ് എണീറ്റ് ലോകത്തിന്റെ ശ്രദ്ധാകേന്ദ്രമായത്. കേവാദിയ എന്ന ഗ്രാമം ഏകതാ നഗറായി. ഇന്ന് അവിടേയ്ക്ക് വർഷം തോറും എത്തുന്നത് ലക്ഷക്കണക്കിനു സന്ദർശകർ. അതിനു മുൻപേതന്നെ ഗ്രാമത്തിന്റെ മുഖവും രൂപവും മാറിത്തുടങ്ങിയിരുന്നു. ഒരുകാലത്ത് ആരും തിരിഞ്ഞുനോക്കാതിരുന്ന ആ ഗ്രാമം ഇപ്പോൾ നിരവധി സൗകര്യങ്ങളും വൻ കെട്ടിടങ്ങളും തൊഴിലവസരങ്ങളുമെല്ലാം ഉള്ള ഒരു നഗരമായി മാറിയിരിക്കുന്നു. അതിന് ഒരൊറ്റക്കാരണവും. ലോകത്തിലെ ഏറ്റവും വലിയ പ്രതിമയായ ‘സ്റ്റാച്യു ഓഫ് യൂണിറ്റി’ ഏകതാ നഗറിലാണ്. ഇന്ത്യയിലിന്ന് ഏറ്റവുമധികം വിനോദസഞ്ചാരികൾ എത്തുന്ന ഇടങ്ങളിലൊന്നായും ഈ ഗ്രാമം മാറിയിരിക്കുന്നു. തരിശായിക്കിടന്ന ഗ്രാമം അഞ്ചു വർഷംകൊണ്ട് അദ്ഭുതമായി മാറിയ കഥയാണ് ഏകതാ നഗറിന്റേത്. ഗീർ വനം, റാൻ ഓഫ് കച്ച്, പാവഗഡ്, സോമനാഥ്, ദ്വാരക, അഹമ്മദാബാദ് എന്നിവ ഉൾപ്പെടുന്ന ഗുജറാത്തിലെ ഏറ്റവും മികച്ച വിനോദസഞ്ചാര കേന്ദ്രങ്ങളിലൊന്നായാണ് ഏകതാ നഗർ മാറിയത്. നർമദയിൽ ഡാം നിർമിക്കുന്നതിനെതിരെ ഇന്ത്യയിൽ നടന്ന ഏറ്റവും ശക്തമായ പ്രക്ഷോഭങ്ങളുടെ കേന്ദ്രമായിരുന്നു കെവാദിയ ഗ്രാമം. അവിടെയാണു പ്രതിഷേധങ്ങളെ നിശബ്ദമാക്കി സർദാര്‍ വല്ലഭ്‌ഭായ് പട്ടേലിന്റെ പ്രതിമ വന്നത്. അതിവേഗം വികസിപ്പിച്ചെടുത്ത റെയിൽവേ സ്റ്റേഷൻ, രാജ്യാന്തര നിലവാരമുള്ള ഭക്ഷണ ശാലകൾ, ആഡംബര ഹോട്ടലുകൾ, നർമദയുടെ തീരത്തെ ടെന്റ് സിറ്റി എന്നിവ അടക്കമുള്ള പദ്ധതികളുമായി ഈ ഗ്രാമം ഇന്ന് ഉറങ്ങാത്ത നഗരമായി മാറിയിരിക്കുന്നു. എങ്ങനെയാണ് ഏകതാ പ്രതിമ ആ ഗ്രാമത്തിന്റെ മുഖച്ഛായ മാറ്റിയത്? വായിക്കാം, അക്കഥയുടെ രണ്ടാം ഭാഗം.
വിസി പറഞ്ഞു, നിർത്തിക്കോ; എസ്എഫ്ഐയും സമ്മതിച്ചു, ഇങ്ങനെ പോയാൽ ശരിയാകില്ല; ഒടുവിൽ ‘കലാപോത്സവം’

ഉദ്ഘാടനത്തിനു തൊട്ടുപിന്നാലെ ഈ വേദിയിൽ മത്സരങ്ങൾ ആരംഭിക്കുന്നതാണ്. ആദ്യ ഇനമായ തിരുവാതിരയ്ക്കുള്ള റജിസ്ട്രേഷൻ നടപടികൾ സംഘാടക സമിതി ഓഫിസിനു സമീപം ആരംഭിച്ചിട്ടുണ്ട്!.. മന്ത്രി വി.ശിവൻകുട്ടി കഴിഞ്ഞ വ്യാഴാഴ്ച (മാർച്ച് 7) കേരള സർവകലാശാല യുവജനോത്സവം ഉദ്ഘാടനം ചെയ്യുന്നതിന് മിനിറ്റുകൾക്ക് മുൻപ് പ്രധാന വേദിയായ സെനറ്റ് ഹാളിൽ കേട്ട അനൗൺസ്മെന്റാണിത്. ഉദ്ഘാടനത്തിനു പിന്നാലെ വേദിയിൽ തിരുവാതിര മത്സരങ്ങൾ ആരംഭിച്ചു. മറ്റു വേദികളിലും അറിയിപ്പ് ലഭിച്ചതോടെ മത്സരങ്ങൾ തുടങ്ങി. അറിയിപ്പ് ഒന്നും ലഭിക്കാതെ തന്നെ സംഘർഷങ്ങളും... 5 ദിവസം നീണ്ട കലോത്സവത്തിൽ മത്സര ഇനങ്ങളെക്കാൾ കൂടുതലായി സംഘർഷങ്ങളും പ്രതിഷേധങ്ങളും നടന്നതോടെ കലോത്സവം താൽക്കാലികമായി നിർത്തിവയ്ക്കാൻ വൈസ് ചാൻസലർ ഉത്തരവിട്ടു. ‍ഒരിനം മാത്രം ബാക്കി നിൽക്കെ, സമാപന സമ്മേളനത്തിനു മണിക്കൂർ മാത്രം അവശേഷിക്കെയാണ് വൈസ് ചാൻസലറിന്റെ ചരിത്ര നടപടി. കേരള സർ‌വകലാശാല വൈസ് ചാൻസലറിന്റെ നടപടികൾക്കെതിരെ നിരന്തരം പ്രതിഷേധിക്കുന്ന എസ്എഫ്ഐ നേതൃത്വം നൽകുന്ന സംഘാടക സമിതിയും ഈ നിർദേശം ശരിവച്ചു. രണ്ട് ഇനങ്ങളുടെ ഫലം റദ്ദാക്കി. ചരിത്രപരമായ നാണക്കേടിനാണ് ഇത്തവണത്തെ യുവജനോത്സവം വഴിയൊരുക്കിയതെന്ന് അധ്യാപകരും വിദ്യാർഥികളും പറയുന്നു.
സഞ്ചാരികൾ ഒഴുകുന്നു, പട്ടേൽ പ്രതിമ വാരിക്കൂട്ടുന്നത് കോടികള്‍; എല്ലാം മോദിയുടെ ‘മാസ്റ്റർ പ്ലാൻ’

അഞ്ചു വർഷം മുൻപ് സ്റ്റാച്യു ഓഫ് യൂണിറ്റി എന്ന പേരിൽ പ്രധാനമന്ത്രി നരേന്ദ്ര മോദി ഗുജറാത്തിൽ ഒരു പ്രതിമ അനാച്ഛാദനം ചെയ്തപ്പോൾ അത് രാജ്യത്തുണ്ടാക്കിയ വിവാദങ്ങളും കോലാഹലങ്ങളും ചെറുതല്ലായിരുന്നു. ‘പ്രതിമ പണിതാൽ പട്ടിണി മാറുമോ?’ ‘പക്ഷികൾക്ക് കാഷ്ഠിക്കാൻ ഒരു പ്രതിമ കൂടി...’ എന്നൊക്കെ പലരും വിമർശിച്ചു. ആ പ്രതിമ രാജ്യത്തിനു സാമ്പത്തിക ബാധ്യതയാക്കാവുന്ന കേവലം ഒരു നിര്‍മിതി മാത്രമാണെന്നും വാദങ്ങളുയർന്നു. എന്നാൽ ആ പ്രതിമ സ്ഥാപിച്ചതിനു പിന്നിൽ നരേന്ദ്ര മോദിക്ക് കൃത്യമായ ഒരു മാസ്റ്റർ പ്ലാനുണ്ടായിരുന്നു. പിരമിഡുകളുടെ പേരിൽ ഈജിപ്തിനെ ലോകമറിയുന്നതുപോലെ, ഇന്ത്യയുടെ മേൽ‍വിലാസമായി താജ്മഹലിനൊപ്പം പട്ടേൽ പ്രതിമ കൂടിയുണ്ടാവട്ടെ എന്നായിരിക്കാം ഇതിനു പിന്നിൽ പ്രവർത്തിച്ചവർ ചിന്തിച്ചിട്ടുണ്ടാകുക. അതിലേയ്ക്കാണ് ഇപ്പോള്‍ കാര്യങ്ങളുടെ പോക്കും. സർദാർ വല്ലഭ്ഭായ് പട്ടേൽ എന്ന ഇന്ത്യയുടെ ആദ്യ ആഭ്യന്തര മന്ത്രിക്ക് ഒരു സ്മാരകം എന്നതിനപ്പുറം, ആ പ്രതിമ നിൽക്കുന്ന പ്രദേശത്തെ സ്വദേശികള്‍ക്കും വിദേശികൾക്കും ആകർഷണീയമായ വിനോദസഞ്ചാര കേന്ദ്രമാക്കുകയും അതുവഴി വലിയൊരു വരുമാന സ്രോതസ്സു സൃഷ്ടിക്കുകയുമാണ് മോദി ലക്ഷ്യമിട്ടത്. അതിനായി ഒട്ടേറെ പദ്ധതികളും പ്രതിമയോടനുബന്ധിച്ച് ഒരുക്കി. എന്തായാലും ലക്ഷ്യം തെറ്റിയില്ല. 2023 ന്റെ അവസാന ദിവസങ്ങളിലും പുതുവത്സര ദിനങ്ങളിലും ഉൾപ്പെടെ ഇവിടേയ്ക്ക് ഒഴുകിയെത്തിയത് ലക്ഷക്കണക്കിനു സഞ്ചാരികളാണ്. കോടികളുടെ വരുമാനമാണ് ഇതിലൂടെ ലഭിച്ചതും. മലയാളികളുടെ ഉള്‍പ്പെടെ സമൂഹമാധ്യ അക്കൗണ്ടുകളിലും ഇപ്പോള്‍ പട്ടേൽ പ്രതിമയുടെ പശ്ചാത്തലത്തിലുള്ള സെൽഫികളും നിറയുന്നു, ടൂറിസം രംഗത്ത് ലോക രാജ്യങ്ങളുമായി മത്സരിക്കാൻ ഇറങ്ങിയ ഇന്ത്യയുടെ വലിയ ചുവടുവയ്പ്പാണ് ഏക്താ നഗറിലെ പട്ടേൽ പ്രതിമ. കഴിഞ്ഞ അഞ്ചു വർഷത്തിനിടെ ഏക്താ നഗറിൽ എന്താണു സംഭവിച്ചത്? ലോകനിലവാരത്തിലേയ്ക്ക് ഇന്ത്യയുടെ ടൂറിസം മേഖലയും വളരുകയാണോ? പരിശോധിക്കാം.
ഇങ്ങനെ ഒരു കമ്പനി വയനാട്ടിലോ! കണ്ണൂരിലിറങ്ങിയ ഇസ്രയേലിക്ക് പിന്നാലെ വിജിലൻസ്; അഭിമാനം ‘ഐടി കമ്പനി ഫ്രം ജംഗിൾസ്!’

ഐടി കമ്പനികൾ ജീവനക്കാർ താമസിക്കുന്നതിനടുത്ത് ഓഫിസുകൾ തുറക്കുകയെന്നതാണ് നിലവിലെ ട്രെൻഡ്. മെട്രോ നഗരങ്ങളിൽ കമ്പനികളുടെ വളർച്ച പൂർണമാകുന്നതോടെ പലരും ചെറുകിട നഗരങ്ങളിലേയ്ക്ക് ചേക്കേറുന്നു. ടയർ 2, ടയർ 3 നഗരങ്ങളിൽ സൈബർ കമ്പനികളുടെ സാധ്യതകൾ വളരെ വലുതാണെന്ന തിരിച്ചറിവിലാണ് ഇന്ത്യയുടെ ഐടി ലോകം മുന്നോട്ടുപോവുന്നത്. ഒരു ഐടി കമ്പനി തുടങ്ങാൻ സാധ്യതയുണ്ടെന്ന് ആരും പ്രതീക്ഷിക്കാത്ത നഗരങ്ങളിൽനിന്ന് വിജയഗാഥകൾ കുറിക്കുന്ന അനേകം ഐടി കമ്പനികൾ കേരളത്തിലുണ്ട്. വയനാട്ടിലെ വോണ്യൂ എന്ന കമ്പനിയും കൊരട്ടിയിലെ വെബ് ആൻഡ് ക്രാഫ്റ്റ് എന്ന കമ്പനിയുമൊക്കെ ഇത്തരത്തിൽ വഴിമാറി നടന്ന് വിജയം കണ്ടെത്തിയ കമ്പനികളാണ്. ‘വയനാട്ടിൽ ഒരു ഐടി കമ്പനിയോ’ എന്ന് ഒരിക്കല്‍ ചോദിച്ചിരുന്നവർക്കു മുന്നിൽ വിജയക്കൊടി പാറിക്കുകയാണ് വോണ്യൂ ഇന്ന്. വെബ് ആൻഡ് ക്രാഫ്റ്റ്സ് സിഇഒ ജിലു ജോസഫിനും പറയാനുണ്ട് ചില കാര്യങ്ങൾ...
തലച്ചോറിൽ മസ്ക് ഒളിപ്പിച്ച അദ്ഭുതം, ഇത് ചിന്തകളെ പിടിച്ചെടുക്കും ചിപ്: ലോകം കീഴടക്കുമോ ന്യൂറാലിങ്ക്?

‍‍‍‍‍‍‍‍‍‍ന്യൂറാലിങ്ക്: ഈ പേര് നിങ്ങൾ അടുത്തിടെ കേട്ടിരിക്കാം, ഇല്ലായിരിക്കാം. പക്ഷേ, സമീപഭാവിയിൽ ഈ പേരിങ്ങനെ നിറഞ്ഞു നിൽക്കും.നമ്മുടെ ജീവിതത്തിലും സമൂഹമാധ്യമങ്ങളിലും വാർത്തകളിലുമെല്ലാം ന്യൂറാലിങ്ക് ഉടനെ അവഗണിക്കാനാകാത്ത വാക്കാകും. അതിനു കാരണം ഈ പേരിലുള്ള സാങ്കേതികവിദ്യയുടെ തലപ്പത്തുള്ള ആളാണ്. ഇലോൺ മസ്ക്. ലോക സമ്പന്നൻ. ടെസ്‌ല, എക്സ് (പഴയ ട്വിറ്റർ) ഇങ്ങനെ പല കാര്യങ്ങൾ ഈ പേരിനൊപ്പം നമ്മുടെ മനസ്സിലേക്ക് ഓടിയെത്തും. അതിനൊപ്പം ഇനി ന്യൂറാലിങ്ക് എന്നുകൂടി ഓർത്തുവയ്ക്കാം. പകൽ കിനാവ് എന്നു പറഞ്ഞു തള്ളുന്ന സങ്കൽപങ്ങളെ ശാസ്ത്രത്തിന്റെയും അളവറ്റ സമ്പത്തിന്റെയും സഹായത്തോടെ പ്രാവർത്തികമാക്കാൻ ആണ് മസ്ക് ശ്രമിക്കുന്നത് എന്ന് പലരും വിശേഷിപ്പിക്കാറുണ്ട്. പലതും ഇത്തരത്തിൽ ശാസ്ത്രനോവലുകളും സീരിയലുകളും സിനിമകളുമൊക്കെ കണ്ടപ്പോൾ മനസ്സിൽ തോന്നിയതാണ് എന്നു മസ്ക് തന്നെ പറയാറുമുണ്ട്. അത്തരത്തിൽ, കേട്ടാൽ അദ്ഭുതപ്പെടുത്തുന്ന മറ്റൊരു വാർത്തയാണ് മസ്ക് അടുത്തിടെ പുറത്തുവിട്ടത്. മസ്തിഷ്കത്തെ ബാധിക്കുന്ന അസുഖങ്ങൾ കൊണ്ട് കിടപ്പിലായിപ്പോയവരെ ജീവിതത്തിലേയ്ക്ക് തിരിച്ചുകൊണ്ടുവരാൻ കഴിയുന്ന സാങ്കേതികവിദ്യയാണ് ന്യൂറാ ലിങ്ക്. ഒറ്റ രൂപ നാണയത്തിന്റെ വലുപ്പമുള്ള ഒരു ചിപ് ആണ് പ്രധാന ഉപകരണം. ഇത് തലച്ചോറിൽ ഘടിപ്പിച്ച്, അതിൽ നിന്ന് ലഭിക്കുന്ന സിഗ്നലുകൾ വഴി കംപ്യൂട്ടർ പ്രവർത്തിപ്പിക്കാമെന്നാണ് മസ്കിന്റെ കമ്പനിയുടെ കണ്ടെത്തൽ.
കാട്ടാനയുടെ ‘റൂട്ട് മാപ്പ്’ അറിയാൻ വാട്സാപ്! ഡാമിൽ ബോട്ടിങ് നിരോധിച്ചാൽ ആന പോകുമോ? സഞ്ചാരികളെ കൂടി വിരട്ടരുതേ

വി.എസ്. അച്യുതാനന്ദൻ മുഖ്യമന്ത്രി ആയിരുന്നപ്പോഴാണ് മൂന്നാറിലെ കയ്യേറ്റങ്ങൾ ഒഴിപ്പിക്കാൻ ദൗത്യ സംഘത്തെ അയച്ചത്. സർക്കാരിലെ തമ്മിലടി മൂലം ദൗത്യം പൂർണമായി വിജയിക്കാതെ മലയിറങ്ങി. ദൗത്യസംഘത്തെ ആലങ്കാരികമായി പൂച്ചകൾ എന്നാണ് വി.എസ്. വിശേഷിപ്പിച്ചത്. പൂച്ച ഏതായാലും കാര്യം നടന്നാൽ പോരെ എന്ന് വി.എസ്. ചോദിച്ചു. അതോടെ ദൗത്യ സംഘം ഉദ്യോഗസ്ഥർ പൂച്ചകളായി. അന്ന് ദൗത്യസംഘത്തെ ആനയോട് ഉപമിക്കാൻ വി.എസിന് തോന്നിയില്ല. കാലം മാറിയപ്പോൾ പൂച്ചകളുടെ പണി കാട്ടാന അടക്കമുള്ള വന്യമൃഗങ്ങൾ ചെയ്തു തുടങ്ങി. ഒഴിപ്പിക്കുന്നത് കയ്യേറ്റമല്ല ജനങ്ങളുടെ ജീവിതമാണെന്നു മാത്രം. ജനങ്ങളെ സഹായിക്കാൻ ഒരു ദൗത്യസംഘത്തെയും ആരും അയക്കുന്നുമില്ല. മൂന്നാർ ടൗണിന്റെ 8–10 കിലോമീറ്ററുകള്ളിൽ ഒട്ടേറെ തേയില എസ്റ്റേറ്റുകളുണ്ട്. ഓട്ടോകളും ജീപ്പുകളുമാണ് ഇവിടേക്കുള്ള യാത്രാവാഹനങ്ങൾ. ആനകളുടെ ആക്രമണത്തിന് കൂടുതലും ഇരകളാകുന്നത് ഈ എസ്റ്റേറ്റുകളിലെ തൊഴിലാളികളാണ്. കന്നിമല കൂടാതെ ചൊക്കനാട്, ലക്ഷ്മി, പെരിയവരെ, നയമക്കാട്, നല്ലതണ്ണി, സെവൻമല, ഗ്രാംസ്‍ലാൻഡ് തുടങ്ങിയ എസ്റ്റേറ്റുകളിലേക്കുള്ളവർ ഇപ്പോൾ ആനകളെ പേടിച്ച് വൈകിട്ട് 4–5 മണിക്ക് തന്നെ വീടുകളിലെത്തുന്നു. ആറു മണിക്ക് മുമ്പു തന്നെ എസ്റ്റേറ്റ് ലയങ്ങളിലേക്കുളള്ള വഴികൾ കടക്കാനാണ് എല്ലാവരും ശ്രമിക്കുന്നത്. ആറുമണിയോടെ വീടുകളുടെ വാതിൽ അടയും. ഓട്ടോ, ജീപ്പുകളും അ‍ഞ്ചു മണിയോടെ ഓടുന്നത് അവസാനിപ്പിക്കും. ആന എവിടെ നിന്ന് പ്രത്യക്ഷപ്പെടും എന്ന് നിശ്ചയമില്ലാത്ത അവസ്ഥയാണെന്ന് ഇവിടെ തന്നെ ജനിച്ച് വളർന്ന പ്രായമായവർ പോലും പറയുന്നു. അതുകൊണ്ട് നേരത്തെ വീടെത്താനും രാത്രി പുറത്തിറങ്ങാതിരിക്കാൻ എല്ലാവരും ശ്രദ്ധിക്കുന്നു. കടുത്ത വയറുവേദനയെ തുടർന്ന് കന്നിമലയിൽ നിന്നുള്ള യുവതിയുമായി ആശുപത്രിയിലേക്ക് പോകാൻ തുടങ്ങിയ ജീപ്പ് പടയപ്പ ആക്രമിച്ചത് മാർച്ച് നാലിന് രാത്രിയാണ്. ജീപ്പ് ആക്രമിച്ചപ്പോൾ എല്ലാവരും ബഹളം വച്ചതോടെ ആന പിന്മാറി. എങ്കിലും ആന സമീപത്തു തുടർന്നതിനാൽ പിറ്റേന്നു രാവിലെ മാത്രമാണ് യുവതിയെ ആശുപത്രിയിൽ കൊണ്ടുപോകാന്‍ സാധിച്ചത്. കാട്ടാനകളെ പേടിച്ച് എസ്റ്റേറ്റ് തൊഴിലാളികളും മറ്റും പകൽവെട്ടം മായുന്നതിനു മുമ്പ് വീടെത്തുന്നു. ടൗണുകൾ കാലിയാകുന്നു. എവിടെയും ശൂന്യമായ വഴികൾ മാത്രം.
‘ബ്രിഗേഡിയറെ’ പിടികൂടിയത് നാവികസേന; ഒറ്റയടിക്ക് മയക്കിയത് 250 ആനകളെ; ‘കാടുകടത്തിന്റെ’ അറിയാക്കഥകൾ

രാജഭരണകാലത്തും സാമ്രാജ്യത്വ ഭരണകാലത്തും കുറ്റവാളികളെയും കുറ്റവാളികളെന്നു മുദ്രകുത്തപ്പെടുന്നവരെയും നാടുകടത്തുന്നത് ലേ‍ാകത്തിന്റെ പലഭാഗത്തും സർവസാധാരണമായി നടന്നിരുന്ന കാര്യമാണ്. വംശവെറിയുടെ പേരിലും സാമുദായിക അസമത്വങ്ങളുടെ അടിസ്ഥാനത്തിലും വർണവിവേചനത്തിന്റെ ഭാഗമായും നാടുകടത്തപ്പെട്ടവരും ഒട്ടേറെ. ഇത്തരത്തിൽ നാടുകടത്തപ്പെട്ടവരിൽ ഏറെയും ചെന്നുചേർന്ന ഇടങ്ങളിൽ തന്നെ മരണത്തിനും കീഴടങ്ങി. ജീവനോടെ തിരികെ എത്തിയവർ വിരളം. നാടുകടത്തൽ, രൂപത്തിൽ ചില മാറ്റങ്ങൾ സംഭവിച്ചെങ്കിലും ചിലയിടങ്ങളിൽ ഇപ്പോഴും ഇത്തരം കടത്തലുകൾ നടക്കുന്നതായാണു മനുഷ്യക്കടത്ത് വിരുദ്ധപ്രവർത്തകർ പറയുന്നത്. മനുഷ്യർ മാത്രമല്ല, ഇത്തരത്തിൽ നാടുകടത്തപ്പെടുന്നത്. വംശവർധന നിയന്ത്രിക്കാനും വൻതേ‍ാതിലുള്ള അതിക്രമങ്ങൾ നിയന്ത്രിക്കാനും വന്യമൃഗങ്ങളെയും ഇത്തരത്തി‍ൽ ‘നാടു’കടത്താറുണ്ട്. പ്രത്യേകിച്ച് ആനകളെയാണ് ഇത്തരത്തിൽ കടത്തുന്നത്. ‘നാടുകടത്തൽ’ എന്നതിന് പകരം ‘കാടുകടത്തൽ’ എന്നുപറയുന്നതാകും കൂടുതൽ ശരി. നിയമത്തിന്റെ തുണയുള്ള കടത്തായി അതു വ്യാഖ്യാനിക്കപ്പെടുകയും ചെയ്യുന്നു. ഈ നടപടി ശാസ്ത്രീയമാണെന്നും വ്യാഖ്യാനിക്കപ്പെടുന്നു. ഇടുക്കിയിൽ ദിവസങ്ങളേ‍ാളം ഭീതിവിതച്ച്, നാടിളക്കിനടന്ന അരിക്കൊമ്പനാണ് ഇത്തരത്തിൽ കേരളത്തിൽ നിന്ന് അവസാനമായി ‘നാടുകടത്തപ്പെട്ട’ ആന. ഇത്തരത്തിൽ കടത്തപ്പെടുന്ന ആനകൾ ചെന്നുചേരുന്ന ഇടത്തുതന്നെ തുടരുമോ എന്ന ചോദ്യം യുക്തിക്ക് നിരക്കുന്നതല്ലെന്ന് വിദഗ്ധർ പറയുന്നു.
മിഷേൽ മുതൽ മോദിവരെ, വസ്ത്രത്തിൽ അവർ ഒളിപ്പിച്ചതെന്ത്? 'പവർ ഡ്രസിങ്' മനം കവരും തന്ത്രം

നരേന്ദ്ര മോദിയുടെ ജനപ്രീതി കുറഞ്ഞോ കൂടിയോ എന്ന് അറിയാൻ എളുപ്പവഴിയെന്താണ്? ഡൽഹി മാർക്കറ്റിൽ വിൽക്കുന്ന മോദി കുർത്തകളുടെ എണ്ണമെടുത്തു വിശകലനം നടത്തിയ റിപ്പോർട്ടർമാരുണ്ട്. കോടികൾ വാരിയ മലയാള ചിത്രം ലൂസിഫറിൽ അന്തരിച്ച നേതാവിന്റെ പിൻഗാമിയായി മകനെ അവതരിപ്പിക്കുന്ന ഭാഗം ഓർമയില്ലേ? നേതാവിന്റെ ഭാഷയും പ്രവർത്തിയും മാത്രമല്ല വസ്ത്രങ്ങളും ജനങ്ങൾക്ക് നൽകുന്ന സന്ദേശം വലുതാണ്. ഇക്കാര്യം മനസ്സിലാക്കിയ നേതാക്കൻമാരാണ് നമുക്കുചുറ്റും ഉള്ളത്. ചിലർ വസ്ത്രധാരണത്തിൽ ലാളിത്യത്തിന്റെ വഴി തിരഞ്ഞെടുക്കുമ്പോൾ മറ്റു ചിലർ സ്റ്റൈൽ ഐക്കണുകളായി മാറി ജനങ്ങളെ സ്വാധീനിക്കുന്നു. വസ്ത്രങ്ങളിലൂടെ അവർ അണികളുമായി ആശയവിനിമയം നടത്തുന്നു. വാക്കുകളുടെ ആവശ്യമില്ലാതെ തന്നെ നിങ്ങളില്‍ ഒരുവനാണ് ഞാൻ എന്നതിൽ തുടങ്ങി നിങ്ങളുടെ തലവനാണ് ഞാൻ എന്ന സന്ദേശം വരെ വസ്ത്രങ്ങൾ കൈമാറും. അതായത് വിശ്വാസങ്ങൾ, ബന്ധങ്ങൾ, മുൻഗണനകൾ എന്നിവയെക്കുറിച്ച് ഫാഷനിലൂടെ രാഷ്ട്രീയക്കാർക്ക് സംസാരിക്കാൻ കഴിയും.
ഇതെന്നാ ചൂടാ... തീക്കട്ടച്ചൂടിൽ വെന്തുരുകി കേരളം; കണ്ണുപൊള്ളിക്കും കാഴ്ചകൾ കാണാം

കേരളത്തിൽ വേനൽച്ചൂട് അതിന്റെ മൂർധന്യത്തിൽ എത്തിയിരിക്കുകയാണ്. വെയിൽ കനത്തു തുടങ്ങിയാൽ പുറത്തേക്ക് ഇറങ്ങാൻ പോയിട്ട് നോക്കാൻ പോലും കഴിയാത്ത തരത്തിലുള്ള ചൂടാണ് അനുഭവപ്പെടുന്നത്. ചൂട് കനത്തതോടെ, വെയിലത്തു തൊഴിലെടുക്കുന്നവരുടെ ജോലിസമയം ഏപ്രിൽ 30 വരെ പുനഃക്രമീകരിച്ചിട്ടുണ്ട്. രാവിലെ 7 മുതൽ വൈകുന്നേരം 7 വരെയുള്ള സമയത്തിൽ 8 മണിക്കൂറായി ജോലി സമയം നിജപ്പെടുത്തിയിട്ടുണ്ട്. ഉച്ചയ്ക്ക് 12 മുതൽ വൈകുന്നേരം 3 മണിവരെ വിശ്രമം നൽകണമെന്നും നിർദേശമുണ്ട്. എന്നാൽ, ഈ നിർദേശങ്ങളെല്ലാം പാലിച്ചിട്ടുപോലും ചൂടുകൊണ്ടുള്ള പ്രശ്നങ്ങൾക്ക് അറുതിയില്ല.
‘രാത്രി വെള്ള വസ്ത്രം ഇടരുതേ, ആ ആന ആക്രമിക്കും!’ അത് പടയപ്പ ആയിരുന്നോ? മൂന്നാർ ചുട്ടുപൊള്ളുന്നു, ഇവരുടെ ചുടുകണ്ണീരിൽ

അത് പടയപ്പ ആയിരുന്നോ? മൂന്നാറിൽ അടുത്തിടെ നാട്ടുകാരും വനംവകുപ്പും തമ്മിൽ നടക്കുന്ന തർക്കം ഇതാണ്. വന്യമൃഗശല്യം മൂലം ജനം പൊറുതി മുട്ടുമ്പോൾ സാങ്കേതിക പ്രശ്നങ്ങളാണ് അധികൃതർക്ക് തർക്കം. തങ്ങളെ ആക്രമിച്ചത് പടയപ്പ ആയിരുന്നോ? അറിയില്ല എന്നായിരുന്നു എസക്കി രാജന്റെ മറുപടി. അന്ന് ഓട്ടോറിക്ഷ ആക്രമിച്ചത് പടയപ്പ അല്ല, മറ്റൊരു ആനയാണ് എന്നാണ് വനംവകുപ്പിന്റെ വാദം. ഓട്ടോറിക്ഷ ഓടിച്ചിരുന്ന സുരേഷിനെ കൊലപ്പെടുത്തിയ ശേഷം അതേ ആന 2 ദിവസം ചോറ്റുപാറ ഉണ്ടായിരുന്നു എന്നും അതിനു ശേഷം തെന്മല എസ്റ്റേറ്റ് ഭാഗത്തേക്ക് പോയി എന്നും വനംവകുപ്പ് അധികൃതർ പറയുന്നു. അതേ സമയം, തൊഴിലാളികളിൽ വലിയൊരു വിഭാഗം പറയുന്നത് അന്ന് ആക്രമിച്ചത് പടയപ്പ തന്നെയാണ് എന്നാണ്. വനംവകുപ്പ് വാച്ചർമാർ പലരും ഇക്കാര്യം തങ്ങളോട് സമ്മതിച്ചിട്ടുണ്ടെന്നും ഇവർ പറയുന്നു. ആനശല്യത്തിന് അറുതി വരുത്താനല്ല ആനയെ കണ്ടെത്താനാണ് അന്വേഷണം എന്നും പറയാം. ഓട്ടോറിക്ഷ ആക്രമിച്ച് സുരേഷിനെ കൊലപ്പെടുത്തിയതിനു ശേഷം 2 ദിവസത്തിനുള്ളിൽ കടലാറിൽ ഒരു പലചരക്കു കട ആന ആക്രമിച്ചിരുന്നു. തൊഴിലാളികൾ ഇത് പടയപ്പ തന്നെയാണെന്ന് ഉറച്ചു വിശ്വസിക്കുന്നു. പടയപ്പ ഏതു നിമിഷവും പട്ടണത്തിലെ ഏതു ഭാഗത്തും പ്രത്യക്ഷപ്പെടാം, ഏതു കടയും ആക്രമിക്കാം, അതിന് പകലെന്നോ രാത്രിയെന്നോ വ്യത്യാസമില്ലെന്നും അവർ പറയുന്നു. ഒപ്പം, പട്ടണത്തില്‍ വച്ച് പടയപ്പ ആരെയും ആക്രമിച്ചിട്ടില്ല എന്നു വാദിക്കുന്നവരുമുണ്ട്. ആ ദിവസങ്ങളിൽ തന്നെ ഒരു ട്രാക്ടറും തകർത്തിരുന്നു. അതിലുണ്ടായിരുന്ന നാലു പേർ അടുത്തുള്ള ഒരു വീട്ടിലേക്ക് ഓടിക്കയറിയാണ് രക്ഷപെട്ടത്.
മുടങ്ങിയത് 2 മണിക്കൂർ; മേധാവിക്ക് നഷ്ടം 24,838 കോടി! പെട്ടത് ചെറുകിട കച്ചവടക്കാർ; സംഭവിച്ചതെല്ലാം നിഗൂഢം

ഡിജിറ്റൽ കണക്റ്റിവിറ്റിയുടെ ലോകത്ത് എപ്പോഴും ഓൺലൈനിലായിരിക്കുക എന്നത് ഏറെ പ്രധാനമാണ്. ഒരു ചെറിയ തെറ്റിനു പോലും വലിയ വില നൽകേണ്ടിവരും. 2010 ലെ ഹിറ്റ് ചിത്രമായ ‘ദി സോഷ്യൽ നെറ്റ്‌വർക്കിൽ’ മാർക്ക് സക്കർബർഗായി അഭിനയിച്ച ജെസ്സി ഐസൻബർഗ് ഒരു നിർണായക കാര്യം പറയുന്നുണ്ട് – ‘ഫെയ്സ്‌ബുക്കും മറ്റുള്ളവരും തമ്മിലുള്ള വ്യത്യാസം ഞാൻ പറയട്ടെ, ഞങ്ങൾ ഒരിക്കലും തകരില്ല.’ മെറ്റയുടെയും മേധാവി മാർക്ക് സക്കർബർഗിന്റെയും ആ വിശ്വാസമാണ് ഇപ്പോൾ ഇടക്കിടെ തകർന്നുക്കൊണ്ടിരിക്കുന്നത്. മാർച്ച് 5ന് ഇന്ത്യൻ സമയം രാത്രി എട്ട് മണിയോടെയാണ് ലോകത്തെ ഏറ്റവും വലിയ സോഷ്യൽ നെറ്റ്‌വർക്കിങ് സേവനദാതാക്കളായ മെറ്റയുടെ ഫെയ്സ്ബുക്, ഇൻസ്റ്റാഗ്രാം, മെസഞ്ചർ തുടങ്ങി സർവീസുകൾ നിശ്ചലമായത്. ആഗോളതലത്തിലുള്ള 300 കോടിയോളം ഉപയോക്താക്കളെ ഈ പ്രശ്നം ഏതെങ്കിലും വഴിക്ക് ബാധിച്ചുവെന്നാണ് റിപ്പോർട്ട്...
‘ആദ്യ വെടിയുണ്ട എന്റെ നേർക്ക്’; കേണൽ വാട്ക്സിന് മുന്നിൽ കനൽമരമായി ജ്വലിച്ചവൾ, അക്കമ്മ ചെറിയാൻ

ഒരിടത്തൊരിടത്ത് ഉശിരുള്ളൊരു പെൺപോരാളി ഉണ്ടായിരുന്നു. മഹാരാജാവിന്റെ കൊട്ടാരത്തിലേക്ക് മുഷ്ടിചുരുട്ടി മുദ്രാവാക്യം വിളിച്ച് പട നയിച്ചവൾ. വഴി മാറിയില്ലെങ്കിൽ നിറയൊഴിക്കുമെന്ന പട്ടാള മേധാവിയുടെ തിട്ടൂരത്തെ ഒറ്റനോട്ടം കൊണ്ട് ദഹിപ്പിച്ചവൾ. ‘ആദ്യ വെടിയുണ്ട എന്റെ നേർക്കാകട്ടെ’ എന്നു പറഞ്ഞ് ശില പോലെ നിന്നവൾ. 29 വയസ്സുകാരിയുടെ വിപ്ലവവീര്യത്തിനു മുന്നിൽ അടിയറവ് പറയേണ്ടിവന്നു മഹാരാജാവിന്. കേരളം ഒരിക്കലും മറക്കരുതാത്ത ആ ഉശിരിന്റെ പേരാണ്, അക്കമ്മ ചെറിയാൻ. തിരുവിതാംകൂറിന്റെ ഝാൻസി റാണി എന്നു മഹാത്മാഗാന്ധി വിശേഷിപ്പിച്ച ധീരവനിത. സമത്വത്തിനും സ്വാതന്ത്യ്രത്തിനും വേണ്ടി പോരാടുന്ന സ്ത്രീകളുടെ നിത്യപ്രചോദനമായ അക്കമ്മയുടെ ജീവിതം, സമാനതകളില്ലാത്ത സമരമായിരുന്നു.
നൂറിലും വീറോടെ അശ്വിൻ; വെട്ടിത്തിരിഞ്ഞ് മുന്നേറിയ വഴിയറിയാം, ഇൻഫോഗ്രാഫിക്സിലൂടെ

ടെസ്റ്റ് പരമ്പരകളിൽ ഏറ്റവും കൂടുതൽത്തവണ ടീം ഇന്ത്യയ്ക്കായി പ്ലയർ ഓഫ് ദ് ടൂർണമെന്റുകൾ ഏറ്റുവാങ്ങിയ താരം, റെഡ്/ പിങ്ക് ബോൾ മത്സരങ്ങളിൽ നിന്ന് ഇന്ത്യയ്ക്കായി ഏറ്റവുമധികം വിക്കറ്റുകൾ സ്വന്തമാക്കിയിട്ടുള്ള രണ്ടാമത്തെ താരം, ഇന്ത്യൻ മണ്ണിൽ ഏറ്റവും അധികം ടെസ്റ്റ് വിക്കറ്റുകൾ പിഴുത താരം.... എണ്ണിയാൽ തീരില്ല ചെന്നൈക്കാരൻ ബോളറുടെ വിശേഷണങ്ങൾ. ഓരോ മലയാളി ക്രിക്കറ്റ് ആരാധകരുടെ മനസ്സിലും ‘പക്കത്തു വീട്ടിലെ പയ്യൻ’ എന്ന പോലെ ഇടംപിടിച്ചിട്ടുള്ള ആർ. അശ്വിൻ ടെസ്റ്റ് ക്രിക്കറ്റിലെ സുപ്രധാനമായ ഒരു നാഴികക്കല്ലുകൂടി പിന്നിട്ടിരിക്കുകയാണ്. ദേശീയ ടീമിനായി 100 ടെസ്റ്റുകളിൽ കളത്തിലിറങ്ങുക... ഏതൊരു ക്രിക്കറ്ററുടെയും ഏറ്റവും വലിയ സ്വപ്നങ്ങളിലൊന്നാകും അശ്വിൻ പൂർത്തീകരിച്ച ഈ നേട്ടം എന്നതിൽ സംശയമില്ല. 100–ാം ടെസ്റ്റിന്റെ ഒന്നാം ഇന്നിങ്സും 4 വിക്കറ്റ് നേട്ടത്തോടെയാണ് അശ്വിൻ ആഘോഷമാക്കിയത്. 14 വർഷം നീണ്ട ടെസ്റ്റ് കരിയറിൽ അശ്വിൻ കൈപ്പിടിയിലൊതുക്കിയ നേട്ടങ്ങൾ ഒട്ടേറെയാണ്. അവയിൽ പ്രധാനപ്പെട്ടവ നിങ്ങൾക്കായി അവതരിപ്പിക്കുന്നു, ഇൻഫോഗ്രാഫിക്സിലൂടെ...
ഈ മനുഷ്യരെ പേടിക്കേണ്ടെന്ന് മൃഗങ്ങൾ പഠിച്ചു ! സർക്കാരിന്റെ 15 ലക്ഷം വാങ്ങി അവർ പോകുന്നു; കുടിയിറങ്ങുന്ന മലയോര ഗ്രാമം

ബത്തേരിയിൽ നിന്ന് രാവിലെ വടക്കനാട്ടേക്ക് പോകുമ്പോൾ റോഡരികിൽ ചൂട് മാറാത്ത ആനപ്പിണ്ടം കിടക്കുന്നു. കഴിഞ്ഞ രാത്രിയും ഇതുവഴി ആന കടന്നുപോയെന്ന് വ്യക്തം. ആനയെയും ആനപ്പിണ്ടത്തെയും അപൂർവമായി കണ്ടിരുന്ന ഒരു ജനത്തിന് ഇപ്പോൾ ആന തൊഴുത്തിൽ കെട്ടുന്ന പശുവിനെ പോലെ സുപരിചിതമായിരിക്കുന്നു. കഴിഞ്ഞ രാത്രിയിലും പടക്കവും ടോർച്ചുമെല്ലാമായി നാട്ടുകാർ ആനയെ തുരത്താനിറങ്ങി. ഈ ആനയോടിക്കൽ ജീവിതത്തിന്റെ ഭാഗമായി മാറിയിരിക്കുന്നവരാണ് വടക്കനാട്ടുകാർ. കേരളത്തിൽ വന്യമൃഗ ശല്യം ആദ്യമായി ബാധിച്ചു തുടങ്ങിയ സ്ഥലങ്ങളിലൊന്നാണ് വയനാട്ടിലെ ബത്തേരിക്കടുത്ത നൂൽപ്പുഴ പഞ്ചായത്തിലെ വടക്കനാട്. 1990കളിലാണ് ആദ്യം വന്യമൃഗ ആക്രമണം തുടങ്ങിയത്. ഏതാണ്ട് 15 വർഷം മുമ്പ് ഇവിടെ വന്യമൃഗങ്ങളുടെ വിഹാരകേന്ദ്രമായി മാറി. ആയിരത്തിയഞ്ഞൂറോളം കുടുംബങ്ങളാണ് ഇവിടെ താമസിക്കുന്നത്. ഇരുട്ടുവീണാൽ മുറ്റവും കൃഷിയിടവും ആനയുടെയും കടുവയുടെയും വിഹാരകേന്ദ്രമാണ്. മാൻ, കുരങ്ങ്, പന്നി തുടങ്ങിയവ പകൽ സമയത്തും പറമ്പിലൂടെ ഓടിക്കളിക്കും. വടക്കാനാട്ടെ ജനങ്ങളുടെ ജീവിതം വലിയൊരു മാറ്റത്തിന്റെ ഘട്ടത്തിലൂടെയാണ് കടന്നുപോകുന്നത്. 1990കളിലാണ് വടക്കനാട് ആദ്യമായി കാട്ടാനയുെട ആക്രമണം ഉണ്ടാകുന്നത്. വടക്കനാട്ടെ വ്യാപാരിയും അന്നത്തെ പത്ര ഏജന്റുമായിരുന്ന എൻ. ഗോപാലൻ ഓർക്കുന്നു. അക്കാലത്ത് വടക്കനാട്ടുകാർ വന്യമൃഗ ആക്രമണത്തെക്കുറിച്ച് പരാതിയുമായി ചെന്നാൽ അവഗണിക്കുകയായിരുന്നു പതിവ്. ഇന്ന് വന്യമൃഗ ആക്രമണം സംസ്ഥാന ദുരന്തമായി പ്രഖ്യാപിച്ച സാഹചര്യത്തിലേക്കെത്തി. വന്യമൃഗ ആക്രമണത്തിന്റെ ആദ്യത്തെ ഇരകളിൽപ്പെട്ടവരാണ് വടക്കനാട്ടുകാർ എന്ന് വിശേഷിപ്പിക്കാം. കേരളത്തിലങ്ങോളമിങ്ങോളം വന്യമൃഗ ആക്രമണം രൂക്ഷമായിക്കൊണ്ടിരിക്കുമ്പോൾ വന്യമൃഗ ശല്യം ഒരു നാടിെന ഏതുരീതിയിലാണ് മാറ്റിയെന്നതിന് ഉദാഹരണമാണ് വടക്കനാട്. ആ കാഴ്ചകൾ കാണാം.
99 ടെസ്റ്റ്, 507 വിക്കറ്റ്, 3309 റൺസ്, പ്ലയർ ഓഫ് ദ് മാച്ചുകളിൽ ‘ഒന്നാമൻ’; നായകനാകാൻ ഇതൊന്നും പോരെന്നോ?

ഇന്ത്യ– ഇംഗ്ലണ്ട് ടെസ്റ്റ് പരമ്പരയിലെ അവസാന മൽസരം ധരംശാലയിലെ ഹിമാചൽപ്രദേശ് ക്രിക്കറ്റ് അസോസിയേഷൻ സ്റ്റേഡിയത്തിൽ മാർച്ച് 7ന് തുടക്കമാകുമ്പോൾ ഇന്ത്യൻ ക്രിക്കറ്റ് പ്രേമികൾ ഉറ്റുനോക്കുന്നൊരു താരമുണ്ട്– രവിചന്ദ്രൻ അശ്വിൻ. ഹിമാലയൻ താഴ്‌വരയിലെ പിച്ചിൽ തന്റെ മാന്ത്രിക വിരലുകളിൽ ഈ സ്പിന്നർ എന്തൊക്കെയാണ് ഒളിപ്പിച്ചു വച്ചിരിക്കുന്നത് എന്നതുമാത്രമല്ല അശ്വിനെ മൽസരത്തിലെ കേന്ദ്രബിന്ദുവാക്കുന്നത്. അശ്വിന്റെ 100–ാം ടെസ്റ്റ് മൽസരത്തിനാണ് ധരംശാല ഇക്കുറി വേദിയൊരുക്കുന്നത്. ധരംശാലയിലെ ശൈത്യംനിറഞ്ഞ മൈതാനത്തിറങ്ങുന്നതോടെ 100 ടെസ്റ്റ് ക്ലബിൽ അംഗമാകുന്ന ലോകത്തിലെ 77–ാമത്തെ താരമാകും അശ്വിൻ. ടെസ്റ്റ് ക്രിക്കറ്റിൽ 100 മൽസരങ്ങൾ എന്ന മാന്ത്രിക സംഖ്യ പൂർത്തിയാക്കിയ ഇന്ത്യക്കാരുടെ എണ്ണം ഇതോടെ 14 ആകും. സുനിൽ ഗാവസ്കർ (ആകെ 125 മൽസരങ്ങൾ), കപിൽദേവ് (131), ദിലീപ് വെങ്സാർക്കർ (116), സച്ചിൻ തെൻഡുൽക്കർ (200), രാഹുൽ ദ്രാവിഡ് (164), അനിൽ കുംബ്ലെ (132),വി. വി. എസ്. ലക്ഷ്മൺ (134) സൗരവ് ഗാംഗുലി (113), വീരേന്ദ്ര സേവാഗ് (104), ഹർഭജൻ സിങ് (103), വിരാട് കോലി (113), ഇഷാന്ത് ശർമ (105), ചേതേശ്വർ പൂജാര (103) എന്നിവരാണ് അശ്വിനുമുൻപെ 100 എന്ന നാഴികകല്ല് പിന്നിട്ടവർ.
22 മണിക്കൂർ ‘ഗോൾഡൻ അവർ’; കൂരിരുട്ട്, കഴുത്തറ്റം വെള്ളം! ‘ആ രാത്രി മുഴുവൻ കിണറ്റിൽ കിടന്നു നിലവിളിച്ചു’

ഒരു രാത്രി മുഴുവൻ കഴുത്തറ്റം വെള്ളത്തിൽ കൂരിരുട്ടിൽ കിണറ്റിൽ കഴിയേണ്ടി വന്നാലോ ? ഓർക്കുമ്പോൾ പോലും ഭയം വരുന്നല്ലേ. അങ്ങനെ ഒരു രാത്രി കഴിഞ്ഞ ശേഷം ജീവിതത്തിലേക്ക് തിരികെ വന്നത് അടൂരിനടുത്ത് വയലാ പ്ലാവിളയിൽ എലിസബത്ത് ബാബുവാണ്. വന്യമൃഗശല്യത്തിൽ ജീവനുവേണ്ടി പായുന്ന നാട്ടുകാരുടെ പ്രതിനിധിയാണ് എലിസബത്ത്. സ്വന്തം വീടിനു സമീപത്തു പോലും സുരക്ഷിതമില്ലാത്ത അവസ്ഥ. ജീവൻ തിരികെ കിട്ടയത് ഭാഗ്യം കൊണ്ടു മാത്രം. ഒരു പക്ഷേ കേരളം ഇന്നു വരെ കണ്ടിട്ടില്ലാത്ത ദുരന്തം നമുക്കരികെയുണ്ടെന്ന മുന്നറിയിപ്പും എലിസബത്ത് നൽകുന്നു. കഴിഞ്ഞ ദിവസമാണ് സംഭവം. കാട്ടുപന്നിയുടെ ആക്രമണത്തിൽ നിന്ന് രക്ഷപ്പെടാനുള്ള ശ്രമത്തിനിടെ കിണറ്റിൽവീണ അടൂർ വയലാ പ്ലാവിളയിൽ എലിസബത്ത് ബാബു (54) കഴുത്തറ്റം വെള്ളത്തിൽ മുങ്ങി കിടന്നത് 22 മണിക്കൂർ‌. തിങ്കളാഴ്ച വൈകിട്ട് 5ന് വീണ എലിസബത്തിന‌െ നാട്ടുകാർ കണ്ടെത്തി അഗ്നിരക്ഷാകേന്ദ്രത്തിന്റെ സഹായത്തോടെ കരയ്ക്കെത്തിച്ചപ്പോൾ ചൊവ്വാഴ്ച വൈകിട്ട് 3 മണിയായിരുന്നു. ഇപ്പോൾ അടൂർ ജനറൽ ആശുപത്രിയിൽ ചികിത്സയിലാണ് എലിസബത്ത്. 22 മണിക്കൂർ കഴുത്തറ്റം വെള്ളത്തിൽ മുങ്ങി കിടന്നപ്പോഴത്തെ അനുഭവം മനോരമ ഓൺലൈൻ പ്രീമയത്തിൽ എലിസബത്ത് ബാബു വിവരിക്കുന്നു.
ഒന്നരലക്ഷം ശമ്പളം; ‘അതിഥിത്തൊഴിലാളികൾ’ ഇസ്രയേലിലേക്ക്; കേന്ദ്ര സർക്കാരിന്റെ ഇരട്ടത്താപ്പിന് പിന്നിലെന്ത്?

ഈ സംഭവം ഓർമയുണ്ടോ? 2023 ഫെബ്രുവരി, ഒരു വർഷം മുൻപ് ഇസ്രയേലിലേക്ക് കൃഷി പഠിക്കാൻ കേരള സർക്കാർ അയച്ച മലയാളി സംഘത്തിലെ ഒരു കര്‍ഷകനെ കാണാതായി. സർക്കാർ ഇടപെട്ട് നടത്തിയ നീക്കങ്ങൾക്കൊടുവിൽ കണ്ണൂർ സ്വദേശിയായ അദ്ദേഹം സ്വയം തിരികെ വരാൻ തയാറായി. ഇതോടെ വിവാദം അവസാനിച്ചു. അതേസമയം ഇസ്രയേലിലെ തൊഴിൽ, ആകർഷകമായ വേതനം എന്നിവയെ കുറിച്ചുള്ള ചർച്ചകൾക്ക് കർഷകന്റെ 'കാണാതാവൽ' വഴിവച്ചു. ഇപ്പോഴിതാ ഇസ്രയേൽ സർക്കാർ നേരിട്ട് ഇടപെട്ട് ഇന്ത്യൻ പൗരൻമാരെ തൊഴിൽ വീസയില്‍ കൊണ്ടുപോകുവാനായി നമ്മുടെ രാജ്യത്ത് എത്തിയിരിക്കുകയാണ്. സാധാരണ ഇസ്രയേലിൽ ആരോഗ്യ രംഗത്താണ് മലയാളികൾ അടക്കമുള്ള ഇന്ത്യക്കാർ കൂടുതലായി ജോലി ചെയ്യുന്നത്. എന്നാൽ ഇപ്പോൾ കെട്ടിട മേഖലയിലേക്കാണ് വിദഗ്ധ തൊഴിലാളികളെ ഇസ്രയേൽ തേടുന്നത്. ഉത്തേരന്ത്യൻ സംസ്ഥാനങ്ങളായ യുപി, ഹരിയാന തുടങ്ങിയ സംസ്ഥാനങ്ങളിൽ നിന്നുമാണ് ആയിരക്കണക്കിനു തൊഴിലാളികളെ ഇതുവരെ ജോലിക്കായി തിരഞ്ഞെടുത്തത്.
90 ദിവസത്തിനുള്ളിൽ 9129 കോടി നിക്ഷേപം! 27–ാം വയസ്സിൽ ശതകോടീശ്വരൻ; ‘മുത്താണ്’ ഈ സൈബർ 365 ഉടമ

നൂറുകണക്കിനു ശതകോടീശ്വരൻമാരുടെ നാടാണ് ഇന്ത്യ. ഗൗതം അദാനി മുതൽ മുകേഷ് അംബാനി വരെയുള്ള വൻകിട വ്യവസായികൾ രാജ്യാന്തര വിപണിയിൽ നിറഞ്ഞുനിൽക്കുന്നു. ഇത്തരം കോടീശ്വരൻമാരുടെ കുതിപ്പും കിതപ്പുമാണ് രാജ്യാന്തര, ആഭ്യന്തര വിപണികളെ ഒരു പരിധിവരെ സ്വാധീനിക്കുന്നതും നിയന്ത്രിക്കുന്നതും. ഈ മേഖലയിലേക്ക് നിരവധി പുതിയ
പകൽ പുറത്തിറങ്ങില്ല; പൊലീസ് പിടിക്കാതിരിക്കാൻ തല മൊട്ടയടിച്ചു! ആ 19 മണിക്കൂർ കുട്ടി എവിടെ ആയിരുന്നു?

ഫെബ്രുവരി 19 ന് അർധരാത്രി കഴിഞ്ഞാണ് കേരളത്തെ നടുക്കിയ ആ വാർത്ത പുറത്തുവന്നത്. ബിഹാർ സ്വദേശികളായ മാതാപിതാക്കൾക്കു മധ്യേ ഉറങ്ങിക്കിടന്ന രണ്ട് വയസ്സുകാരിയെ തട്ടിക്കൊണ്ടുപോയെന്ന വാർത്ത പുറത്തുവരുന്നത്. രാത്രി അമ്മയ്ക്കും അച്ഛനും ഒപ്പം ഉറങ്ങാൻ കിടന്ന കുട്ടിയെ രാത്രി 1 മണിക്ക് ഉണർന്ന പിതാവാണ് കുട്ടിയെ കാണാനില്ലെന്ന് ആദ്യം അറിയുന്നത്. ചാക്ക വിമാനത്താവളം റോഡരികിൽ രാജ്യത്തെ തന്നെ ഏറ്റവും സുരക്ഷയുള്ള ബ്രഹ്മോസിനോട് ചേർന്നുള്ള തുറസായ സ്ഥലത്താണ് 11 പേരടങ്ങുന്ന ബിഹാറി കുടുംബങ്ങൾ താമസിച്ചിരുന്നത്. തേനീച്ച കൂടുകളിൽ നിന്ന് തേനെടുക്കാൻ വൈദഗ്ധ്യമുള്ള ഇവർ എല്ലാ വർഷവും രണ്ട് മാസം ഇവിടെ വന്ന് താമസിക്കാറുണ്ട്. കുട്ടിയെ കാണാതായി രാത്രി 1 മണിയോടെ തന്നെ പൊലീസ് സ്റ്റേഷനിലെത്തി പരാതി നൽകിയെങ്കിലും 19 മണിക്കൂർ കഴിഞ്ഞ് ബ്രഹ്മോസിന്റെ പിറകുവശത്തുള്ള റെയിൽവെ ട്രാക്കിനോട് ചേർന്നുള്ള ആറടിയിലധികം താഴ്ചയുള്ള ഓടയിൽ നിന്നാണ് കുട്ടിയെ പൊലീസിന് കണ്ടെത്താനായാത്. പക്ഷേ തട്ടിക്കൊണ്ടുപോയതാര് എന്ന ചോദ്യത്തിന് ഉത്തരം കണ്ടെത്താൻ കഴിഞ്ഞ 12 ദിവസവും പൊലീസിനായില്ല. സിസിടിവികളെല്ലാം അരിച്ചുപെറുക്കി പരിശോധിച്ചെങ്കിലും പൊലീസിന് ഉത്തരം കണ്ടെത്താനായില്ല. ഒടുവിൽ 12 ദിവസത്തിന് ശേഷം ആ ദുരുഹതയുടെ ചുരുളഴിയുന്നു. അതേ സമയം പൊലീസ് പറയുന്നതു പോലെ വെറുമൊരു കുറ്റവാളിയാണോ ഹസൻകുട്ടി. ആ സംശയം ഉയരുന്നത് അയാളുടെ ജീവിതരീതി കുടുതൽ അറിയുമ്പോഴാണ്. ഹസൻകുട്ടി ഒറ്റയ്ക്കാണോ. അതോ പിന്നിൽ വൻ സംഘമുണ്ടോ ?
ഗഗൻയാൻ യാത്രികരിൽ മലയാളി; പടിവാതിൽക്കൽ തിരഞ്ഞെടുപ്പ്; എന്തിനായിരുന്നു മോദിയുടെ ആ സർപ്രൈസ്? അതും കേരളത്തിൽ

ബഹിരാകാശത്തേക്ക് ഒരു ഇന്ത്യക്കാരനെയും കൊണ്ട് ഇന്ത്യയുടെ തന്നെ റോക്കറ്റ് കുതിച്ചുയരാൻ കുറഞ്ഞത് ഒന്നര വർഷമെങ്കിലും ഇനിയുമുണ്ട്. 2025 അവസാനത്തോടെയാകും ഗഗൻയാൻ ദൗത്യം യാഥാർഥ്യമാകുക എന്നാണ് ഇപ്പോൾ കണക്കാക്കുന്നത്. ഒരുപക്ഷേ, കോവിഡ് കാലത്തെ മാന്ദ്യം ഉണ്ടായിരുന്നില്ലെങ്കിൽ രണ്ട് വർഷം മുൻപേ ഇന്ത്യക്കാരൻ ഈ മണ്ണിൽ നിന്ന് ബഹിരാകാശത്ത് എത്തിയേനെ. പക്ഷേ, ഒന്നര വർഷം ബാക്കി നിൽക്കുമ്പോൾ പ്രധാനമന്ത്രി നരേന്ദ്ര മോദി തിടുക്കപ്പെട്ട് ഗഗൻയാൻ യാത്രികരാകാൻ ചുരുക്കപ്പട്ടികയിൽ ഉൾപ്പെട്ടവരുടെ പേര് വെളിപ്പെടുത്തിയത് എന്തുകൊണ്ടാണ്? അതും തിരഞ്ഞെടുപ്പ് പടിവാതിൽക്കൽ നിൽക്കുമ്പോൾ! പേരുകൾ പ്രഖ്യാപിച്ചതാകട്ടെ, കേരളത്തിൽ വച്ചും...
‘ആനെഹൊണ്ടെ’യിൽ തീർന്ന ജീവിതങ്ങൾ; ‘‘ഉദാ ഉദാ’’ വിളി മുഴങ്ങുന്ന മാഘപൗർണമി; ദേവദാസികൾക്ക് രക്ഷകരെത്തിയോ?

മാഘപൗർണമി, കർണാടകയിലെ പെൺജീവിതങ്ങൾക്ക് അതു ശരിക്കും അമാവാസിയായിരുന്നു. ആഘോഷങ്ങളുടെയും ആചാരങ്ങളുടെയും ഒരു ദിവസത്തെ വർണക്കാഴ്‌ചയാണ് ഈ പൗർണമി. അതു കഴിഞ്ഞാൽ കുറേ സ്ത്രീകളെ പിന്നെ കാത്തിരുന്നത് നിറംകെട്ട ജീവിതമായിരുന്നു. പണ്ട്, കർണാടകയിലെ യെല്ലമ്മ ക്ഷേത്രങ്ങളിൽ വാത്മീകി, മാതികാ സമുദായത്തിൽപ്പെട്ട പെൺകുട്ടികളെ ദേവദാസിയാക്കിയിരുന്നതു മാഘമാസത്തിലെ പൗർണ‌മി നാളിലായിരുന്നു. മാഘപൗർണമിക്കു കർണാടകയിലെ ഉച്ചംഗിമലയിലേക്കു നടത്തിയ യാത്ര 2014 ഫെബ്രുവരി 02ന് ‘മലയാള മനോരമ’ ‘ഞായറാഴ്ച’യിൽ പ്രസിദ്ധീകരിച്ചതിന്റെ 10–ാം വാർഷികത്തിൽ അങ്ങോട്ടു വീണ്ടും ഒരു യാത്ര പോകുകയായിരുന്നു, 2024 ഫെബ്രുവരി 23ന്; ഉച്ചംഗിമലയിലെ ഈ വർഷത്തെ മാഘപൗർണമി കാണാൻ.
വീണയിലൂടെ ഒഴുകിയെത്തിയ ‘മഹാ’ സംഗീതം; ഗ്രാമിയും തഴുകി മുന്നോട്ട്; മലയാളത്തിനും അഭിമാനം

ശങ്കർ മഹാദേവനു മലയാളത്തിൽ വഴങ്ങാതിരുന്ന അക്ഷരം ‘ര’ ആണ്. പക്ഷേ 'ര' യ്ക്കു പകരം 'റ' ഉപയോഗിച്ചും അദ്ദേഹം ഒട്ടേറെ പാട്ടുകളിലൂടെ മലയാളികളെ വിസ്മയിപ്പിച്ചു. അരി എന്ന വാക്കു പലവട്ടം ഉരുവിട്ടു പഠിച്ചാണ് ഒടുവിൽ അദ്ദേഹത്തിനു 'ര' വഴങ്ങിയത്. പക്ഷേ 'റ' തന്നെയാണു ഭംഗിയെന്നു പല സംഗീത സംവിധായകരും തന്നോടു പറഞ്ഞതായി
GRAPHIC STORY

മഷി മാറ്റിയാൽ മാർക്ക് കൂടില്ല; പഠിച്ചത് മറക്കാതിരിക്കാൻ ‘ചിലന്തിക്കുറിപ്പ്’; ഓർമ കൂട്ടാൻ ഇതാ ചില പരീക്ഷാ ‘ടിപ്‌സ്’

എസ്എസ്എൽസി പരീക്ഷ ദാ തൊട്ടടുത്തെത്തി; മാർച്ച് 4 മുതൽ പത്താം ക്ലാസ് പരീക്ഷയുടെ തിരക്ക്. ഒപ്പം ഹയർ സെക്കൻഡറി പരീക്ഷയും തുടങ്ങിക്കഴിഞ്ഞു. പിന്നെയും പല പല പരീക്ഷകൾ. പക്ഷേ, നന്നായി പഠിച്ചവർക്ക് പരീക്ഷയൊന്നും ഒരു പരീക്ഷണമേയല്ല. അപ്പോൾ പഠിക്കാത്തവർക്കോ? അവരും പേടിക്കേണ്ട, കുറച്ചു സമയംകൊണ്ട് കൂടുതൽ നന്നായി പഠിക്കാനും വഴികളുണ്ട്. അതിന് ഏതാനും ഘട്ടങ്ങളും. അതിനെപ്പറ്റി പറയുകയാണ് തിരുവനന്തപുരം മെഡിക്കൽ കോളജിലെ സൈക്യാട്രി അസിസ്റ്റന്റ് പ്രഫസർ ഡോ. അരുൺ ബി.നായർ. ഇത്തവണ ഇങ്ങനെ പഠിച്ചു നോക്കിയാലോ?
തലയുയർത്തി കൊമ്പന്മാർ, ആവേശമുണർത്തി മേളം: കാണാം ഉത്രാളിക്കാവ് പൂരക്കാഴ്ചകൾ

പൂരം കാണാൻ എത്തിയവരെ ആസ്വാദനത്തിന്റെ ഉച്ചിയിൽ എത്തിക്കാൻ 3 ദേശങ്ങളും മത്സരിച്ചപ്പോൾ പതിവുപോലെ ഇക്കുറിയും ഉത്രാളിക്കാവിലെ പൂരം പൂർണതയിലെത്തി. കേരളത്തിലെ പേരുകേട്ട വാദ്യക്കാരും ലക്ഷണമൊത്ത ആനകളും അണിനിരന്ന എഴുന്നള്ളിപ്പുകളും പഞ്ചവാദ്യം, മേളം എന്നിവയും അവിസ്മരണീയ അനുഭൂതി സമ്മാനിച്ചു. കൂട്ടിയെഴുന്നള്ളിപ്പും ഭഗവതി പൂരവും എങ്കക്കാട് ദേശം നടത്തിയ വെടിക്കെട്ടും പതിനായിരങ്ങൾക്കു ദൃശ്യ- ശ്രാവ്യ വിരുന്നായി. 3 ദേശങ്ങളും 11 വീതം ആനകളെയാണ് എഴുന്നള്ളിപ്പിൽ അണിനിരത്തിയത്. ഉത്രാളിക്കാവിന്റെ ഉത്സവമേളം പിന്നിലെ ട്രാക്കിലൂടെ കൂകിയെത്തിയ ട്രെയിനിലെ യാത്രികർക്കും കൗതുകം സമ്മാനിക്കുന്ന കാഴ്ചയാണ്. മലയാള മനോരമ തൃശൂർ ബ്യൂറോയിലെ ചീഫ് ഫൊട്ടോഗ്രഫർ റസ്സൽ ഷാഹുൽ പകർ‍ത്തിയ ചിത്രങ്ങൾ കാണാം...
നഗ്നമൃതദേഹങ്ങൾ പൊലീസിനെ ഞെട്ടിച്ച കാലം: ഒരേസമയം 2 കാമുകിമാർ, ജയിലിലും തേടിയെത്തി വിവാഹം!

ഒരു കോളജ് കുമാരനെ പോലെ സുന്ദരൻ, ഒരേ സമയം രണ്ട് പേരെ പ്രണയിച്ച കാമുകൻ. ആത്മഹത്യയ്ക്ക് എതിരായ സന്ദേശം പ്രചരിപ്പിച്ച സന്നദ്ധ പ്രവർത്തകൻ. പക്ഷേ, കാലം ഇങ്ങനെയൊന്നുമല്ല ടെഡ് ബണ്ടിയെ അടയാളപ്പെടുത്തുന്നത്. യുഎസിലെ തെരുവുകളിൽ സ്ത്രീകളെയും പെൺകുട്ടികളെയും കൊന്നിട്ട് കടന്നു കളഞ്ഞിരുന്ന പരമ്പരക്കൊലയാളി. ഭീതിയുടെ ചരിത്രത്താളുകളിൽ ചോരച്ചുവപ്പോടെ എഴുതപ്പെട്ട പേര്. എന്തിനാണ് ടെഡ് കൊലപാതകങ്ങൾ നടത്തിയതെന്ന ചോദ്യത്തിന് ഇന്നും കൃത്യമായ ഉത്തരമില്ല. ഒരുപക്ഷേ അയാൾ പോലും ആ ചോദ്യത്തിന് കൃത്യമായ ഒരുത്തരം നൽകിയിട്ടില്ല. കൊലപാതകങ്ങൾ എന്നും ടെഡിന് ഹരമായിരുന്നു. 18 വയസ്സിനു താഴെയുള്ള പെൺകുട്ടികളായിരുന്നു അയാളുടെ ഇരകളിലേറെയും. മുപ്പതോളം പെൺകുട്ടികളെ കൊലപ്പെടുത്തിയതിന് അയാൾക്ക് വധശിക്ഷയും ലഭിച്ചു. എന്നാൽ തെളിയിക്കപ്പെടാതെ കിടക്കുന്ന മുപ്പതിലേറെ കൊലപാതകക്കേസുകൾക്കു പിന്നിലും ടെഡ് ആണെന്നാണ് പൊലീസ് ഇന്നും വിശ്വസിക്കുന്നത്. അതിനവർക്ക് വ്യക്തമായ കാരണങ്ങളുമുണ്ട്. പക്ഷേ തെളിവുകളില്ലായിരുന്നുവെന്നു മാത്രം. അതുതന്നെയാണ് ടെഡ് ബണ്ടിയും സ്വീകരിച്ച രീതി; കൊലപാതകം നടത്തും പക്ഷേ തെളിവുണ്ടാകില്ല. ഒരുകാലത്ത് യുഎസിന്റെ ഉറക്കം കെടുത്തിയ, ഇന്നും സിരകളിൽ ഭയത്തിന്‍റെ പ്രകമ്പനം സൃഷ്ടിക്കുന്ന ആ പരമ്പരക്കൊലയാളിയുടെ കഥയാണിത്.
പേരിൽ പോലും ഗസൽ മാധുര്യം; ഹൃദയം നിറഞ്ഞു തുളുമ്പിയ കരുണയിൽ നിന്ന് ഉറവകൊണ്ട സംഗീതം; പുതുതലമുറയുടെ വഴികാട്ടി

പങ്കജ് ഉധാസ് എന്ന പേരിൽ തന്നെ ഗസൽ മാധുര്യം പുരണ്ടതായൊരു തോന്നൽ വരും. പലർക്കും ഇങ്ങനെ തോന്നിയിരിക്കണം. പങ്കജ് ഗസൽ ഗായകനാണെന്ന അറിവിൽ നിന്നും അദ്ദേഹത്തിന്റെ ഗാനങ്ങളുടെ മാധുര്യം നുകർന്നതിന്റെ ലഹരിയിൽ നിന്നും തന്നെയാണ് ഈ തോന്നലിനു ശക്തിയേറുന്നത്. എങ്കിലും പങ്കജ് ഉധാസ് എന്നു സംഗീതമറിയുന്നവർ
‘ആ ക്ഷണം പങ്കജ് ഉധാസിന് മാത്രം കഴിയുന്നത്’: പ്രവാസിയെ കരയിച്ച വരികൾ: മറക്കില്ല മാന്ത്രികാ ‘എന്നുമീ സ്വരം’

‘‘പ്രണയിതാവിനോട് സ്നേഹത്തെക്കുറിച്ച് സംവദിക്കുക, ഗസൽ എന്ന വാക്കിന് അറബിയിലുള്ള അർഥമിതാണ്. അവിടെ വരികൾക്ക് അല്ലെങ്കിൽ അതിലെ കവിതയ്ക്കാണ് പ്രാധാന്യം കൂടുതൽ. ആലാപനം രണ്ടാമതാണ്. ആലാപനം സങ്കീർണമാക്കാൻ ശ്രമിക്കുമ്പോൾ ചിലപ്പോൾ വരികളുടെ ഭംഗി നഷ്ടമാകും. അതില്ലെന്ന് ഉറപ്പുവരുത്താൻ പങ്കജ് ഉധാസ് ജി എല്ലായ്പ്പോഴും ശ്രദ്ധിച്ചിരുന്നു. വലിയ കസർത്തുകളില്ലാതെ വ്യക്തതയോടെ അനായാസം ആസ്വാദകനിലേയ്ക്ക് പെയ്തിറങ്ങുന്ന ആലാപനം. ലാളിത്യമായിരുന്നു അദ്ദേഹത്തിന്റെ മുഖമുദ്ര. സംഗീതത്തിലും ജീവിതത്തിലും’’- ഗസൽ മാന്ത്രികൻ പങ്കജ് ഉധാസിനെക്കുറിച്ചുള്ള ജിതേഷ് സുന്ദരത്തിന്റെ വാക്കുകളാണിത്. ഗസൽ സമ്രാട്ട് അനൂപ് ജലോട്ടയുടെ ശിഷ്യനാണ് തലശ്ശേരി സ്വദേശി ജിതേഷ് സുന്ദരം. പങ്കജ് ഉധാസ് മലയാളത്തിൽ ആദ്യമായി പാടിയത് ജിതേഷിന്റെ ആൽബത്തിനു വേണ്ടിയായിരുന്നു. അദ്ദേഹവുമൊത്തുള്ള പാട്ടോർമകൾ പങ്കുവയ്ക്കുകയാണ് ജിതേഷ്.
പേടിപ്പിച്ച് ചുവന്ന വെളിച്ചം, ഗർജനം: കാട്ടാനയും പന്നിയും ‘പറപറക്കും’ ഈ യന്ത്രം തോട്ടത്തിൽ സ്ഥാപിച്ചാൽ: എങ്ങനെ?

നാട്ടിലിറങ്ങുന്ന കാട്ടുമൃഗങ്ങളാണ് കർഷകന്റെ ഇപ്പോഴത്തെ ആദ്യത്തെ ശത്രു. കീടങ്ങളും രോഗങ്ങളും ഇപ്പോൾ രണ്ടാമതേയുള്ളൂ. വെള്ളം കോരി, വളമിട്ടു വളർത്തി, കൂമ്പ് വിടരാറായി നിൽക്കുന്ന വാഴ കാട്ടാന കണ്ടാൽ പിന്നെ പറയേണ്ടതില്ല. സദ്യ കഴിക്കും പോലെ അത് കുശാലായി തിന്നുമെന്നാണ് കർഷക പക്ഷം. അതുപോലെയാണ് കാട്ടുപന്നികളുടെ വിളയാട്ടവും. പെറ്റുപെരുകി നാട്ടിൽ കൂടിയ ഇവയെ പിടിക്കാൻ സംവിധാനമില്ല. ആന കരിമ്പിൻ കാട്ടിൽ കയറുംപോലെയാണ് ഇവയുടെ പ്രവൃത്തി. ആകെ ചവിട്ടിമെതിച്ചേ കൃഷിയിടത്തിൽനിന്ന് പോകൂ. കേരളത്തിലെ മലയോര കർഷക ജില്ലകളിലെല്ലാം ഇതാണ് നിലവിലെ അവസ്ഥ. നാട്ടിലേക്കിറങ്ങി മനുഷ്യ ജീവനെടുത്തും ദുരിതം വിതയ്ക്കുകയാണ് വന്യ മൃഗങ്ങൾ. പാട്ടകൊട്ടിയാൽപ്പോലും പേടിക്കാത്ത കാട്ടുമൃഗങ്ങളെ തുരത്താൻ പുതുവഴി തേടേണ്ട സമയമായോ? അതിനുള്ള ഉത്തരവുമായി ഒരു പുതിയ യന്ത്രം എത്തിയിട്ടുണ്ട്. കാട്ടുമൃഗങ്ങൾ എങ്ങനെയാണ് മനുഷ്യന് ഭീതിയാകുന്നത്? ഐസിഎആർ തയാറാക്കിയ പുതിയ യന്ത്രം അവയെ എങ്ങനെ പ്രതിരോധിക്കും? വിശദമായി അറിയാം.
തോൽവിയുടെ മരണക്കിടക്കയിൽ നിന്ന് മടങ്ങിവരവ്; വാങ്ങിയ അടിക്ക് ഇരട്ടി തിരിച്ചു നൽകി ‘ദിമിയുഗം’

ഫെബ്രുവരി 12. അന്നൊരു തിങ്കളാഴ്ചയായിരുന്നു. സമയം രാത്രി 9.30. കലൂർ ജവാഹർലാൽ നെഹ്റു സ്റ്റേഡിയത്തിലെ പച്ച വിരിച്ച മൈതാനത്തു പാർശ്വ വരയ്ക്കു സമീപം വിയർത്തൊലിച്ച് അവർ നിന്നു; കുറ്റവാളികളെപ്പോലെ! കേരള ബ്ലാസ്റ്റേഴ്സ് ടീം. അവർക്കു മുന്നിൽ തൂവെള്ള ഷർട്ടും പാന്റ്സും ധരിച്ച ആറടി രണ്ടിഞ്ച് ഉയരമുള്ള ആ സെർബിയക്കാരനും; ടീമിന്റെ മുഖ്യ പരിശീലകൻ ഇവാൻ വുക്കോമനോവിച്ച്. ഈസ്റ്റ് ഗാലറിക്കു മുന്നിലായിരുന്നു ആ നിൽപ്. ബ്ലാസ്റ്റേഴ്സിന്റെ ആരാധകരുടെ ഔദ്യോഗിക കൂട്ടായ്മയായ ‘മഞ്ഞപ്പട’ക്കാർ ഇരിക്കുന്ന ഗാലറി. ടീമിലെ 12–ാമൻ എന്നു വിശേഷിപ്പിക്കപ്പെടുന്ന ആ ആരാധകക്കൂട്ടം ഗാലറികളിൽ എഴുന്നേറ്റു നിന്നു. ഗാലറികളിൽ നിന്നു പരിഭവങ്ങൾ ചിതറി വീണ ദിനം. ആരാധകരെ അഭിവാദ്യം ചെയ്യാൻ പോലും കഴിയാതെ, നനഞ്ഞ കണ്ണുകളോടെ ടീം നിശ്ചലം നിന്നു. ആ നിൽപു മിനിറ്റുകളോളം നീണ്ടു. പെട്ടെന്ന്, അക്കൂട്ടത്തിൽ നിന്ന് ഇവാൻ തിരിഞ്ഞു നടന്നു, വേഗത്തിൽ. ഡഗൗട്ടിലേയ്ക്കു മടങ്ങിയ അദ്ദേഹം വൈകാതെ അവിടം വിട്ടു. അൽപനേരം കൂടി ടീം ആരാധകർക്കു മുന്നിൽ നിന്നു. അഭിവാദ്യം ചെയ്തുവെന്നു വരുത്തി അവരും കളം വിട്ടു. ആരാധകരാകട്ടെ, ടീമിന്റെ തകർച്ചയിലെ വേദനയോടെ സ്റ്റേഡിയം വിട്ടു.
പരീക്ഷ അടുത്തു, ചെക്ക്‌ലിസ്റ്റ്’ തയാറായോ? എങ്ങനെ പഠിച്ചാൽ മാർക്ക് കൂട്ടാം? സഹായിക്കാൻ ഈ ‘തെറ്റുപുസ്തക’വും

സ്കൂൾ വിദ്യാർഥികൾക്കിത് പൊതുപരീക്ഷാക്കാലമാണ്. രക്ഷിതാക്കൾക്ക് മക്കളുടെ പരീക്ഷയെക്കുറിച്ചുള്ള വ്യാകുലതകളുടെ കാലവും! ഇനിയുള്ള ദിവസങ്ങളിൽ പരമാവധി നന്നായി പഠിച്ചു മാർക്ക് വാങ്ങാനുള്ള തയാറെടുപ്പാണാവശ്യം! ഇതുവരെ കഴിഞ്ഞ പരീക്ഷകളെയോർത്ത് ആശങ്കപ്പെടേണ്ടതില്ല. ഇഷ്ടം പോലെ സമയമുണ്ട്. രണ്ടു പരീക്ഷകൾക്കിടയിൽ ഇടവേളകളുണ്ട്. മനസ്സുവെച്ചാൽ മികച്ച വിജയം കൈവരിക്കാൻ ഇനിയും അവസരങ്ങളേറെയുണ്ട്. പഠിത്തത്തിൽ അൽപം ഗൗരവം കാട്ടിയാൽ മതി. പരീക്ഷയടുക്കുമ്പോഴുള്ള മുന്നൊരുക്കങ്ങളാണ് മികച്ച വിജയം നിർണയിക്കുന്നതിൽ പ്രധാന ഘടകം. തുടർച്ചയായ ഗൗരവമേറിയ പഠനമാണ് ഇതിനാവശ്യം. പൊതു പരീക്ഷകൾ അടുത്തുവരുമ്പോൾ വിദ്യാർഥികളിൽ മാനസിക പിരിമുറുക്കം സ്വാഭാവികമാണ്. വിദ്യാർഥികളിൽ പഠനം രണ്ടു രീതിയിലുണ്ട്. ഈസി പഠനവും എമർജൻസി പഠനവും. പതിവായി പഠിക്കുന്ന വിദ്യാർഥികൾക്ക് പിരിമുറുക്കം കുറവായിരിക്കും. അവർ ഈസി പഠന രീതിയാണ് പിന്തുടരുന്നത്. എന്നാൽ പരീക്ഷയടുക്കുമ്പോൾ എല്ലാ ഭാഗങ്ങളും ഒരുമിച്ച് പഠിക്കാൻ ശ്രമിക്കുന്ന വിദ്യാർഥികൾ എമർജൻസി പഠന രീതിയാണ് പിന്തുടരുന്നത്. ഇവരിലാണ് സ്വാഭാവികമായും ആശങ്ക കൂടുതലായും കണ്ടുവരുന്നത്. പഠിച്ചു തീരുമോ? പരീക്ഷ എളുപ്പമാകുമോ? തുടങ്ങി ഒട്ടേറെ സംശയങ്ങൾ അവരിലുണ്ടാകും. ഏത് പഠനരീതി പിന്തുടരുന്നവരും പൊതു പരീക്ഷയുടെ മുന്നൊരുക്കങ്ങളിൽ ശ്രദ്ധിക്കണം. ഇത് അനായാസേന മാനസിക പിരിമുറുക്കമില്ലാതെ പരീക്ഷയെഴുതാൻ അവരെ സഹായിക്കും.
ഏത് സ്ലാബിലാണ് നികുതി അടയ്ക്കുന്നത്? ഇനി ഒരു മാസം, പ്ലാനിങ് മികച്ചതാക്കാം; ഇളവ് നേടാം 6 ഘട്ടങ്ങളിലൂടെ

ആദായ നികുതിദായകർക്ക്, പ്രത്യേകിച്ച് ശമ്പളവരുമാനക്കാർക്ക് മാർച്ചിലെ ഓരോ ദിവസവും നിർണായകമാണ്. എത്രയൊക്കെ പ്ലാൻ ചെയ്താലും അതു കൃത്യമായി നടപ്പാക്കാനാകാതെ വരാം. അല്ലെങ്കിൽ പ്രതീക്ഷിക്കാത്ത വരുമാനം ഏതെങ്കിലും കയറി വരാം. അതോടെ ആദായനികുതി ബാധ്യത കുതിച്ചുയരും. ഇപ്പോൾ നമ്മുടെ എല്ലാ പണമിടപാടുകളും ആദായനികുതി വകുപ്പിനു കൈവെള്ളയിലെന്നപോലെ ലഭ്യമാണെന്നതിനാൽ നികുതിബാധ്യത കൂടാനുള്ള സാധ്യത കൂടുതലാണെന്നത് എല്ലാ നികുതിദായകരും മുൻകൂട്ടി കാണണം. അതായത്, ഇന്നത്തെ സാഹചര്യത്തിൽ അവസാന നിമിഷത്തിലെ ടാക്സ് പ്ലാനിങ്ങിന് മുൻപത്തേക്കാളും ഏറെ പ്രാധാന്യമുണ്ട്. അതിനാൽ, നികുതിയിളവു ലഭ്യമായ എല്ലാ അവസരങ്ങളെക്കുറിച്ചും ശരിയായി അറിഞ്ഞിരിക്കണം. ഉപയോഗപ്പെടുത്താവുന്നവയെല്ലാം അവസാന മിനിറ്റിലായാലും ഉപയോഗപ്പെടുത്തുകയും വേണം. അതുവഴി ജൂലൈയിൽ റിട്ടേൺ നൽകുമ്പോൾ വരാവുന്ന അധിക നികുതിബാധ്യതയും ഒരു പരിധിവരെ കുറയ്ക്കാനാകും. അതിനു നിങ്ങൾ സ്വീകരിക്കേണ്ട ഏതാനും ചുവടുകളാണ് താഴെ പറയുന്നത്. പഴയ സ്ലാബിൽ നികുതി അടയ്ക്കുന്നവർക്കേ നികുതി ഇളവു നേടാൻ വിവിധ അവസരങ്ങൾ ഉള്ളൂ. അതിനാൽ പുതിയ സ്ലാബുകാരെ സംബന്ധിച്ച് ഇത്തരം അവസാന നിമിഷത്തെ ആസൂത്രണത്തിന് വലിയ പ്രസക്തിയില്ല.
മരുഭൂമിയിൽ പച്ചപ്പ് തേടിയ മലയാളി നേടിയത് കുപ്പിയിൽ ഒളിപ്പിച്ച നിധി; സാഹോദര്യത്തിന്റെ വഴികാട്ടി സസ്യങ്ങൾ

കേരളത്തിന്റെ പച്ചപ്പിൽ നിന്ന് ഗൾഫ് രാജ്യങ്ങളിലേക്ക് പറിച്ചുനടപ്പെടുന്ന ഏതൊരു പ്രവാസിയുടെയും മനസ്സിൽ വീശിയടിക്കുന്ന വല്ലാത്ത ഒരു ഉഷ്ണക്കാറ്റുണ്ടാകും. ചുറ്റുമുണ്ടായിരുന്ന നനുത്ത പ്രകൃതിയിൽ നിന്ന് തീച്ചൂളയിലേക്ക് കാലെടുത്തു വയ്ക്കേണ്ടി വരുമ്പോഴുള്ള വിങ്ങലും. എന്നാൽ, ഗൾഫ് രാജ്യങ്ങൾ മുന്നോട്ടു വയ്ക്കുന്ന മികച്ച ഭൗതിക സൗകര്യങ്ങൾക്കിടയിൽ ഇത്തരം പ്രയാസങ്ങളെല്ലാം മനഃപൂർവം മറന്നു പോവുകയാണ് പതിവ്. എന്നാൽ, അത്തരത്തിലുള്ള പൊരുത്തപ്പെടലുകളോട് പൊരുത്തപ്പെടാൻ കഴിയാതെ പോയ ഒരാളുടെ കഥയാണിത്. കിരൺ കണ്ണൻ എന്ന ഇരിങ്ങാലക്കുട സ്വദേശിയായ പ്രവാസിയുടെ കഥ. 20 വർഷത്തോളമായി യുഎഇയിലുള്ള കിരൺ ശാസ്ത്ര ലേഖകൻ, പരിസ്ഥിതി സ്നേഹി അങ്ങനെ പല വിശേഷണങ്ങൾക്ക് ഉടമയാണ്... ജോലി ചെയ്യുന്നത് ഇൻഷുറൻസ് മേഖലയിൽ ആണെങ്കിലും ചരിത്രപരവും ജൈവശാസ്ത്രപരവും ഭൗമശാസ്ത്രപരവുമായ വിഷയങ്ങളുടെ ദൃശ്യ വിവരണങ്ങൾ തയാറാക്കുന്നത് പതിവാക്കിയിട്ടുള്ള കിരൺ, ഇതിന്റെ ഭാഗമായി ഇന്ത്യയിലെ വിവിധ സംസ്ഥാനങ്ങളും ഒട്ടേറെ വിദേശ രാജ്യങ്ങളും സന്ദർശിച്ചിട്ടുണ്ട്. ഹൈക്കിങ് (മലനടത്തം) ആണ് കിരണിന്റെ മറ്റൊരു ഇഷ്ട വിനോദം. കേരളത്തിന് സമാനമായ പ്രകൃതി ദൃശ്യം ഗൾഫ് രാജ്യങ്ങളിലും ഒരുക്കാൻ ശ്രമിക്കുന്ന കിരൺ അതിനായി കൂട്ടുപിടിക്കുന്നതും ശാസ്ത്രത്തിന്റെ സാധ്യതകൾ തന്നെയാണ്.
പൈനാപ്പിൾ തോട്ടത്തിൽ തൂങ്ങിമരിച്ച വാസു, സമീപം തോക്ക്: ദുരൂഹതയേറ്റി കൊൽക്കത്തയിലെ വനിത; ‌സിബിഐ വരും മുൻപേ കേരളം ‘തീർത്തു’

കേരളത്തിലെ ആനക്കൊമ്പു വേട്ടസംഘത്തിലെ പ്രധാനികളെയെല്ലാം പിടികൂടിക്കഴിഞ്ഞിരിക്കുന്നു. എന്നാൽ ഇവർ ആർക്കാണ് കൊമ്പുകളെല്ലാം വിറ്റത്? കേരളത്തിനു പുറത്തേക്ക് അന്വേഷണ സംഘത്തെ നയിക്കുന്ന നിർണായക വിവരമായിരുന്നു പിടിയിലായവരിൽനിന്നു ലഭിച്ചത്. അധികം വൈകാതെതന്നെ അത് ഇന്ത്യയും കടന്ന് പുറത്തേക്കു വ്യാപിച്ചു. കേരളത്തിലെ ഒരു കാട്ടിൽനിന്ന് രാജ്യാന്തര തലത്തിലേക്ക് ആനക്കൊമ്പുവേട്ടയുടെ കണ്ണികള്‍ ചേരുന്നതാണ് പിന്നീടു കണ്ടത്. വേട്ട സംഘത്തിൽനിന്നു കൊമ്പു വാങ്ങി വിദേശത്തേക്കു കടത്തിയതു കൊൽക്കത്തയിലെ ഒരു വനിതയുൾപ്പെടെയുള്ള സംഘമാണെന്ന വിവരം ലഭിച്ചതിനെ തുടർന്നായിരുന്നു കേസിലെ ഈ നിർണായക വഴിത്തിരിവ്. അന്വേഷണ സംഘത്തിനോടൊപ്പം നമുക്കും തുടങ്ങാം യാത്ര, ‘ആനവേട്ടക്കഥ’യുടെ രണ്ടാം ഭാഗത്തിലേക്ക്... കേന്ദ്ര വനംവകുപ്പിന്റെ കീഴിലുള്ള വൈൽഡ് ലൈഫ് ക്രൈം ബ്യൂറോയുടെ ഉൾപ്പെടെ സഹായത്തോടെയായിരുന്നു അന്വേഷണം. കൊൽക്കത്തയിലെ ഒരു വനിതയും ഒരു ഡൽഹി സ്വദേശിയുമാണ് ആനക്കൊമ്പു കച്ചവടത്തിന്റെ പ്രധാന ഇടനിലക്കാർ. കൊൽക്കത്തയിൽനിന്നു സിലിഗുഡി, ഡാർജിലിങ് വഴി നേപ്പാളിലേക്കാണു കൊമ്പു കടത്തിയിരുന്നത്. അവിടെ ആനക്കൊമ്പിന്റെ കച്ചവടം നിയമവിരുദ്ധമല്ല....
മഹേശ്വരി ചരിഞ്ഞു, കെന്നഡി തനിച്ചായി; ‘ചീത്തപ്പേര്’ കേൾപ്പിച്ച പടയപ്പ; മൃഗങ്ങളുടെ പേരിടലിനു പിന്നിലാരാണ്?

ആരാടാ എന്നെ വിളിച്ചത് ഗർ... കുറച്ചു നാൾ മുൻപാണ് സംഭവം. തിരുവനന്തപുരത്തെ മൃഗശാല, ഉച്ച കഴിഞ്ഞ സമയം. ഭക്ഷണം കഴിച്ച് വയറു നിറഞ്ഞ് ഉച്ചമയക്കത്തിന് തയാറെടുക്കുകയാണ് കടുവാക്കൂട്ടിലെ ഒരു ഒരു ‘ഘടാഘടിയൻ’ കടുവ. സ്കൂളിൽനിന്ന് പഠനയാത്രയ്‌ക്കെത്തിയ കുട്ടികൾ ‘മനൂ... മനൂ...’ എന്ന് ഉറക്കെ വിളിക്കുന്നതു കേട്ട് തെല്ല് ദേഷ്യത്തോടെ കടുവച്ചാർ തലപൊക്കി നോക്കി മുരണ്ടു. ആരാണ് ‘മനു’ എന്ന സംശയം കടുവക്കൂടിന് മുന്നിൽ പ്രദർശിപ്പിച്ച ബോർഡിൽ നോക്കിയപ്പോൾ മനസ്സിലായി. സാമാന്യം ഉയരവും ശരീരവുമുള്ള കടുവയ്ക്ക് മനു എന്ന പേരാണ് മൃഗശാല അധികൃതർ സമ്മാനിച്ചത്. ഒരു കടുവയ്ക്ക് യോജിച്ച പേരാണോ മനു എന്നത്? ആരാകാം ആ പേരിട്ടത്? ഇത്തരം സംശയങ്ങൾ ഇപ്പോൾ വീണ്ടും തോന്നാൻ ഒരു കാരണമുണ്ട്. മൃഗശാലകളിൽ മൃഗങ്ങൾക്ക് പേരിടുന്നത് വിവാദത്തിരകളിലാണിപ്പോൾ. സംഗതി കോടതി വരെ കയറിയിരിക്കുന്നു! പശ്ചിമബംഗാളിലെ സിലിഗുരി സഫാരി പാർക്കിലെ സിംഹങ്ങള്‍ക്ക് സീത, അക്ബര്‍ എന്നിങ്ങനെ പേരിട്ടതില്‍ വിയോജിപ്പ് അറിയിച്ച് കല്‍ക്കട്ട ഹൈക്കോടതി കൂടി രംഗത്തെത്തിയതോടെ വിവാദം ചൂടുപിടിച്ചിരിക്കുകയാണ്. പേരിട്ടതു ത്രിപുര സര്‍ക്കാരാണെന്നും മാറ്റാമെന്നുമാണ് ബംഗാള്‍ സര്‍ക്കാര്‍ കോടതിയെ അറിയിച്ചത്.
വേട്ടക്കാരുടെ സഹായി പറഞ്ഞതു കേട്ട് ഞെട്ടി: കാട് നിറയെ ‘തല തകർന്ന’ കൊമ്പന്മാർ: കുട്ടിയാനയെ കൊന്നത് തമാശയ്ക്ക്! കേരള ‘പോച്ചറുടെ’ കഥ

പത്തു മാസത്തിനിടെ 20 കാട്ടാനകൾ സംസ്ഥാനത്തെ വനങ്ങളിൽ കൊല്ലപ്പെട്ടു എന്ന ലീഡ് വാർത്തയുമായാണ് 2015 ജൂൺ 29ന് മനോരമ പുറത്തിറങ്ങിയത്. അന്ന് തിരുവനന്തപുരത്ത് ചീഫ് റിപ്പോർട്ടറും ഇപ്പോൾ മലയാള മനോരമ കോഴിക്കോട് ചീഫ് ഓഫ് ബ്യൂറോയുമായ ജയൻ മേനോൻ ആണ് ഈ വാർത്ത പുറത്തു കൊണ്ടു വന്നത്. ഡൽഹിയിലേക്കും കൊൽക്കത്തയിലേക്കും നേപ്പാളിലേക്കും വരെ നീണ്ട അന്വേഷണങ്ങളായിരുന്നു അതിനു പിന്നില്‍. പിന്നീട് സംഭവത്തെപ്പറ്റിയുള്ള സിബിഐ അന്വേഷണത്തിലേക്കും ഈ വാർത്ത നയിച്ചു. എന്താണ് യഥാർഥത്തിൽ അന്ന് കേരളത്തിലെ കാടുകളിൽ സംഭവിച്ചത്? എങ്ങനെയാണ് രാജ്യാന്തരബന്ധം വരെയുള്ള ആനക്കൊമ്പു മാഫിയയെ അഴിക്കുള്ളിലാക്കിയത്? മാഫിയയെ രക്ഷിക്കാനുള്ള ശ്രമങ്ങളും അതിനിടെ ഉണ്ടായി. എങ്ങനെയാണ് വനംവകുപ്പും മാഫിയയും തമ്മിലുള്ള ബാന്ധവം തകർക്കാൻ സാധിച്ചത്? ആ പിന്നാമ്പുറക്കഥ ആദ്യമായി പുറത്തു വരികയാണ്. അതിനു പിന്നിൽ പ്രവർത്തിച്ചവരെയും വെളിച്ചത്തേക്കു കൊണ്ടു വരുന്നു മനോരമ ഓൺലൈൻ പ്രീമിയത്തിലൂടെ...
ഗൾഫിലേയ്ക്ക് ഫ്രീ വീസ, ടിക്കറ്റ്, വൻ ശമ്പളം! ജോലി വെറുതെയിരിക്കൽ! ഈ തട്ടിപ്പിൽ പെടരുത്; വനിതകളെയും കുരുക്കി ‘കമ്പനി പൊട്ടിക്കൽ’

ഗൾഫിലേയ്ക്ക് വീസയും ടിക്കറ്റും ലഭിക്കും. താമസവും ഭക്ഷണവും ഫ്രീ. കോട്ടും സ്യൂട്ടുമിട്ട് ആറ് മാസം ഓഫിസിൽ വെറുതെയിരുന്ന് ഗെയിം കളിക്കാം. വട്ടച്ചെലവിന് ഓരോ മാസവും 10,000 രൂപ. ആറ് മാസം കഴിഞ്ഞ് നാട്ടിലെത്തുമ്പോൾ ബാങ്ക് അക്കൗണ്ടിലേക്ക് 4 ലക്ഷം രൂപ. ഇതുപോലൊരു ജോലി ഓഫർ സ്വപ്നത്തിൽ മാത്രമേ ലഭിക്കൂ. പക്ഷേ ഇങ്ങനെയൊരു വാഗ്ദാനം യഥാർഥത്തിൽ വന്നു. പറഞ്ഞതു പോലെത്തന്നെ കാര്യങ്ങൾ നടക്കുകയും ചെയ്തു. പക്ഷേ ആ ഓഫറും സ്വീകരിച്ച് ഗൾഫിലേയ്ക്കു പോകുന്നതിനു മുൻപ് ഈ വാർത്ത മുഴുവൻ വായിക്കുക. ഗൾഫ് രാജ്യങ്ങളിൽ വ്യാപകമായി നടക്കുന്ന പുതിയ തട്ടിപ്പുരീതിയാണിത്. ‘കമ്പനി പൊട്ടിക്കൽ’ എന്ന ഓമനപ്പേരിലാണ് ഈ തട്ടിപ്പ് അറിയപ്പെടുന്നത്. മറ്റൊരു പൊട്ടിക്കൽ തട്ടിപ്പ് കൂടിയുണ്ട് ഗൾഫിൽ. അതാണ് ‘സ്വർണം പൊട്ടിക്കൽ’...
അരിമ്പാറയും പാടുകളും ശ്രദ്ധിക്കണം, ഈ കാൻസർ കൂടുതൽ ഇന്ത്യയിൽ; ‘പൂനത്തിന് തമാശ, ഞങ്ങൾക്കിത് വേദന’

‘സെർവിക്കൽ കാൻസർ ബാധിച്ച് മരിച്ചു’ എന്ന് പോസ്റ്റിട്ട് ആദ്യം ഞെട്ടിച്ചത് ബോളിവുഡ് നടി പൂനം പാണ്ഡെയായിരുന്നു. ഫെബ്രുവരി 2ന് ‘മരിച്ച’ പൂനം പക്ഷേ ദിവസങ്ങൾക്കകം ‘പുനർജനിച്ചു’. സെർവിക്കൽ (ഗർഭാശയമുഖ) കാൻസറിനെതിരെ ബോധവൽക്കരണം നടത്താനും വാക്സീൻ എടുക്കുന്നതിന്റെ പ്രാധാന്യം ബോധ്യപ്പെടുത്താനുമാണ് ‘മരണ പോസ്റ്റി’ട്ടത് എന്നായിരുന്നു പൂനത്തിന്റെ വാദം. എന്തായാലും തട്ടിപ്പുമരണം നടത്തിയതിന് കേസും കൂട്ടവുമായി നടക്കുകയാണ് പൂനം ഇപ്പോൾ. അടുത്ത ഞെട്ടൽ ഫെബ്രുവരി 22നായിരുന്നു. ഹിന്ദി ടെലിവിഷൻ താരം ഡോളി സോഹിയെ ശ്വാസതടസ്സം കാരണം ആശുപത്രിയിൽ പ്രവേശിപ്പിച്ചിരിക്കുന്നു. സെർവിക്കൽ കാൻസര്‍ സ്ഥിരീകരിച്ച് സീരിയലുകളിൽനിന്ന് ഇടവേളയെടുത്തിരിക്കുകയാണ് താരം. ‘പൂനത്തെപ്പോലുള്ള താരത്തിന് ഇതെല്ലാം തമാശയായിരിക്കും, പക്ഷേ കാൻസർ വേദന അനുഭവിക്കുന്ന ഞങ്ങൾക്ക് അങ്ങനെയല്ല’ എന്നാണ് ‘മരണ വിവാദ’മുണ്ടായ സമയത്ത് ഡോളി രൂക്ഷമായി പ്രതികരിച്ചത്. ഇന്ത്യയിൽ ഓരോ എട്ടു മിനിറ്റിലും സെർവിക്കൽ കാൻസർ ബാധിച്ച് ഒരു സ്ത്രീ വീതം മരിക്കുന്നു എന്നാണു കണക്ക്. ലോകത്താകമാനമുള്ള കണക്കെടുത്താൽ ഏറ്റവുമധികം സെർവിക്കൽ കാൻസർ രോഗികൾ ഉള്ളതും ഇന്ത്യയിൽത്തന്നെ. അതായത് ആകെ സെർവിക്കൽ കാൻസർ രോഗികളുടെ 25 ശതമാനത്തിലധികവും ഇന്ത്യയിലാണ്.
‘ഫാലീ...’ എന്ന ബാപ്‌സിയുടെ വിളിയില്‍ എല്ലാം മറക്കും; ഏറ്റവും ഇഷ്ടം കേരളം; ‘ചതി പാടില്ല, അഭിഭാഷകർ കളവു പറഞ്ഞും ജയിക്കരുത്’

ഓക്സ്‌ഫഡ് സർവകലാശാലയിൽനിന്ന് പഠനം പൂർത്തിയാക്കി തിരിച്ചെത്തിയപ്പോൾ മുതൽ ഫാലി എസ്.നരിമാനെ അറിയാം. അതായത് 1993 മുതൽ. ഏകദേശം 30 വർഷത്തോളമായി. ഞാൻ അഭിഭാഷകനായി ജോലി ചെയ്തു തുടങ്ങിയപ്പോൾ മുതൽ ഉള്ള അടുപ്പമായിരുന്നു. ഒരു അഭിഭാഷകൻ എങ്ങനെയായിരിക്കണം എന്നത് നമുക്ക് പറഞ്ഞു തരാൻ ഒരാൾ ഉണ്ടായിരുന്നു, അദ്ദേഹം പോയതോടെ അടുത്ത തലമുറയ്ക്ക് അതില്ലാതായി. അത്രത്തോളം വലിയൊരു മനുഷ്യനായിരുന്നു ഫാലി എസ്. നരിമാൻ. അദ്ദേഹം കേസുകൾ വാദിക്കുക മാത്രമല്ല ചെയ്തത്, മറിച്ച് ഇന്ത്യൻ നിയമവ്യവസ്ഥ വളർത്തിയെടുക്കണം എന്ന് നിർബന്ധമുള്ളയാളായിരുന്നു, അത് അവസാന സമയത്തു പോലും അദ്ദേഹം ചെയ്തിരുന്നു.
നമുക്ക് വേണ്ടി നരിമാൻ വാദിച്ച കേസുകൾ: ഇന്ദിരയ്ക്കും തിരിച്ചടി: ഒരിക്കൽ പറഞ്ഞു, 'ആ വാദം ഒരു തെറ്റ്'

നരിമാൻ വാദിച്ച ഏറ്റവും പ്രധാനപ്പെട്ട കേസ് ഏതായിരിക്കും? ഇങ്ങനെ ഒരു തർക്കം ഉയർന്നാൽ അതിൽ വിധി പറയാൻ നിയമജ്ഞർക്കു പോലും പ്രയാസമായിരിക്കും. നരിമാൻ ഇടപെട്ട കേസുകളെല്ലാം തന്നെ പ്രധാനപ്പെട്ടതായിരുന്നു എന്നതല്ല അതിന്റെ പ്രാധാന്യം. അദ്ദേഹത്തിന്റെ കേസ് ഡ‍യറിയിലെ കേസുകളെല്ലാം തന്നെ ഏതെങ്കിലും തരത്തിൽ ഇന്ത്യയുടെ സാമൂഹിക ജീവിതത്തെയും സാധാരണക്കാരന്റെ ജീവിതത്തെയും ബാധിക്കുന്നതായിരുന്നു. അടിയന്തിരാവസ്ഥ കാലത്ത് ഇന്ദിര ഗാന്ധിക്ക് എതിരെ അദ്ദേഹം വാദിച്ചു. അതേ സമയം എഫ്ഐആർ സംബന്ധിച്ച കേസുകൾ സാധാരണക്കാരന്റെ ജീവിതത്തിന് സുരക്ഷ ഉറപ്പാക്കി. രാജ്യം കണ്ട എക്കാലത്തേയും മികച്ച അഭിഭാഷകൻമാരിൽ ഒരാളായിരുന്നു ഫാലി സാം നരിമാൻ, ഇന്ത്യൻ നിയമശാസ്‌ത്രത്തിന്റെ ചരിത്രത്തിൽ മായാത്ത മുദ്ര പതിപ്പിച്ച നിയമജ്ഞൻ. നരിമാന്റെ നിയമ മണ്ഡലത്തിലേക്കുള്ള യാത്ര ആരംഭിച്ചത് നീതിയോടുള്ള അഗാധമായ പ്രതിബദ്ധതയോടെയും സമൂഹങ്ങളെ പരിവർത്തനം ചെയ്യാൻ നിയമത്തിന്റെ ശക്തിയിലുള്ള വിശ്വാസത്തോടെയുമായിരുന്നു. സാം നരിമാൻ ഇന്ത്യൻ നിയമ സാഹോദര്യത്തിലെ ഇതിഹാസമായിട്ടാണ് അറിയപ്പെടുന്നത്. ഒൻപത് പതിറ്റാണ്ട് നീണ്ട അദ്ദേഹത്തിന്റെ ജീവിതവും കരിയറും നിയമപരമായ പാണ്ഡിത്യത്തിന്റെയും കോടതിമുറിയിലെ മികവിന്റെയും ഭരണഘടനാ മൂല്യങ്ങളോടുള്ള അചഞ്ചലമായ പ്രതിബദ്ധതയുടെയും ശ്രദ്ധേയമായ ഒരു ശേഖരം പ്രദാനം ചെയ്യുന്നു. രാജ്യത്തെ പ്രധാന കേസുകളിലെല്ലാം നേരിട്ടും അല്ലാതെയും ഇടപ്പെട്ടിട്ടുള്ള നിയമവിദഗ്ധൻ കൂടിയാണ് നരിമാൻ. ഏതൊക്കെയായിരുന്നു നരിമാന്റെ പ്രധാനപ്പെട്ട കേസുകൾ? പരിശോധിക്കാം....
‘മുന്നോട്ടു നയിച്ചത് അപ്പ’: കഠിനവഴിയിലെ കഥ പറഞ്ഞ് ട്രീസ: ‘ഗായത്രിയുടെ ആ സ്വഭാവം എനിക്കിഷ്ടം’

കണ്ണൂർ ചെറുപുഴയിലെ വീട്ടുമുറ്റത്ത് ട്രീസയ്ക്കു ബാഡ്മിന്റൻ കളിക്കാനായി ഉണ്ടായിരുന്നത് ഒരു ‘മൺകോർട്ട്’ ആയിരുന്നു. പക്ഷേ ഇടയ്ക്കിടെ മഴ പെയ്യും, മണ്ണിൽ ചെളി നിറയും. കളിക്കാന്‍ വേറെ സ്ഥലങ്ങളുമില്ല. ടാർപൊളിൻ വലിച്ചു കെട്ടിയാണ് അന്ന് ട്രീസ മഴയെ പ്രതിരോധിച്ചത്. ആ പ്രയത്നം പിന്നീടുള്ള മത്സരങ്ങളിലെല്ലാം ട്രീസ പിന്തുടർന്നു. ഇരുപതാം വയസ്സിൽ അതിന്റെ ഫലവും കണ്ടു. മലേഷ്യയിൽ നടന്ന ഏഷ്യൻ ബാഡ്മിന്റന്‍ ടീം ചാംപ്യൻഷിപ്പിൽ ഡബിൾസിൽ ട്രീസ ജോളി– ഗായത്രി ഗോപീചന്ദ് സഖ്യം സുവർണനേട്ടമാണ് സ്വന്തമാക്കിയത്. ഇതാദ്യമായി ഇന്ത്യ ഏഷ്യൻ ടീം ബാഡ്മിന്റൻ ചാംപ്യൻഷിപ്പിൽ വനിതാ വിഭാഗത്തിൽ സ്വർണം നേടിയപ്പോൾ ആ സംഘത്തിലും ട്രീസയുടെ നേട്ടം തിളങ്ങിത്തന്നെ നിന്നു. വനിതാ ബാഡ്മിന്റനിൽ കാര്യമായ നേട്ടങ്ങളൊന്നും എടുത്തുപറയാനില്ലായിരുന്നു കേരളത്തിന്. ഇനിയത് മാറും. ഈ രാജ്യാന്തര താരം ഇനി കേരളത്തിനു സ്വന്തം. എന്നാൽ, സ്വർണത്തിളക്കം പോലെ എളപ്പമുള്ളതായിരുന്നില്ല ട്രീസയുടെ യാത്രാവഴി. ആത്മവിശ്വാസത്തെ മുറുകെ പിടിച്ച്, കഠിന പ്രയത്നത്തിലൂടെ ജീവിത വഴികളിലെ വെല്ലുവിളികളെ അതിജീവിക്കുകയായിരുന്നു ഈ കണ്ണൂരുകാരി. കോമൺവെൽത്ത് ഗെയിംസ് ബാഡ്മിന്റനിലും ഇരട്ട മെഡൽ നേടിയിരുന്നു ട്രീസ. അതിനു ശേഷം ലഭിക്കുന്ന രാജ്യാന്തര നേട്ടമാണ് മലേഷ്യയിലേത്. ജില്ലാ അണ്ടർ-11 വിഭാഗത്തിൽ പങ്കെടുക്കുമ്പോൾ വെറും ഏഴ് വയസ്സായിരുന്നു ട്രീസയ്ക്ക്. പുളിങ്ങോം എന്ന മലയോര ഗ്രാമത്തിൽ അന്ന് ബാഡ്മിന്റൻ കോർട്ടുകളോ മറ്റ് സൗകര്യങ്ങളോ ഒന്നുമുണ്ടായിരുന്നില്ല.
‘ക്ഷീണം’ തീർത്ത് യശസ്വി; ‘ബാസ് ബോൾ’ തകർത്ത് സർഫറാസ്, ധ്രുവ്, ഗിൽ...: ടെസ്റ്റില്‍ ഇന്ത്യ ഇനി ഭദ്രം; തെളിവാണ് ഇവർ...

ആറടി 9 ഇഞ്ച് പൊക്കമുള്ള ഫാസ്റ്റ് ബോളർ പാട്രിക് പാറ്റേഴ്സനും അഞ്ചടി നാലിഞ്ച് പൊക്കമുള്ള വിക്കറ്റ് കീപ്പർ ഡേവിഡ് വില്യംസും ഒരുമിച്ച് നിൽക്കുന്ന വെസ്റ്റ് ഇൻഡീസ് ടീമിന്റെ ചിത്രം കണ്ടാൽ ആരും ഒന്നു നോക്കിപ്പോകും. വെസ്റ്റ് ഇൻഡീസ് ടീമിന്റെ തൊണ്ണൂറുകളിലെ കരുത്തായിരുന്നു ഈ ‘വലിയ’ പാറ്റേഴ്സനും ‘ചെറിയ’ വില്യംസും ചേർന്നുള്ള കൂട്ടുകെട്ട്. ആ പഴയ കാഴ്ചയെ വെല്ലുന്ന കാഴ്ചയാണ് കഴിഞ്ഞ ദിവസം ഇന്ത്യൻ ടീം ഒരുക്കിയതെന്നു പറയാം. അനുഭവ സമ്പത്തിൽ പാറ്റേഴ്സന്റെ പൊക്കമുള്ള അശ്വിൻ തുടങ്ങിവച്ച വെടിക്കെട്ട് പൂർത്തിയാക്കിയത് പരിചയത്തിൽ വില്യംസിന്റെ പൊക്കത്തോളം വരുന്ന യശസ്വി ജയ്സ്വാളും സംഘവും.
‘ആ കാഴ്ചയിൽ അവർ അന്തംവിട്ടു പോകും’: ‘അണിഞ്ഞൊരുങ്ങി’ ഇന്ത്യ; വന്നിറങ്ങിയത് 120 സുന്ദരിമാർ

‘ആധുനികതയും പാരമ്പര്യവും ഒന്നിച്ചു ചേരുന്ന ഒരു ലോകം, അതാണ് ഇന്ത്യ. ഇത്തവണ മിസ് വേൾഡ് മത്സരത്തിനായി ഇന്ത്യയിലെത്തുന്ന സുന്ദരിമാരെല്ലാം ആ ലോകം കണ്ട് അന്തംവിട്ടുപോകും’. ഇരുപത്തിയെട്ടു വർഷത്തിനു ശേഷം ഇന്ത്യയിലെത്തുന്ന മിസ് വേൾഡ് മത്സരത്തിൽ ഇന്ത്യയെ പ്രതിനിധീകരിച്ചു പങ്കെടുക്കുന്ന സിനി ഷെട്ടിയുടെ വാക്കുകൾ. 120 രാജ്യങ്ങളിൽനിന്നുള്ള സുന്ദരിമാരാണ് അഴകളവിന്റെ മത്സരക്കളത്തിൽ മാറ്റുരയ്ക്കാനായി ഡൽഹിയിലെത്തിയത്. സുന്ദരമായ ഡൽഹി നഗരം ഇനി സുന്ദരിമാരുടെ നഗരം കൂടിയാവുകയാണ്.

Results 1-100 of 484

Today's Epaper

MANORAMA APP

Life +

our sites

about

QUICK LINKS

EXPERIENCE MANORAMA ONLINE PREMIUM

Our Sites