103–ാം വയസ്സിലും തളരാതെ ബെക്കർ

കായംകുളം ∙ 103–ാം വയസ്സിലും തളരാത്ത ജനാധിപത്യബോധവുമായി സ്വാതന്ത്ര്യസമരസേനാനി കെ.എ.ബെക്കർ വോട്ട് രേഖപ്പെടുത്തി. പുള്ളിക്കണക്ക് 86 ാം നമ്പർ ബൂത്തിൽ ഇന്നലെ ഉച്ചയ്ക്ക് 12 നാണ് വോട്ട് ചെയ്തത്. 1948 മുതൽ വോട്ടെടുപ്പിൽ പങ്കെടുക്കുന്നതിന്റെ ഓർമകൾ ബെക്കർ അയവിറക്കി.മകൻ മുബാറക്ക് ബെക്കർ, ചെറുമകൻ ഫാത്തിഹ് ലുഖ്മാൻ എന്നിവർക്കൊപ്പമാണ് വോട്ട് ചെയ്യാനെത്തിയത്. സ്വാതന്ത്ര്യ സമര കാലം മുതൽ പൊതുപ്രവർത്തനത്തിൽ സജീവമായിരുന്ന ബെക്കർ കായംകുളം നഗരസഭ മുൻ കൗൺസിലറുമാണ്.