പേമരം വളവിൽ വീണ്ടും അപകടം

അടിമാലി∙ മാങ്കുളം പേമരം വളവിൽ വീണ്ടും അപകടം. ഇന്നലെ വൈകിട്ട് നിയന്ത്രണം വിട്ട കാർ തിട്ടയിൽ ഇടിച്ചാണ് അപകടമുണ്ടായത്. യാത്രക്കാർ  പരുക്കുകളോടെ രക്ഷപ്പെട്ടു. കോതമംഗലം പല്ലാരിമംഗലം സ്വദേശികളാണ് അപകടത്തിൽപെട്ടത്. ഊന്നുകല്ലിൽനിന്ന് ആനക്കുളത്തേക്കു പോകും വഴിയാണ് അപകടം. നിരന്തരമായി അപകടങ്ങൾ ഉണ്ടാകുന്ന വളവാണിത്. കഴിഞ്ഞ 19ന് തമിഴ്നാട്ടിലെ തിരുനൽവേലിയിൽനിന്ന് ആനക്കുളത്ത് വിനോദ    സഞ്ചാരത്തിന് എത്തിയ സംഘത്തിലെ പിഞ്ചു ബാലൻ ഉൾപ്പെടെ 4 പേർ ഇവിടെ അപകടത്തിൽ മരിച്ചിരുന്നു.