69 ഇനം പ്ലാവ്; 25 തരം മാവ്; വാഹന, കിഡ്സ് സോണുകൾ

കൊല്ലം ∙ ആശ്രാമം പ്രശാന്തി ഗാർഡൻസിൽ മലയാള മനോരമയുടെ നേതൃത്വത്തിൽ നടക്കുന്ന പുഷ്പമേളയിൽ വിദേശ ഇനം അലങ്കാരച്ചെടികളും ഫലവൃക്ഷങ്ങളും. ഓട്ടോ സോണിൽ വാഹനങ്ങൾക്ക് വൻ ഓഫർ ലഭിക്കും. ഫർണിച്ചറിന് 60% വരെ വിലക്കുറവ്. മണ്ണാശ്ശേരിൽ  അഗ്രികൾചർ ഫാം ആൻ‍ഡ് നഴ്സറിയുമായി ചേർന്നു നടത്തുന്ന മേളയിൽ വിദേശ ഇനങ്ങൾ ഉൾപ്പെടെ 69 ഇനം പ്ലാവുകൾ ഉണ്ട്. 25 ഇനം മാവുകളും ഉണ്ട്. ഒന്നാം വർഷം മുതൽ കായ്ക്കുന്ന വിയറ്റ്നാം ഏർലി, തായ്‌ലൻഡ് ഓൾ സീസൺ പ്ലാവുകൾ തുടങ്ങി അത്യുൽപാദന ശേഷി ഉള്ളവയാണ് പ്ലാവുകൾ.

മലേഷ്യൻ കുള്ളൻ തെങ്ങിൻ തൈകളും വാങ്ങാം. ഓട്ടോ സോണിൽ ആകർഷകമായ വിലക്കുറവും എക്സ്ചേ‍ഞ്ച് ഓഫറും ലഭിക്കും. സാരഥി ഓട്ടോ കാർസിൽ പഴയ വാഹനത്തിന് മികച്ച എക്സ്ചേഞ്ച് വില ഉറപ്പു നൽകുന്നുണ്ട്. 25,000 രൂപ ബോണസും ലഭിക്കും. നിപ്പോൺ ടൊയോട്ട സ്റ്റാളിൽ 45,000 മുതൽ 2,52,721 രൂപ വരെയാണ് വിവിധ മോഡലുകൾക്കുള്ള ഓഫർ. ഗ്ലാൻസയ്ക്ക് 60,000 രൂപ, ഹൈലക്സിന് 1,48,815 രൂപ എന്നിങ്ങനെയാണ് ഓഫർ. മുത്തൂറ്റ് ടാറ്റ കൊല്ലം ഷോ റൂമിൽ നിന്ന് ഉഗ്രൻ ഓഫറോടു കൂടി നെക്സോൺ, പഞ്ച്, ടിയാഗോ തുടങ്ങിയ വാഹനങ്ങൾ വാങ്ങാനാകും. 

റിയ ഫർണിച്ചർ ഫാക്ടറി സ്റ്റാളിൽ നിലമ്പൂർ തേക്കിൻ തടിയിൽ നിർമിച്ച ഫർണിച്ചറിന് 60% വിലക്കുറവ് ലഭിക്കും. ബെഡ് റൂം സെറ്റ് വാങ്ങുമ്പോൾ മെത്ത സൗജന്യമായി ലഭിക്കും. വീടിന് അനുയോജ്യമായ അളവിൽ ഫർണിച്ചർ നിർമിച്ചു നൽകും. കേരളത്തിൽ എവിടെയും ഹോ ഡെലിവറി എന്ന സൗകര്യവും ഉണ്ട്. യൂറോ പവർ വാക്വം ക്ലീനർ 1500  രൂപയുടെ പ്രത്യേക ഓഫറിൽ മേളയിൽ ബുക്കു ചെയ്യാം.

വാട്ടർ ടാങ്കിന് ഉള്ളിൽ ഇറങ്ങാതെയും വെള്ളം കളയാതെയും സംഭരണി വൃത്തിയാക്കാൻ കഴിയുന്ന വാട്ടർ ടാങ്ക് ക്ലീനിങ് സംവിധാനം, വേഗത്തിൽ വീടു വൃത്തിയാക്കാൻ കഴിയുന്ന  സ്മാർട്ട് ക്ലീനർ മോപ്,  ഉയരം കൂട്ടാനും കുറയ്ക്കാനും കഴിയുന്ന തോട്ടികൾ, ബാർബൻഡ് മില്ലർ എന്ന ഇനം കറ്റാർ വാഴയിൽ നിന്നു വേർതിരിച്ചെടുക്കുന്ന ഉൽപന്നങ്ങൾ തുടങ്ങിയവ കൺസ്യൂമർ സ്റ്റാളുകളിൽ നിന്നു വാങ്ങാം. കുട്ടികൾക്ക് ഉല്ലസിക്കാൻ കിഡ്സ് സോൺ,  ഭക്ഷണ വിഭവങ്ങളുമായി ഫുഡ് കോർട്ട്, കലാപരിപാടി എന്നിവയും ഫ്ലവർ ഷോയുടെ ഭാഗമായുണ്ട്. മേള 21 ന് സമാപിക്കും. ദിവസവും വൈകിട്ട് 3 മുതൽ രാത്രി 9 വരെയാണ് പ്രദർശനം. പ്രവേശനം പാസ് മുഖേന.