സുഹൃത്തിനെ മർദിച്ച കേസിലെ പ്രതി കീഴടങ്ങി
Mail This Article
×
കൊല്ലം ∙ സുഹൃത്തിനെ ക്രൂരമായി മർദിച്ച കേസിലെ പ്രതി കോടതിയിൽ കീഴടങ്ങി. പോർട്ട് കൊല്ലം ഹാർബർ ശാലേം നഗർ നിവാസി ഡെന്നീസ് ക്ലീറ്റസ് ആണു കോടതിയിൽ കീഴടങ്ങിയത്. കഴിഞ്ഞ മാർച്ച് 31ന് ആണു സംഭവം. ഡെന്നീസിന്റെ സുഹൃത്ത് ഷാബു സേവ്യറും കൂട്ടുകാരും ചേർന്നു ചീട്ടുകളിക്കുന്നതിനിടെ തർക്കമുണ്ടായി. സുഹൃത്തുക്കൾ ഇടപെട്ട് ഇരുവരെയും പിടിച്ചു മാറ്റി.
ഇതിന്റെ വിരോധത്തിൽ രാത്രിയിൽ വീട്ടിൽ ഉറങ്ങി കിടന്ന ഷാബുവിനെ വിളിച്ചുണർത്തി തടി കഷണം ഉപയോഗിച്ചു ഡെന്നീസ് തലയ്ക്കും വാരിയെല്ലിലും സാരമായി മർദിക്കുകയായിരുന്നു എന്നു പൊലീസ് പറഞ്ഞു. തുടർന്ന്, ഒളിവിൽ പോയ ഡെന്നീസ് ബെംഗളൂരു, എറണാകുളം എന്നിവിടങ്ങളിൽ താമസിക്കുകയും ജില്ലാ കോടതി, ഹൈക്കോടതി എന്നിവിടങ്ങളിൽ ജാമ്യാപേക്ഷ സമർപ്പിക്കുകയും ചെയ്തു. കോടതി ജാമ്യാപേക്ഷ തള്ളിയതോടെ ഇയാൾ കഴിഞ്ഞ ദിവസം കീഴ്ക്കോടതിയിൽ ഹാജരാകുകയായിരുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
