ആളില്ലാത്ത വീട്ടിൽ മോഷണം: 6 പവൻ കവർന്നു

ഇരവിപുരം∙ ആളില്ലാത്ത വീടിന്റെ വാതിലുകൾ തകർത്ത് അലമാരയിൽ സൂക്ഷിച്ചിരുന്ന 6 പവൻ കവർന്നു. മയ്യനാട് കാക്കോട്ട്മൂല പള്ളിക്ക് സമീപം എൽസമ്മ വിൻസെന്റിന്റെ ഇരുനില വീട്ടിലാണ് ഞായർ രാത്രി മോഷണം നടന്നത്. വീടിന്റെ പിൻഭാഗത്തെ വാതിൽ കുത്തിപ്പൊളിച്ചാണ് മോഷ്ടാക്കൾ അകത്തു കയറിയത്.

 മുറികളുടെ വാതിലുകളും തകർത്തു. മുറിക്കുള്ളിൽ ഉണ്ടായിരുന്ന സാധനങ്ങളെല്ലാം വാരി വലിച്ചിട്ട നിലയിലാണ്. 4 റൂമി‌ലും അലമാരകൾ കുത്തിത്തുറന്നു. വീട്ടു സാധനങ്ങളും മോഷണം പോയിട്ടുണ്ട്. വീട്ടുകാർ ഈ ദിവസം ബെംഗളൂരുവിലായിരുന്നു. ഇന്നലെ രാവിലെ വന്നപ്പോഴാണ് വീടിന്റെ പിറകുവശത്തെ വാതിൽ കുത്തിപ്പൊളിച്ചതായി കണ്ടത്. വാതിലിനൊപ്പമുളള ഇരുമ്പ് ഗ്രില്ലും മൂർച്ചയുള്ള ആയുധം വച്ച് തകർത്തിട്ടുണ്ട്.ഇരവിപുരം പൊലീസിൽ പരാതി നൽകി.