പരാതിയില്ലാതെ മുന്നോട്ട്; വീട്ടിൽ വോട്ട് നടപടി തുടരുന്നു

കൊയിലാണ്ടി∙ ഭിന്നശേഷിക്കാർക്കും 85നു മുകളിൽ പ്രായമുള്ളവർക്കും വീട്ടിൽനിന്ന് വോട്ട് ചെയ്യാൻ അവസരം നൽകുന്ന ഹോം വോട്ടിങ് കൊയിലാണ്ടി മേഖലയിൽ നടന്നു. കഴിഞ്ഞ ദിവസം ഹോം വോട്ടിങ്ങിനെ ചൊല്ലി തർക്കങ്ങൾ ഉണ്ടായിരുന്നു. സീൽ ചെയ്യാത്ത ബാലറ്റ് പെട്ടി ഉപയോഗിച്ചത് യുഡിഎഫ് എതിർത്തിരുന്നു. ഇന്നലെ തർക്കങ്ങൾ ഇല്ലാതെയാണ് കൊയിലാണ്ടി മേഖലയിൽ വോട്ടിങ് പൂർത്തിയായത്.