കോഴിക്കോട് ജില്ലയിൽ ഇന്ന് (23-04-2024); അറിയാൻ, ഓർക്കാൻ

വനിതാ ഫുട്ബോൾ ടീം സിലക്‌ഷൻ ട്രയൽസ്
കോഴിക്കോട്∙  ഗോകുലം കേരള എഫ്‌സിയും ദേവഗിരി സെന്റ് ജോസഫ്സ് കോളജും വനിതാ ഫുട്ബോൾ ടീം സിലക്‌ഷൻ ട്രയൽസ് 25ന്  7 മുതൽ കോളജ് മൈതാനത്ത് നടത്തും. തിരഞ്ഞെടുക്കപ്പെടുന്ന കളിക്കാർക്ക് സൗജന്യ കോളജ് വിദ്യാഭ്യാസം, ഫുട്ബോൾ പരിശീലനം, താമസം, ഭക്ഷണം എന്നിവ ലഭിക്കും. ഹയർസെക്കൻഡറി പാസായവർക്കും ഫലം കാത്തിരിക്കുന്നവർക്കും പങ്കെടുക്കാം. ഫോൺ: 7823958897.

ഗെസ്റ്റ് അധ്യാപകർ
|കോഴിക്കോട് ∙ ദേവഗിരി സെന്റ് ജോസഫ്സ് കോളജിൽ ഇക്കണോമിക്സ്, ഇംഗ്ലിഷ്, മലയാളം, ജേണലിസം, ഹിന്ദി, ഫ്രഞ്ച്, മാത്തമാറ്റിക്സ്, ഫിസിക്സ്, കെമിസ്ട്രി, ബോട്ടണി, സുവോളജി, സൈക്കോളജി, ഫിസിയോളജി, പൊളിറ്റിക്കൽ സയൻസ്, സ്റ്റാറ്റിസ്റ്റിക്സ് വിഷയങ്ങളിൽ ഗെസ്റ്റ് അധ്യാപകരെ ആവശ്യമുണ്ട്. മേയ് 2 നു മുൻപായി www.devagiricollege.org എന്ന വെബ്സൈറ്റിലെ ഗൂഗിൾ ഫോമിൽ അപേക്ഷിക്കണം. 0495 – 2355901.

വൈദ്യുതി മുടക്കം
∙ നാളെ പകൽ 7 മുതൽ 3 വരെ അറക്കപ്പറമ്പ്, വെള്ളച്ചാൽ, ഒറ്റക്കണ്ടം, ആപ്പറ്റ, ചരത്തിപ്പാറ, തരിപ്പിലോട്, പുന്നശ്ശേരി.
∙ 8 – 3: പാലക്കുന്ന്, കുണ്ടത്തിൽ, വെളിമണ്ണ ടൗൺ, വെളിമണ്ണ, വെളിമണ്ണ ടവർ.
∙ 8 – 5: പുന്നക്കൽ, ഓളിക്കൽ, മധുരമൂല, ചെലപ്രം ബസാർ, ഊണിമുക്ക്, കൂട്ടുകുളങ്ങര, തെക്കണ്ണിത്താഴം, കൂട്ടുപാടം, ബദിരൂർ എന്നിവിടങ്ങളിൽ ഭാഗികം.
∙ 8 – 6: മാട്ടുപൊയിൽതാഴം, വരുംകാലമല, വരുംകാലമല ക്രഷർ, സഹകരണമുക്ക് എന്നീ ട്രാൻസ്ഫോമറുകൾക്കു കീഴിലുള്ള സ്ഥലങ്ങൾ.
∙ 12 – 6: മുക്കം ടൗൺ കാരശ്ശേരി ബാങ്ക്, എസ്ബിഐ, മുക്കം മാൾ ഭാഗങ്ങൾ.