എം.കെ.രാഘവൻ നാടിന്റെ സൗഭാഗ്യമെന്നു രമേഷ് പിഷാരടി

കക്കോടി ∙ ഇത്രയും ജനകീയനും ഏതു സമയത്തും വിളിപ്പുറത്തുള്ളയാളുമായ എം.കെ.രാഘവൻ നാടിന്റെ സൗഭാഗ്യമാണെന്നു നടൻ രമേഷ് പിഷാരടി. യുഡിഎഫ് എലത്തൂർ നിയോജക മണ്ഡലം റോഡ് ഷോ സമാപനം ഉദ്ഘാടനം ചെയ്യുകയായിരുന്നു അദ്ദേഹം. എലത്തൂരിൽ നിന്ന് ആരംഭിച്ച് എരഞ്ഞിക്കൽ, തലക്കുളത്തൂർ, നന്മണ്ട, കാക്കൂർ, ചേളന്നൂർ എന്നിവിടങ്ങളിലൂടെ സഞ്ചരിച്ചാണ് കക്കോടിയിൽ സമാപിച്ചത്.

സ്ഥാനാർഥി എം.കെ.രാഘവൻ എംപി, യൂത്ത് ലീഗ് സംസ്ഥാന ജനറൽ സെക്രട്ടറി പി.കെ.ഫിറോസ്, ടി.കെ.രാജേന്ദ്രൻ, വി.എം.മുഹമ്മദ്, പി.ശ്രീധരൻ, അറോട്ടിൽ കിഷോർ, കെ.ശ്രീജിത്ത്, എൻ.ജയകൃഷ്ണൻ, വി.അബ്ദുൽ സമദ്, സനൂജ് കുരുവട്ടൂർ എന്നിവർ പ്രസംഗിച്ചു.