മുംബൈ വിമാനത്താവളത്തിൽ യാത്രക്കാര്‍ 16% കൂടി; 5 കോടി കടന്ന് കുതിപ്പ്

മുംബൈ∙ കഴിഞ്ഞ സാമ്പത്തികവർഷം മുംബൈ വിമാനത്താവളത്തിലെ യാത്രക്കാരുടെ എണ്ണം 16 ശതമാനം വർധിച്ചു. 5.28 കോടി യാത്രക്കാരാണ് വിമാനത്താവളത്തിലൂടെ യാത്ര ചെയ്തത്. മുൻ സാമ്പത്തികവർഷം ഇത് 4.39 കോടിയായിരുന്നു. മുംബൈയിൽ വിമാനം ഇറങ്ങുകയും ഇവിടെ നിന്ന് യാത്ര പുറപ്പെടുകയും ചെയ്തവരെ ഉൾപ്പെടുത്തിയുള്ള കണക്കാണിത്. 2.60 കോടി ആളുകൾ വിമാനമിറങ്ങി. 2.68 കോടിപ്പേർ ഇവിടെ നിന്ന് യാത്ര പുറപ്പെട്ടു. വിമാന സർവീസുകളുടെ എണ്ണത്തിൽ 12 ശതമാനത്തിന്റെ വർധനയുണ്ട്.