മഴ പെയ്താൽ കവലയ്ക്കു നടുവിൽ വെള്ളക്കെട്ട്
Mail This Article
×
ഏനാത്ത് ∙ ഓടകൾ മൺമറഞ്ഞതോടെ മഴ പെയ്താൽ കവലയുടെ നടുവിൽ വെള്ളക്കെട്ട്. വെള്ളം ഒഴുകി പോകാൻ ഇടമില്ലാതായതോടെ റോഡരികിൽ വ്യാപാര സ്ഥാപനങ്ങൾക്കു മുന്നിൽ വെള്ളം കെട്ടി നിൽക്കുന്നതിനാൽ വ്യാപാരികളും കാൽനട യാത്രക്കാരും പ്രയാസം നേരിടുന്നു. മണ്ണു മൂടിക്കിടക്കുന്ന ഓട തെളിക്കുന്നതിന് നടപടിയുമില്ല. ജംക്ഷൻ മുതൽ സൊസൈറ്റിപ്പടി വരെയും റോഡിനിരുവശത്തും ഓടയില്ല. പൊലീസ് സ്റ്റേഷനു സമീപവും ശക്തമായ മഴയിൽ വെള്ളം കെട്ടി നിൽക്കുന്നു. ഓടകൾ കലുങ്കുമായി ബന്ധിപ്പിച്ച് വെള്ളം ആറ്റിലേക്ക് ഒഴുക്കി വിടുകയായിരുന്നു രീതി. എന്നാൽ വെള്ളം ഒഴുകി പോകേണ്ട മാർഗങ്ങളെല്ലാം മണ്ണിട്ട് മൂടിയതോടെ ചെറിയ മഴയിലും കവല വെള്ളത്തിലാകും. വ്യാപാര സ്ഥാപനങ്ങൾക്കു മുന്നിലുള്ള ഓട പുനസ്ഥാപിക്കണമെന്ന ആവശ്യവും ശക്തമാണ്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.