തിരുവനന്തപുരം ജില്ലയിൽ ഇന്ന് (11-05-2024); അറിയാൻ, ഓർക്കാൻ

കുടിവെള്ളം  വിതരണം  തടസ്സപ്പെടും: നെടുമങ്ങാട്∙  കളത്തറ പമ്പ് ഹൗസിന്റെ നവീകരണ പ്രവർത്തികൾ 12, 13 തീയതികളിൽ നടക്കുമെന്ന് ജല അതോറിറ്റി അസിസ്റ്റന്റ് എക്സിക്യൂട്ടീവ് എൻജിനീയർ അറിയിച്ചു.  നെടുമങ്ങാട് മുനിസിപ്പാലിറ്റിയിൽ ഈ ദിവസങ്ങളിൽ കുടിവെള്ളം വിതരണം തടസ്സപ്പെടും.

അപേക്ഷ ക്ഷണിച്ചു
തിരുവനന്തപുരം ∙ ഇന്ത്യൻ റെഡ് ക്രോസ് സൊസൈറ്റി(കേരള ബ്രാഞ്ച് )നടത്തുന്ന ഫസ്റ്റ് എയ്ഡ് സർട്ടിഫിക്കറ്റ് കോഴ്സിലേക്ക് അപേക്ഷ ക്ഷണിച്ചു. 23 മുതൽ 25 വരെ തിരുവനന്തപുരത്തെ സ്റ്റേറ്റ് ഓഫിസിലാണ് കോഴ്സ് നടത്തുന്നത്. ഫോൺ: 9778689773, 9495730715.

നഴ്സിങ്  അസിസ്റ്റന്റ്  ട്രെയിനിങ്;  അപേക്ഷ ക്ഷണിച്ചു
തിരുവനന്തപുരം ∙ ആർസിസിയിൽ നഴ്സിങ് അസിസ്റ്റന്റ് ട്രെയിനിങ് കോഴ്സിലേക്ക് അപേക്ഷകൾ ക്ഷണിച്ചു. 24നു വൈകിട്ട് 4 വരെ അപേക്ഷകൾ സ്വീകരിക്കും. വിശദ വിവരങ്ങൾക്കും അപേക്ഷാ ഫോറത്തിനും  www.rcctvm.org/ www.rcctvm.gov.in

ബി.ടെക്  എൻആർഐ  ക്വോട്ട പ്രവേശനം
തിരുവനന്തപുരം ∙ എൽബിഎസ് സെന്റർ ഫോർ സയൻസ് ആൻഡ്‌ ടെക്‌നോളജിക്ക് കീഴിൽ പ്രവർത്തിക്കുന്ന പൂജപ്പുര വനിതാ എൻജിനീയറിങ് കോളജിൽ ബി.ടെക്‌ എൻആർഐ ക്വോട്ടയിലേക്ക് പ്രവേശനം നേടാൻ താൽപര്യമുള്ളവർ കോളജ് വെബ്‌സൈറ്റിൽ (www.lbt.ac.in) റജിസ്റ്റർ ചെയ്യണം. സിവിൽ എൻജിനീയറിങ്, കംപ്യൂട്ടർ സയൻസ് ആൻഡ് എൻജിനീയറിങ്, ഇലക്ട്രോണിക്സ് ആൻഡ് കമ്യൂണിക്കേഷൻ എൻജിനീയറിങ്, ഇലക്ട്രോണിക്സ് ആൻഡ് കംപ്യൂട്ടർ എൻജിനീയറിങ്, ഇൻഫർമേഷൻ ടെക്‌നോളജി എന്നീ ബ്രാഞ്ചുകളിലേക്കാണ് പ്രവേശനം. ഫോൺ: 9995595456, 9497000337, 9447329978, 949310477.