ഐറിഷ് റെസിഡൻസ് പെർമിറ്റ് ഫീസ് കുറയ്ക്കണം: പ്രബന്ധം അവതരിപ്പിച്ച് അജു സാമുവൽകുട്ടി

ഡബ്ലിൻ ∙ അയർലണ്ട് പ്രധാനമന്ത്രി സൈമൺ ഹാരിസും നീതിന്യായ മന്ത്രി ഹെലൻ മക്എന്റിയും പങ്കെടുത്ത അയർലണ്ടിലെ ഗാൽവേയിൽ നടന്ന Fine Gael പാർട്ടിയുടെ യോഗത്തിൽ, കുടിയേറ്റക്കാരുടെയും അന്തർദേശീയ വിദ്യാർഥികളുടെയും സാമ്പത്തിക ഭാരം ലഘൂകരിക്കാൻ ഐറിഷ് റെസിഡൻസ് പെർമിറ്റ് ഫീസ് 300 യൂറോയിൽ നിന്ന് 100 യൂറോയായി കുറയ്ക്കുന്നതിന് വേണ്ടിയുള്ള പ്രബന്ധം അവതരിപ്പിച്ച് കൊല്ലം ജില്ലയിലെ അഞ്ചൽ ഇളവറാംകുഴി സ്വദേശിയും, അയർലാണ്ട് മലയാളിയും, Fine Gael പാർട്ടിയുടെ ഡബ്ലിൻ സൗത്ത് വെസ്റ്റ് നിയോജകമണ്ഡലം പാർട്ടി അംഗവുമായ അജു സാമുവൽകുട്ടി. വരാനിരിക്കുന്ന പാർലമെൻ്റ് യോഗത്തിൽ വിഷയം ഉന്നയിക്കുമെന്നും ഉചിതമായ നടപടികൾ കൈക്കൊള്ളുമെന്നും നീതിന്യായ മന്ത്രി ഹെലൻ മക്എന്റി ഈ പ്രസംഗത്തോട് പ്രതികരിച്ചു.