ആറ് വയസ്സുകാരന് എതിരെയാണ് എന്റെ മത്സരം: ബൈഡൻ

വാഷിങ്ടൻ ∙ യുഎസ് പ്രസിഡന്റ് തിരഞ്ഞെടുപ്പു പ്രചാരണം ചൂടേറിയതോടെ എതിരാളിയായ ഡോണൾഡ് ട്രംപിനെ കടന്നാക്രമിച്ച് പ്രസിഡന്റ് ജോ ബൈഡൻ. ‘ഈ മത്സരത്തിൽ പ്രായം ഒരു പ്രശ്നം തന്നെയാണ്. മുതിർന്ന ആളായ ഞാൻ മത്സരിക്കുന്നത് ആറുവയസ്സുകാരനെതിരെയാണ്’, ട്രംപിനെ (77) പരിഹസിച്ച് ബൈഡൻ (81) പറഞ്ഞു. വൈറ്റ് ഹൗസ് കറസ്പോണ്ടന്റ്സ് അസോസിയേഷൻ സംഘടിപ്പിച്ച വിരുന്നിൽ നടത്തിയ 10 മിനിറ്റ് പ്രസംഗത്തിൽ ട്രംപിനെ ‘ഉറക്കംതൂങ്ങി’ എന്നും കളിയാക്കി.