വ്യത്യസ്ത രൂപഭംഗി; മനംകവരുന്ന വീട്

ആധുനിക വാസ്തുവിദ്യയ്ക്ക് ട്രോപിക്കൽ (ഉഷ്ണമേഖലാ) പരിസ്ഥിതിയുമായി എങ്ങനെ സമന്വയിക്കാം എന്നതിന്റെ അദ്ഭുതകരമായ മാതൃകയാണ് റെഡ് വാൾ റെസിഡൻസ്. സ്വാഭാവിക സവിശേഷതകളുമായി സമന്വയിക്കുന്ന ദൃശ്യചാരുതയും ഇടങ്ങളും സൃഷ്ടിക്കുന്ന ലീനിയർ (രേഖീയ) തലങ്ങൾ,  ബോൾഡ് നിറങ്ങൾ എന്നീ ഡിസൈൻ സവിശേഷതകളിലൂടെ രൂപത്തിന്റെ പരിശുദ്ധി ഉയർത്തിക്കാട്ടുന്നതിൽ ഡിസൈൻ ടീം ശ്രദ്ധ കേന്ദ്രീകരിച്ചു. 

കെട്ടിടത്തെ ചുറ്റുപാടുമായി വേറിട്ടു നിർത്താൻ ആഗ്രയിൽനിന്ന് ഇറക്കുമതി ചെയ്ത ചെങ്കല്ല് അടങ്ങിയ ചുവന്ന നിറമുള്ള മെറ്റീരിയൽ പാലറ്റ് തിരഞ്ഞെടുത്തു. ചുവപ്പ് കലർന്ന ഈ ബൃഹത്തായ കണ്ണഞ്ചിപ്പിക്കുന്ന മാസ്റ്റർപീസ് കെട്ടിടത്തെ ചുറ്റുമുള്ള പ്രകൃതിയുമായി യോജിപ്പുള്ള സഹവർത്തിത്വത്തിലാക്കുന്നു.

പ്രകൃതിയുമായി ഇഴുകി ചേരുന്ന ഇടങ്ങൾ സൃഷ്ടിക്കുക എന്നതായിരുന്നു പ്രധാന ഡിസൈൻ ആശയം. വീട് ശരിക്കും സ്വകാര്യമായിരിക്കണം, തെരുവിലേക്ക് തുറന്നുകാട്ടപ്പെടരുത്, മരങ്ങളുടെയും ഭൂപ്രകൃതിയുടെയും കാഴ്ചകൾ പരമാവധിയാക്കണം എന്നതായിരുന്നു ഡിസൈൻ തീരുമാനങ്ങളെ നയിച്ച അടിസ്ഥാന തത്വങ്ങൾ.

കെട്ടിടത്തിന്റെ മുൻഭാഗം ചുവന്ന നാച്ചുറൽ സ്റ്റോൺ കൊണ്ട് നിർമ്മിച്ച കട്ടിയുള്ള ഭിത്തികളാൽ മൂടപ്പെട്ടതും , കൂടാതെ കെട്ടിടത്തിന്റെ വശത്തേക്ക് വിശാലമായ ഓപ്പണിങ് സ്ഥാപിക്കുകയും ഉപയോക്താവിന് വലിയ പ്രവേശന കവാടം സൃഷ്ടിക്കുകയും ചെയ്യുന്നു.

ലാൻഡ്‌സ്‌കേപ്പിനും ജലാശയത്തിനും ഇടയിലുള്ള നാച്ചുറൽ സ്റ്റോൺ പാകിയ വഴി ഒരു വലിയ നടുമുറ്റത്തോടുകൂടിയ ഭാഗികമായി അടച്ച സിറ്റൗട്ടിലേക്ക് നയിക്കുന്നു.

താഴത്തെ നിലയിൽ, പ്രകൃതിയിലേക്ക് തുറന്ന സ്വീകരണമുറിയിലേക്കാണ് പ്രവേശിക്കുന്നത്. ഡബിൾ ഹൈറ്റ് , വ്യാപ്തിയും അകത്തും പുറത്തുമുള്ള സംയോജനവും അതിരുകൾ ഇല്ലാത്തതുമായ രീതിയിൽ തോന്നിപ്പിക്കുന്നു .

പ്രധാന നടുമുറ്റം സ്വീകരണമുറിയുടെ വടക്ക് ഭാഗത്തായി സ്ഥിതിചെയ്യുന്നു, അതേസമയം സ്വീകരണമുറിക്കും ഡൈനിംഗിനും ഇടയിൽ സ്ഥിതിചെയ്യുന്ന രണ്ടാമത്തെ നടുമുറ്റം ജല സവിശേഷതകളുള്ള ഗസീബോ ആയി വർത്തിക്കുന്നു. ഓരോ നടുമുറ്റവും രൂപകല്പനയിൽ വ്യത്യസ്‌തമാണ്. വീടിന്റെ തെക്ക്-കിഴക്ക് മൂലയിലാണ് അടുക്കള ഒരുക്കിയിരിക്കുന്നത്; കാറ്റിന്റെയും വെളിച്ചത്തിന്റെയും ഒഴുക്ക് ഉറപ്പാക്കുന്നു.

താഴത്തെ നിലയിൽ സ്വകാര്യ കോർട്ട് യാർഡുകളിലേക്കും ലാൻഡ്‌സ്‌കേപ്പുകളിലേക്കും ഫ്രെയിം ചെയ്ത കാഴ്ചകളുള്ള 3 സ്യൂട്ട് ബെഡ്‌റൂമുകൾ അടങ്ങിയിരിക്കുന്നു. മുകളിലത്തെ നിലയിൽ, 2 കിടപ്പുമുറികളും സ്ഥിതി ചെയ്യുന്നു, കൂടാതെ എല്ലാത്തിനുമൊപ്പം സ്യൂട്ട്, ഒപ്പം കുടുംബത്തിന് ഒത്തുചേരാൻ , ഇന്റേണൽ കോർട്ട് യാർഡുകളുടെ അദ്‌ഭുതകരവും  വിശേഷാധികാരമുള്ളതുമായ കാഴ്ച പിടിച്ചെടുക്കുന്ന രീതിയിലുള്ള ലിവിങ് റൂമും ഒരുക്കി.

സ്റ്റഡി ഏരിയ  ഫ്ലോട്ടിംഗ് വോളിയം ആയിട്ടാണ് മെസനൈനിൽ സൃഷ്ടിച്ചിരിക്കുന്നത്, അത് ഗോവണിപ്പടികളുടെ പ്രധാന ഫ്ലൈറ്റ് വഴി ആക്സസ് ചെയ്യാവുന്നതാണ്. ഇന്റീരിയർ ഡിസൈനിൽ, റസ്റ്റിക് മെറ്റീരിയലുകൾ, ഫ്ലൂയിഡ് ലേഔട്ടുകൾ, നാച്ചുറൽ ടോണുകളുടെ പാലറ്റ് എന്നിവ ശാന്തതയുടെ ഒരു വികാരം ഉണർത്തുന്നു. വീടിനുള്ളിലെ കൂടുതൽ ഇളം നിറമുള്ള പാലറ്റ് കടുംചുവപ്പ് മുഖത്തെ വ്യത്യസ്തമാക്കുന്നു, ഇത് ഇടങ്ങൾക്ക് ശോഭയുള്ളതും സ്വാഗതാർഹവുമായ വികാരം നൽകുന്നു.

ഇന്റീരിയറിൽ മോഡേൺ ഫർണിച്ചറുകളും കസ്റ്റമൈസ് ചെയ്ത ഇന്ത്യൻ സമകാലിക ഫർണിച്ചറുകളും ഗ്രേ, ബീജ്, റസ്റ്റിക് വുഡ് എന്നിവ ഹൈലൈറ്റ് ചെയ്യുന്നു.

ഈ വീട് ജീവിതവുമായി പരിപൂർണ്ണമായി ഇഴുകിച്ചേരുന്ന ഒരു ഇടം നൽകാൻ ശ്രമിക്കുന്നു, അതേസമയം ഓരോ സ്പേസും ലാൻഡ്‌സ്‌കേപ്പുമായി കൂടിച്ചേരുന്നതിന്റെ വിവിധ തലങ്ങൾ അനുഭവിക്കാനുള്ള അവസരവും നൽകുന്നു. അതിന്റെ ഘടന പ്രകൃതി പരിസ്ഥിതിയുമായി തടസ്സങ്ങളില്ലാതെ സംയോജിപ്പിക്കാൻ ഉദ്ദേശിച്ചുള്ളതാണ്, ഇടങ്ങൾ അനുഭവിക്കുന്ന ആർക്കും വിശാലതയും പുതുമയും സൃഷ്ടിക്കുന്നു. ബോൾഡ്, അലൈൻഡ്, സ്ട്രൈക്കിംഗ് എന്നിവയാണ് ഈ പ്രോജക്റ്റിനെ നിർവചിക്കുന്ന മൂന്ന് അടിസ്ഥാന പദങ്ങൾ.

Project facts

Location- Thrissur

Design- i2a Architects, Thrissur