സിഎസ്ബി ബാങ്കിന് 567 കോടി അറ്റാദായം
Mail This Article
×
കൊച്ചി∙ സിഎസ്ബി ബാങ്ക് 2024 മാർച്ച് 31-ന് അവസാനിച്ച സാമ്പത്തിക വർഷത്തിൽ 567 കോടി രൂപ അറ്റാദായം കൈവരിച്ചു. മുൻവർഷത്തെ 547 കോടി രൂപയെക്കാൾ 4% വർധനയാണിത്. ബാങ്കിന്റെ പ്രവർത്തന ലാഭം 10% വർധിച്ച് 780 കോടി രൂപയിലും എത്തി.
അറ്റ പലിശ വരുമാനം കഴിഞ്ഞ സാമ്പത്തിക വർഷത്തിൽ 11% വർധിച്ച് 1476 കോടിയിലെത്തി. പലിശ ഇതര വരുമാനത്തിൽ 85% വളർച്ചയാണു കൈവരിച്ചത്. അറ്റ നിഷ്ക്രിയ ആസ്തികൾ 0.51 ശതമാനമാണ്.
കഴിഞ്ഞ സാമ്പത്തിക വർഷത്തിന്റെ നാലാം ത്രൈമാസത്തിൽ 151.46 കോടി രൂപ അറ്റാദായവും 228 കോടി രൂപ പ്രവർത്തന ലാഭവും കൈവരിച്ചതായും കണക്കുകൾ സൂചിപ്പിക്കുന്നു. ബിസിനസിൽ 20% വളർച്ച കൈവരിക്കാൻ കഴിഞ്ഞതായി മാനേജിങ് ഡയറക്ടറും സിഇഒയുമായ പ്രലായ് മൊണ്ടൽ പറഞ്ഞു.
English Summary:
CSB bank net profit rises
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
