പങ്കാളിക്കോ, മാതാപിതാക്കൾക്കോ വാടക നൽകിയാൽ നികുതി ലാഭിക്കാമോ?
Mail This Article
വീട്ടുവാടക അലവൻസ് ഇനത്തിൽ നികുതി ലാഭിക്കാൻ ഭാര്യക്കോ, മാതാപിതാക്കൾക്കോ വാടക നൽകാം. നിങ്ങൾ കൊടുക്കുന്ന വാടക ഭാര്യയുടെയോ അല്ലെങ്കിൽ മാതാപിതാക്കളുടെയോ വരുമാനമായി കണക്കാക്കും. ആദായ നികുതി വകുപ്പിന്റെ നോട്ടത്തിൽ മറ്റൊരു വ്യക്തിയെന്ന പരിഗണന ഭാര്യക്കും, മാതാപിതാക്കൾക്കും ലഭിക്കും. പങ്കാളിയുടെയോ, മാതാപിതാക്കളുടെയോ മറ്റു വരുമാനങ്ങളുടെ കൂടെ വാടക വരുമാനവും കൂട്ടും. ആർക്ക് വാടക കൊടുക്കുന്നുവോ അവരുടെ പേരിലായിരിക്കണം വീട്. വാടക കൊടുക്കുന്നുണ്ടെന്ന് തെളിയിക്കുന്നതിനായി നിങ്ങളുടെ ബാങ്ക് അക്കൗണ്ടിൽ നിന്നും, അവരുടെ ബാങ്ക് അകൗണ്ടിലേക്കു തുക കൈമാറ്റം ചെയ്യുന്നതായി രേഖ വേണം. അതുകൂടാതെ വാടക രസീതും, വാടക കരാറും കൃത്യമായി വേണം. ഭാര്യയുടെ അച്ഛനും അമ്മയ്ക്കും ഇത്തരത്തിൽ വാടക നൽകാം. പങ്കാളിക്കോ, മാതാപിതാക്കൾക്കോ വാടക നൽകുന്നതിലൂടെ നിങ്ങൾക്ക് നികുതിയിനത്തിൽ നല്ലൊരു തുക ലാഭിക്കാൻ സാധിക്കുമെന്നു മാത്രമല്ല ആ തുക നിങ്ങളുടെ വീട്ടിൽ തന്നെ സമ്പാദിക്കുക കൂടി ചെയ്യാം.
English Summary : How to Make Income Tax Benefit from House Rent Allowance