മീരാഭായ് ചാനുവിന് ഒളിംപിക്സ് യോഗ്യത
Mail This Article
×
ഫുക്കറ്റ് (തായ്‌ലൻഡ്) ∙ ഇന്ത്യൻ വെയ്റ്റ്‌ലിഫ്റ്റിങ് താരം മീരാഭായ് ചാനു പാരിസ് ഒളിംപിക്സിന് യോഗ്യത ഉറപ്പിച്ചു. തായ്‌ലൻഡിലെ ഫുക്കറ്റിൽ നടന്ന ഐഡബ്ല്യുഎഫ് ലോകകപ്പിൽ 49 കിലോഗ്രാം വിഭാഗത്തിൽ മൂന്നാം സ്ഥാനത്ത് ഫിനിഷ് ചെയ്തതോടെയാണ് ചാനു ഒളിംപിക്സ് ബെർത്ത് ഉറപ്പിച്ചത്. ടൂർണമെന്റ് അവസാനിച്ച ശേഷമാകും ഔദ്യോഗിക പ്രഖ്യാപനം ഉണ്ടാവുക. സെപ്റ്റംബറിൽ നടന്ന ഏഷ്യൻ ഗെയിംസ് മത്സരത്തിനിടെ പരുക്കേറ്റ ചാനു, 6 മാസത്തെ ഇടവേളയ്ക്കു ശേഷമാണ് ഇന്നലെ മത്സരിക്കാൻ ഇറങ്ങിയത്. ഇത് മൂന്നാം തവണയാണ് ചാനു ഒളിംപിക്സിന് യോഗ്യത നേടുന്നത്. ടോക്കിയോ ഒളിംപിക്സിൽ വെള്ളിമെഡൽ ജേതാവായിരുന്നു.
English Summary:
Mirabai Chanu to Paris Olympics
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
